Yohanes 2:16 - ALLAH ANE WENW KET MEKE WAROGO WOKNINAKHIKHE WENE

¹⁶ Hagakhe dogolik, it ap thue merpati yogeik hakene oko waganhe lagoukha meke emenogo wenageisekhe dogolik, men yogeisasikhe, “Thue yoma horlalok dukhi lani o. An nopase ai halekma yoma, yi meke ti meke oko palharekma hakene palhe lagap yi, itithogon hagasusak motok dek o,” iluk wenageisasikhe.

Yohanes 2:16 ပူးပေါင်းရင်းမြစ်များ

Matius 21:12

Itithogon isukhama, at Yesus Allah ai halekma ukisikhesik, it akhuni Allah ai halekma ukiluk dogolik, yi meke ti meke oko waganhik, palhik, hagakhe lagoukha meke tha'bokhogonat sikhogo-mukhogo itikmanke ula'isigik, it aperek uang meja perlako baga 'biluk okokhe lagoukha meke men, it aperek o perlago baga inebe hurek dogolik thue merpati yogeik hakene meke oko waganhe lagoukha meke men, inago iti abel dagak-pagakhogon podisigik, hagarik lageikhesik,

Matius 21:13

men yogeisasikhe, “Holal waganek oba, at Allah nen ekhe dogolik, An nai halek yi hasik akhuni nen ekhe dogolik, O sembayan ekhe dogogun oba, iluk ekhe dogogun, iluk isikhemo holal waganek werek o. Mekeat he, hit nen, it ap akhuni inameke iniki abusak tilogo horlegarek meke inai negen halogo 'bisekhe lagap yi re!” iluk wenageisasikhe.

Matius 22:5

Yoko yogeisa lagoukha mekeat he, it inayoko 'bisikhe meke iti inakla puk-pakhogon hagakhe dogolik, it aperek inayabulake lageik, it aperek yi meke ti meke oko paluogoluk lageik,

Markus 11:17

Wene palhikhesik, it akhuni emenogo inasuk wakhe dogolik, men yogeisasikhe, “At Allah nen ekhe dogolik, An nai halek yi hasik akhuni nen ekhe dogolik, Yi akhuni ti akhuni inukuloak etaga dopok sembayan ekhe dogogun oba o, iluk ekhe dogogun, isikhe meke holal waganek werek etnogo dek? Itithogon iluk holal waganek werek mekeat he, hit nen, it ap akhuni inameke iniki abusak tilogo horlegarek meke inai negen halogo 'bisekhe lagap yi re!” iluk inekarli warogo inasuk wakhikhe.

Lukas 2:49

at Yesus nen, “Hit an heraknabik nekhe lagap nenaluk. An nopase ai halekma dogosak iluk hinokodek a?” iluk yogeisasikhe meke re,

Yohanes 10:29

Ap aperek erlok dek mekeat he, an nopase nen nadomba woknikhikhe meke iti anek he, ebe obatne werek o. It an nopase nen woknikhikhe meke iti, at iki baga werekma, it ap aperek nen tilogo woginabusak erlok dek o.

Yohanes 2:15

Itithogon hagakhunem ileken hisekhe lageikhesik, herle kupi meke tugi hagarogo nen sapi inom, domba inom, la'bisoko tugi warogo Allah ai halekma nen mukhogo ula'isigik, meja o perlago baga uang okokhe lagoukha meke emenogo abel dagak-pagakhogon la'isigik, inauang emenogo agat oba thirlik-pirlikhogon hagatdigik, hagakhikhe.

Yohanes 20:17

Itithogon heagei wakhikhemo, at Yesus nen, men yogokhikhe, “An nebe nopase oba aban dageigidek welagei iti re, hiki abiak haknarik dogogun o. An men, hit men, ninopase Allah oba hakotdiluk welagorek meke etnogo oba dageigiluk hagakhe lagei, ekhe iluk nagarumi yogeisa lan o,” iluk yogokhikhemo,

Yohanes 5:17

Itithogon hagakhukha mekeat he, at Yesus nen wene men yogeisasikhe, “An nopase iki ageikhe thogotdigidek, o yogotak yi inomat hagarinakho motok welagarek iti hak, an itithogonat hagarinakho welagei o,” iluk yogeisasikhemo,

Yohanes 8:49

at Yesus nen, men yogeisasikhe, “An mokat obabut weak meke nakla ukigidek o. An nen nopase hogorakho korlek mekeat, hit nen an netaga weak hagarogo 'bekhe lagap o.

2 Petrus 2:3

It ap Allah ane yakulisegarek meke thalek winam asugun iti inobabut he, “Nit anek woknisanek,” iluk egarek meke iti nen, hit nen oko wogeisoagaluk, wene inekaerek inakla nen kagalogo inekalat yokhisekhe dogogun iti. Itithogon mekeat he, it inobabut hagakhe dogogun iti baga, at Allah nen, “It iti ukum inoba 'biluk inebe weagarinabigin,” iluk haganeat dik-dukhogon hagatdiluk welageikhe. “Huk huk, maga maga,” iluk welageidek weagarinabigin meke werek o.