Yohanes 2:11 - ALLAH ANE WENW KET MEKE WAROGO WOKNINAKHIKHE WENE

¹¹ At Yesus ebe hutduagaluk elalin meke ageikhe hagakhidekma alebageik hagakhikhe iti, o Galilea o ukul Kana dogolik hagakhikhe iti baga, at hogorakharek meke inilurogo yakulisasikhemo, it at agarumi ane waganhe lagoukha meke emenogo Yesus ebe hutdiluk, inetaiken at oba hakotdisukha.

Yohanes 2:11 ပူးပေါင်းရင်းမြစ်များ

Yohanes 1:14

Ebe Wene etnogo abat ageikhesik ninomat welagagu. Ninomat dogolik, at ebe iti Allah a'but irlagapi itago etnogo, hogorakharek meke ninileken hasugu o. At obabut hano nen, hanorogo hagatninakhik, wene ebe wene yoknisigik, hagakho motok werekma ninileken hasugu.

Yohanes 1:17

Wene Allah nen ninasuk wakhikhe wene etnogo yakulnisoagaluk, alebat Musa la'i ageikhemo, yakulnisasikhe meke re, Allah obabut hano nen hanotninakhik, ebe wene yakulnisigik, hagasuagaluk, Yesus Kristus la'i ageikhemo yakulnisa ageikhe iti o.

Yohanes 1:43

Itithogon isikhesik noge iluk hubuluke, at Yesus o Galilea dageisigiluk akla apasikhesik nen dagei ageikhe hak, ap etaga Filipus ipisak abuk agoukhasik nen, men yogokhikhe, “Nagot. An noporlik eme o,” iluk ayoko 'bisikhemo oporlik lageikhe.

Yohanes 1:50

Itithogon yogokhikhemo, at Yesus nen, men yogokhikhe, “An nen, Hat o ara erloma hurek welagan etnaga an tak nileken hiigi o, iluk, yokhikhi iti baga nen tetaiken an noba ebekhen a? Iti we herlekha'bugat negen hagakhunem neegen meke re, yabokane kokhogon hagakhunem hileken neegein o,” iluk isikhesik,

Yohanes 10:41

Etoma werekma, akhuni doalegat at oba wagoukhasik nen, men isukha, “At Yohanes nen elalin meke ageikhe hagakhe lageikhe motok dek mekeat he, at nen ap yi abok ekhe lageikhe etnogo ane ebeat ageikhe,” iluk isukhasik

Yohanes 11:15

Itithogon watlaga mekeat, hit hinetaiken noba hakotdubageik nen iluk, an etoma usageidek huk welagei iti, hit hinobasigat nakla arleken akhekhe lagei o. Halok he, yogotak nit Lazarus oba usauwok nen witni o,” iluk yogeisasikhe.

Yohanes 11:47

Itithogon yogeisa lagoukhama nen, it ap Allah iteerek inougi koktek men, it ap Farisi meke men, it ap wene Allah hasik erlo pilinekharek meke waisasukhama wagoukhama nen, men yogeisasukha, “At ap iti ebe hutduagaluk elalin meke doalegat hagariogo iti re, nit nen nikithogon hagasuok apegep?

Yohanes 12:18

“At Yesus ebe hutduagaluk elalin meke itithogon hagakhe,” iluk isukhama akhuni inebe doalegat inasuk holhukhasikmo nogo nen, Yesus elokhoma dukhi agoukha iti.

Yohanes 12:37

At Yesus ebe it nen hutduagaluk elalin doalegat inil oba hagakhe lageikhe mekeat he, it nen, “At eberogonat,” iluk, ebe hutdekhe lagoukha motok dek o.

Yohanes 12:41

At Yesaya nen wene itithogon isikhe iti, at Yesus yabokane hagakhunem ebe hogorasugun meke hasik ileken hasikhesik nen, at abok isikhe iti.

Yohanes 14:13

Nen, at tha nen, yi meke ti meke an netaga palogo Allah kino yogokhe halok, an a'but nen hagakhunem, it akhuni nen nopase hogorasuagaluk, an nenat hagasigin o.

Yohanes 16:30

Hat nen, akhuni aperek nen wene ageikhe hinok wokhiigidek halok he, wene ebe hokodek 'buk o. Hat yi wene ti wene tha'bokhogonat hilu anek heogo o. Hat hebe eberogonat Allah nen la'agei ageikhemo wagagin, iluk yogotakne hutdagago o,” iluk yogokhukha.

Yohanes 2:1

Itithogon hagakhe lagoukhasik, noge iniki pere iluk nen, iniki ageikhe baga nen he, o Galilea o ukul ageikhe etaga Kana iti, ap ageikhe age igikhunem Yesus agosa ayoko 'bisukhama etoma inom welagoukha.

Yohanes 2:23

Itithogon isukhasik werek korlek, o Yerusalem it akhuni Yahudi meke domba warogo pesta Paskah nasi korlek, at Yesus etoma inom dogolik ebe hutduagaluk, elalin meke hagarik lageikhe iti nen, akhuni doalegat inileken hasukhasik nen inetaiken at oba hakotdisukha.

Yohanes 3:2

Nen, ap iti o hibako iniki ageikhe baga Yesus oba wageikhesik nen, men yogokhikhe, “Noe. Ap ageikhe Allah ipisak hunik dek halok he, hat nen elalin meke hagarik nekhe lagan iti hak, hagasusak motok erlok dek. Iti nen, hat nen wene yakulnisoagaluk Allah nen la'agei agama wagan iluk ninilu aga,” iluk yogokhikhe.

Yohanes 4:3

Itithogon isinem, “Inasuk holha o,” iluk Yesus ilu ageikhesik nen, at o Yudea thogotdiluk o Galilea apuke dageigiluk dagei ageikhe.

Yohanes 4:46

At Yesus ebe itithogon heagei warogo waganhukhama, alebat i meke anggur eken apusu hagakhikhe baga o Galilea ukul etaga Kana etnogo wageikhe. Wageikhesik werekma, ap kok pemerintah meke ageikhe, aila o Kapernaum meke, a'but oba u warek welageikhe.

Yohanes 4:54

At Yesus ebe o Yudea nen Galilea alep dagei ageikhesik akhuni nen ebe hutduagaluk elalin meke alep ageikhe hagakhikhesik oba nen, yabokane dagei ageikhesik, ageikhe hagakhikhe iti.

Yohanes 6:14

Itithogon ukharlogo 'bisukhama, at Yesus nen ebe hutduagaluk elalinat hagakhikhe meke iti, it akhuni inileken hasukhasikmo nogo nen, men isukha, “Ap ageikhe nen Allah ane agat oba yoma yoknisasigin isukha etnogo eberogonat, ebe yiat o,” iluk isukha.

Yohanes 6:2

I aik ilibaganke italhunem, alebat akhuni inoba u warek meke elalinat hagarinakhunem inileken hasukhasikmo nogo nen he, akhuni inebe doalegat doaldiluk, at oporlik lagoukha.

Yohanes 6:26

at Yesus nen, men yogeisasikhe, “An wene ageikhe yokhisak. An nebe hutdanubageik iluk elalinat hagakhunem hinileken neegep etnogo nen heraknabik wagap 'buk. Dek o. Hipiri roti meke supusogon wokhisigima hina'ithogon nekep etnogo nenat heraknabik wagap hisigi o, iluk, eberogonat yokhisigi.

Yohanes 6:30

it nen men yogokhukha, “Hebe hutdaguagaluk, elalin meke ageikhe hagakhunem ninileken 'bikhealok, ninetaiken hoba hakotduok nen, ebe ki meke hagasigin. Ageikhe nikithogon hagasigin.

Yohanes 7:31

It aperek nen hakhauwogoluk hagakhe lagoukha mekeat he, it akhuni doalegat emenogo inebe hetlake doalegat inetaiken Yesus oba hakotdisukhasik men isukha, “Ap ithi elalin meke hagakhe re, erlok dek apegep? Nen, akhuni tilninabuagaluk Allah nen la'isigin isikhe etnogo witluk nen, ebe hutduagaluk elalin meke kogat hagasigin nogo? Dek o,” iluk isukha.

Yohanes 9:16

it ap Farisi meke aperek nen he, men isukha, “Niniki 7 baga Allah hasik werlegat dogosak iluk, wene palek meke iti thagalogo 'bekhesik hagakhe iti nen, at ebe Allah werekma nen wageikhe meke re, dek o,” iluk isukha mekeat he, it ap aperek nen, “At ebe weak hagakherek meke dogolepma, wene hutduagaluk elalin meke yigithogon hagasusak a? Dek o,” iluk it inakla itithogon inasokhotek tomok apasukhasik inaneak thagalogo inebe mikikhukha iti.

2 Korintus 3:18

Inileken inamukhak oba it akhuni aperek inebe ekagat lageisegarek iti hak, nit tha'bokhogonat ninelokhoken sapumeke laberek dekma, akhuni nen ninoe Etagapogot hogorakharek meke iti amukhak negen inileken laknisiliogei. Nit ninebe at ninoe hakene asuagaluk, eran-alep hagatninakho motok werekma, hogotninabusak negen aga lago. At Allah Agoreke iti ebe Etagapogot atma, at nenat hagatninabiogo.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

2 Korintus 4:6

At Allah nen ekhe dogolik, “O mum iti akla nen lia atnek,” iluk isikhe iti hak, at nenat nit ninakla mum meke iti liatninakhikhemo welago. Itithogon dogolik, at Kristus elokhoken a'bi'bal yakhunem ninileken lakhalok nen, at Allah hogorakharek meke etnogo ebe itigirlik iluk hutdekhe dogoagaluk itithogon liatninakhikhe.

1 Yohanes 5:13

Hit hinetaiken Allah a'but oba hakotdiluk welagap meke hinakla nen he, “Naburlal-haburlal iteerek agosik welago,” iluk hinilu asubageik iluk, wene tha'bokhogonat yi holal waganogo hinoba la'i agei o.