Yohanes 19:9 - ALLAH ANE WENW KET MEKE WAROGO WOKNINAKHIKHE WENE

⁹ Itithogon ayuk ageikhesik, Yesus wolok apuke o kok halekma etnogo ukisikhesik men yogokhikhe, “Hat hai erlo o koma,” iluk yogokhikhe mekeat, at Yesus nen oko igidek huk ageikhe.

Yohanes 19:9 ပူးပေါင်းရင်းမြစ်များ

Matius 26:63

at Yesus ane igidek thogotdisikhemo, at ap kok Allah iteerek meke etnogo nen he, “Allah a'but Kristus la'isigin isukha etnogo, ebe hat halok he, yoknisanok iluk, at Allah iluk motok welagarek meke etaga hupuk palogo yokhikhi o,” iluk yogokhikhemo,

Matius 27:27

Pilatus nen Yesus ebe wogeisasikhemo, it agarumi tentara meke emenogo nen gubernur ai kok halekma wolok ukisukhasik nen, at ebe tumo eranogo 'biluk, inagarlak lak opaki doalek inom doalhe lagoukha meke inebe tha'bokhogonat alilu dagakhogon natogokhukhasik nen,

Lukas 23:9

Akla arleken akhalok, yi wene ti wene doalegat Yesus oba hinok waganhikhe meke re, at nen oko ageikhe yogokhidegat huk ageikhe.

Yohanes 18:28

Itithogon hagatluk, thue ane isikhemo, huben siakhogonat at Yesus ap Kayafas werekma nen, gubernur ai o kok halekma wolok wagoukha. Wolok wagoukhasik, Yesus anek uma kola'isukhasik, “Nit pesta Paskah etnogo meke neke dogosakma, nit nen ninabusagat ukumo, nit weagarogo 'binanunogo,” iluk , o kok halek gubernur aila etoma ukigidek, o silimo huk agoukha.

Yohanes 18:33

It Yahudi meke nen itithogon yogokhukhama, at Pilatus o kok halek gubernur aila etnogo apuke ukisikhesik, at Yesus ane hakhasikhesik nen, men yogokhikhe, “Akhuni Yahudi meke inoe kok etagapogot etnogo hat a?” iluk yogokhikhemo,

Yohanes 18:34

at Yesus nen, men yogokhikhe, “Hat nen wene an nabok egen iti, hat hakla nen kagalogo egen a? At he, it akhuni aperek nen an nabok yokhekhama nen egen a?” iluk yogokhikhemo,

Yohanes 18:37

at Pilatus nen, “Halok he, hat eberogonat kok hetagapogorat a?” iluk ekhe lageikhemo, at Yesus nen, men yogokhikhe, “An nebe kok netagapogot hat egen itiat o. Iti hasigat an nen ebe wene abok pakhogon yogeisekhe dogeigiluk nebe agat oba yoma itaklasi usa'agagi o. Akhuni wene ebe wene iti werekmake asi lageikha meke inebe dopok an nane inasuk holiogei o,” iluk yogokhe lageikhemo,

Yohanes 19:10

Ane igidek huk ageikhemo, at Pilatus nen yabokane men yogokhikhe, “Hat an nipisak wenekak usak ha'it a? An nen hat herle hisalogo here'agousak inom, nen, o baga meldageiluk hasusak inom, anat ite welagei iti, hat kokodek a?” iluk yogokhikhemo,

Yohanes 19:8

Wene itithogon ugun apasukha, at Pilatus asuk holhikhesik nen, ebenageik ayuk motok ageikhe.

Yohanes 8:14

at Yesus nen, men yogeisasikhe, “An wagagi meke inom, ligin meke inom, hit hinokodek meke re, an anek nebe o etoma nen wagagi, nen yabokane o etoma ligin, iluk nilu iti nen, an nabok inilu asuagaluk nekaerek nenat yokhisekhe lagei iti re, wene iti eberogonat yokhisekhe lagei o.

Filipi 1:28

It aperek nen, “Wene iti nina'it,” iluk, ekhe korlegat, hit anek he, hinayuk ageidek a'bethogon motok herogo dogono. Itithogon herogo dogogun iti baga, it iti nuk asugun iluk ekagat hagatlageik, hit tilhinabigin iluk ekagat hagatlageik, Allah nenat hagathinabiginat werek o.