Yohanes 19:25 - ALLAH ANE WENW KET MEKE WAROGO WOKNINAKHIKHE WENE

²⁵ Itithogon hagakhe korlek, Yesus agosa men, agosa agot men, he Maria ap Klopas age men, he Maria ai o Magdala meke etnogo men, o Yesus ebe meldisukhama alilu metek welagoukha.

Yohanes 19:25 ပူးပေါင်းရင်းမြစ်များ

Matius 12:46

At Yesus akhuni doalegat inom dogolik wene yogeisekho werekma, at agosa inom, agarumi inom, wene yogosuogoluk oba wagoukhasik nen, okutlu welagoukha.

Markus 16:9

At Yesus ebe hari Minggu baga melageikhe itinem huben siakhogon melageikhesik, at he Maria ai o Magdala meke mokat inobabut weak meke inebe 7 nen akla ukisukhasik werekma haganeat mukhogo ula'isasikhe meke etnogo nen tak, “Alebageik ileken neoak,” iluk elokhoma winam ageikhe.

Lukas 2:35

inakla apiliogei meke iti ekagat asigin o. Nen, hat meneke, karok elak mago nen hetaikenma taukhogon hasu hagat, hakla motok weak asigin o,” iluk yogokhikhe.

Lukas 23:49

Nen, it Yesus ebe inilu meke hta'bokhogonat, it humi o Galilea nen Yesus oporlik usasukha meke men, it aperek men, inebe walegat metek dogolik, itithogon hagatlagunem inileken lageik welagoukhaat.

Lukas 24:18

Huk agoukhasik nen, it eranogo, at ageikhe etaga Kleopas nen, men yogokhikhe, “Wene ahe yiat hagatlaga iti, it ap huso meke o Yerusalem witluk elanma hasik werek meke aperek tha'bokhogonat inilu mekeat he, hat yi anek hokodek welaganma higi,” iluk yogokhikhemo

Lukas 8:2

it humi aperek mokat obabut weak meke inakla ukilukmo mukhogo ula'isigik, inoba u meke hano hagarinakhik, haganeat hagarinakhikhe meke aperek men, inom nekhe lagoukha. Humi eta ageikhe, he Maria ai Magdala ekhe lagoukha meke, alebat mokat inobabut weak meke inebe 7 nen akla ukiluk werekma, at Yesus nen mukhogo ula'isasikhe meke iti men,

Yohanes 20:1

Warek itithogon 'bisukhasikmo nen, o hari Minggu baga, at he Maria ai o Magdala meke etnogo o hi werek korlek huben siakhogon oila warek 'bisukhama etnogo wageikhesik ileken 'bikhasikhe meke, thu helekit meke larogo 'bisukha meke etnogo, arat dipilogo la'isukhama thu hualek werekma hasikhe.