Yohanes 19:6 - ALLAH ANE WENW KET MEKE WAROGO WOKNINAKHIKHE WENE

⁶ it ap Allah iteerek meke inougi koktek men, it ap Allah ai halek therogo welageikharek meke men, Yesus inileken hasukhasik inaneak kogat walhe dogolik, “At ebe o baga meldiluk watno o! O baga meldiluk watno o” iluk inane obatnerogonat yogokhukhama, at Pilatus nen, men yogeisasikhe, “An nen, at weak hagakhe meke ageikhe higi motok dek iti nen, hit hinekaerek hinoba dopok at ebe waganogo o baga meldiluk watno o,” iluk yogeisasikhemo

Yohanes 19:6 ပူးပေါင်းရင်းမြစ်များ

Matius 26:58

Yesus itithogon wolok laga korlek, at Petrus etnogo yabokane inoporlik huyo'bo laga lageikhesik nen, ap kok Kayafas etnogo agokutlu ukisikhesik, “Yesus nikithogon hagasugun,” iluk ileken hisagaluk, at ap kok etnogo agarumi Allah ai halek therogo welageikharek meke inom thabakhogon hurek lageikhe.

Matius 27:22

Itithogon yogokhukhama, at Pilatus etnogo nen, “Halok he, Yesus etaga ageikhe Kristus yi nikithogon hagasik,” iluk yogeisasikhemo it emenogo nen, “O baga meldiluk watno,” iluk yogokhukha.

Matius 27:24

Itithogon yogokhukhama, at Pilatus nen, “It akhuni yoma nen, Wasugunat, iluk inane kogat ekhe dogolik ilugun oba weak asusakma, an nane yugunat alomarogon ekhe lagei higi,” iluk, i henago ageikhe waganhikhesik nen, akhuni emenogo inileken werek korlek iki baga horekhe dogolik, men isikhe, “Ap yi amep, an noba asigin dek o. Hirat hinoba asigin o,” iluk yogeisasikhemo

Lukas 23:4

at Pilatus nen ap Allah iteerek meke inougi koktek inom, akhuni doalegat natogorlek welagoukha meke emenogo inom, yogeisekhe dogolik, men isikhe, “An nen, at yi itema waganhi meke, at weak ageikhe hagakhemo higi motok dek o,” iluk yogokhikhemo,

Yohanes 18:3

Itithogon ilumo nogo nen, it ap Allah iteerek inougi koktek men, it Farisi meke men, inagarumi Allah ai therogo welageikharek meke inayoko 'biluk la'isasukhama, at Yudas nen tentara meke opaki doalek ageikhe inom wogosik, sikhe thege men, yi isagal ti isagal yibarlek men, wolok etoma lagoukha.

Yohanes 18:31

at Pilatus nen, men yogeisasikhe, “Ap yi wolok lalok nen, hit nen hagakhethep tak-tagat hinekaerek nen wene oba 'bigik, kokhik, hagatni o,” iluk yogeisasikhemo, it ap Yahudi meke nen he, men yogokhukha, “Nit ninabusagat nen wene oba 'biluk inasusak erlok dek apigi o,” iluk yogokhukha.

Yohanes 18:38

at Pilatus nen, “Wene ebe wene iti nena wene nogo,” iluk yogokhikhe. Wene itithogon yogokhikhesik, at Pilatus yabokane ap Yahudi meke inoba dukhi ageikhesik nen, men yogeisasikhe, “An nen at wene oba 'begep meke pilinekhi meke re, at weak ageikhe hagakhemo higi motok dek o.

Yohanes 19:15

it nen inaneak kokhogon walhe dogolik, “Ebe watno! Eba watno! O baga meldiluk watno o!” iluk yogokhukhama, at Pilatus nen, men yogeisasikhe, “An nen hit hinoe kok etagapogot yi, o baga meldiluk wasusak hano apekhe lagap a?” iluk yogeisasikhemo, it ap Allah iteerek inougi koktek nen, men yogokhukha, “Nit ninoe kok etagapogot Kaisar arligat o. Ageikhe dek o,” iluk yogokhukhama,

Yohanes 19:4

Itithogon wasugun apasukha, at Pilatus etnogo yabokane it akhuni Yahudi meke 'birisa dukhi ageikhesik nen, men yogeisasikhe, “Warligi yi. Lakhani! At wene oba 'begepma pilinekhi meke re, at weak ageikhe hagakhemo higi motok dek iti hinilu asubageik nen iluk ulakhisa agei o,” iluk yogeisasikhemo,

La'isasikhe 2:23

Meke re, at Allah ilu dogolik, akla nen, Itithogon hagasuak o, iluk akla apasikhe bagaat, Yesus ebe hinikimo 'bisikhemo, hit nen ap inobabut weak meke iniki waganogo, at ebe o baga menogo 'biluk wakhepma iti.

La'isasikhe 7:52

It ap Allah ane yogeisekhe lagoukha meke emenogo, hinopa lak nen inebe weagarinakhidek aperek welagoukha nogo? Weagarinakhe lagoukha anek apigi. It Allah ane yogeisekhe lagoukha meke nen, Allah atuaneke obabut mothogon hagasigin meke iti yabokane wisigin o, iluk ebe wageidek werek korlek, it abok tak ekhe lagoukha meke inebe hinopa lak nenat inakhe lagoukha iti. Yabokane, it nen abok tak isukha meke iti ebe wageikhemo nen, hit nenat at ebe wasuagaluk yoko lageik, ebe wakhik, hagakhep iti.