Yohanes 2:22 - ALLAH ANE WENW KET MEKE WAROGO WOKNINAKHIKHE WENE

²² Wene itithogon yogeisasikhesik yabokane watlageikhesik nen iluk ageikhemo, it ap at agarumi ane waganhe lagoukha meke emenogo nen, “Wene yi alebat yoknisugunem ninasuk holhugu meke,” iluk inakla ebekhukhasik nen, Allah ane holal waganek meke inom, wene Yesus nen yogeisasikhe meke etnogo inom, hutdisukhasik inakla nen eberogonat apasukha.

Yohanes 2:22 ပူးပေါင်းရင်းမြစ်များ

Lukas 24:26

At Kristus Allah nen ayoko 'bisikhe etnogo, yi aik ti aik higidek hogorasusak a? Dek o. Hugunem nen hogorasusak o. Hit nen egep iti hagasusak tak-tagat hagakha o,” iluk yogeisasikhe.

Lukas 24:44

Nalok nen, it emenogo men yogeisasikhe, “An hit ninom dogolik yokhisekhe dogolik, An hagatnabugun meke holal Musa nen waganhik, ap Allah ane yogeisekhe lagoukha meke emenogo nen waganhik, it aperek nen buku Mazmur oba waganhik, holal waganogo 'bisukha iti tak-tagat, an arat hagatnabugun, iluk yokhisekhe lagei etnogo ebe arat hagatlaga yi o,” iluk,

Yohanes 12:16

Itithogon ukisikhe mekeat he, itinem, it at agarumi ane waganhe lagoukha meke emenogo nen, wene hagatlageikhe meke iti hutdigidek. Meke re, at Yesus watlageikhesikmo nen yabokane Allah nen ilugutdisikhesik kogotdisikhesikmo nen, inakla ebekhukhasik men isukha, “At hasik Allah ane holal waganek weregat o. Nen, wene iti holal waganek werek tak-tagat, it akhuni nen at obasik hagakhunem ninileken hogo,” iluk inakla ebekhukha.

Yohanes 16:4

Itithogon hagathinakha halok, hinakla nen, Wene yi, at nen alebat yoknisasikhe etnogo, arat hagatninabiogei yi, iluk hinakla ebesubageik nen iluk, wene iti tha'bokhogonat yokhisigi o,” iluk yogeisasikhe. At Yesus nen wene itithogon yogeisasikhesik nen, yabokane ageikhe men yogeisasikhe, “An hit ninom yoma welago iti nen, wene yi tha'bokhogonat hit hinayoko 'bekhe dogolik yokhisigidek welagagi mekeat he,

Yohanes 2:11

At Yesus ebe hutduagaluk elalin meke ageikhe hagakhidekma alebageik hagakhikhe iti, o Galilea o ukul Kana dogolik hagakhikhe iti baga, at hogorakharek meke inilurogo yakulisasikhemo, it at agarumi ane waganhe lagoukha meke emenogo Yesus ebe hutdiluk, inetaiken at oba hakotdisukha.

Yohanes 2:17

Itithogon wenageisasikhemo, it at agarumi ane waganhe lagoukha meke emenogo inakla nen, “Alebat it ap aperek nen Allah ane baga holal waganogo 'bekhe dogolik, men isukhama werek etnogo, Allah nopase, hat hai halek netaiken hunik motok nen, nakla aga motok dageiliogo, iluk holal waganhukhama werek apigi,” iluk inakla ebekhukha.

Yohanes 2:2

Etoma werekma, at Yesus agarumi ane waganhe lagoukha meke inom meneke, inayoko 'bisukhama lagoukhasik welagoukhaat.

La'isasikhe 11:16

Inoba usa'agama nen, ninoe Etagapogot nen wene men iluk isikhe meke nakla ebekhi, Yohanes nen ima usa'inageikhe meke e, Allah nen Agoreke hinoba usa'isigin o, iluk isikhe meke iti oba ebekhi.