Yohanes 2:18 - ALLAH ANE WENW KET MEKE WAROGO WOKNINAKHIKHE WENE

¹⁸ Yesus nen it ap emenogo itithogon yogeisasikhemo, it ap koktek Yahudi meke nen Yesus ebe wenagakhe dogolik men yogokhukha, “Hat nen hagakhen yi re, iteerek dogolik hagasusak oba hagakhenma iluk, hutdaguok nen, elalin meke ageikhe hagasin ta,” iluk wenageikhukha.

Yohanes 2:18 ပူးပေါင်းရင်းမြစ်များ

Matius 21:23

At Yesus nen wene itithogon yogeisasikhesik, at ebe Allah ai halekma ukisikhesik dogolik wene yakulisugunem, it ap Allah iteerek meke inougi koktek inom, it ap inarluetek inom, Yesus oba wagoukhasik nen, men yogokhukha, “Hat he, yi hagakhik, ti hagakhik, hagakhe lagan yoma nena meke iteerek agatik hagakhe lagan? Nen, ap tha nen iteerek dogoagaluk, meldageikhemo hagakhe lagan,” iluk yogokhukhama

Markus 8:11

At Yesus lak o Dalmanuta itali agoukhama ap Farisi meke aperek Yesus inom wenekak ekhe dogolik obabut paluogoluk, oba wagoukhasik, men yogokhukha, “Hat hebe Allah nen la'agei agama wagan halok he, nit nen hutdaguok nen, hat nen elalin meke ageikhe hagasin ta,” iluk yogokhukha.

Lukas 11:29

Itithogon yogokhikhemo, akhuni motok doalegat Yesus oba natogosi agoukhama, at nen men yogeisasikhe, “Hit akhuni o yogotak welagap meke yoma hinobabut weak anek hagakhe lagap o. Hit nen, Nit hutdaguok nen, hat nen elalin meke ageikhe hagasin he, iluk, yoknekhe lagap meke re, an nebe hutdanubageik iluk, an nen elalin ninat meke ageikhe hagasigin motok dek o. At Yunus nen akhuni hutduagaluk elalinat hagakhikhe iti hak anek an nen yabokane ageikhe hagakhunem hinileken neagun o.

Yohanes 1:19

At Yohanes nen wene itithogon yogeisekho werekma, it ap Allah iteerek meke men, inukuloak etaga Lewi meke men, inom nen, “Yohanes. Hat hebe tha hak nogo,” iluk oba hinok waganuagaluk, ap Yahudi meke o Yerusalem nen la'isa agoukhama Yohanes oba wagoukha.

Yohanes 1:25

“Hat nen, An nebe, Allah nen akhuni tilninabuagaluk ayoko 'biluk la'isigin isikhe etnogo dek o. Nen, Elia degat o. Nen, Allah ane yoknisekhe dogoagaluk la'isigin isikhe etnogo degat o, egen meke re, nenaluk akhuni ima usa'isekhe lagan?” iluk yogokhukhama,

Yohanes 6:30

it nen men yogokhukha, “Hebe hutdaguagaluk, elalin meke ageikhe hagakhunem ninileken 'bikhealok, ninetaiken hoba hakotduok nen, ebe ki meke hagasigin. Ageikhe nikithogon hagasigin.

La'isasikhe 4:7

Natogokhukhasik nen, Petrus Yohanes ipisak etnogo inoba wogosik wagoukhasik inebe turlem meldisasukhasik nen, initema waganhukha. Initema waganhe dogolik, “Hit nen ap isok weak meke hagakhep iti, nena meke oatne baga hagakhep. Nen, tha etaga palogo hagakhep,” iluk ekhe lagoukhama nen,

La'isasikhe 5:28

“Hit nen ap iti etaga palogo nen wene yakulisugup o, iluk nit nen hinasuk hanorogon wakho etnogo mekeat he, hit nen wene iti wiakhogon yakulisekhe lagapma nen, akhuni o Yerusalem meke yoma tha'bokhogonat inilu aga iti, at ap iti wakha iti, wene nit ninoba 'buogoluk hagakhe lagap higi,” iluk yogeisasukha.