Yohanes 19:11 - ALLAH ANE WENW KET MEKE WAROGO WOKNINAKHIKHE WENE

¹¹ at Yesus nen he, men yogokhikhe, “At Allah nen, Hat nen wene akhuni inoba 'bigik, kokhik, hagakhe dogono, iluk hat iteerek 'bageilep dekma, hat nen wene noba 'banusak erlok degat o. Iti nen he, Hat weak hagakhen, iluk wene hoba herlekha'bugat negen werek mekeat, at ageikhe nen an nebe waganogo hat hiki baga 'bani aga meke iti anek he, weak hagakhe, iluk wene kok negen oba werek o,” iluk yogokhikhemo,

Yohanes 19:11 ပူးပေါင်းရင်းမြစ်များ

Matius 26:65

it ap Allah iteerek inoe kok etnogo asu li'bilogo la'ekhe dogolik, men yogeisasikhe, “Allah akla meanetdiluk etaga weagatdekhe iti hegep a? Akhuni nen at weak hagakhunem inileken hega meke wene pakhogon uagaluk nenaluk therisik dogogun. At nen Allah akla meanetdiluk etaga weagatdekhe iti arat hinasuk holhep.

Matius 27:2

iki herle warogo at Pilatus ebe gubernur kok werekma oba wolok wagoukhasik nen, wogokhukha.

Matius 6:13

Weak hagasuagaluk ninakla kagaliginmo etoma thogotdinanhidek piokthegat woknisik laga dogono. Obabut weak meke iti nen iki hakninakhunem, hat nen tilninakhe dogono. [Ninopase Hetagapogot harat dogolik, yi meke ti meke hagasusak anekma, harat hogothakho motok dogogun o. Ebeat asuak u hak, Amin,] iluk sembayan itithogon ekhe dogono.

Markus 14:44

Waga dogolik, at Yudas yoko lageikhe meke etnogo nen wene men warisasikhesik nen wageikhe, “An lalok nape tharluk heagei wakhe halok he, hit nen, I, ebe itiat higi, iluk hakhalok hiniki hinobatnerogon wolok wetno,” iluk wene hutukhogon yogeisasikhesik, at inomat wagoukha.

Lukas 22:53

Hibiku-yogokuat Allah ai halekma an hit ninom dogolik haknakhidek welagasip meke re, yogotak yi anek, o mum ite welagarek meke etnogo obatne agama nen, hit nen haknabusak tak-tak oba arat wagap yi o,” iluk yogeisasikhe.

Yohanes 18:13

Iki herle warogo alebageik ap Hanas oba wolok wagoukha. Ap Hanas iti ebe, ap Kayafas tahun iti baga ebe Allah iteerek meke inoe kogat welageikhe meke iti ago'bak.

Yohanes 18:3

Itithogon ilumo nogo nen, it ap Allah iteerek inougi koktek men, it Farisi meke men, inagarumi Allah ai therogo welageikharek meke inayoko 'biluk la'isasukhama, at Yudas nen tentara meke opaki doalek ageikhe inom wogosik, sikhe thege men, yi isagal ti isagal yibarlek men, wolok etoma lagoukha.

Yohanes 19:10

Ane igidek huk ageikhemo, at Pilatus nen yabokane men yogokhikhe, “Hat an nipisak wenekak usak ha'it a? An nen hat herle hisalogo here'agousak inom, nen, o baga meldageiluk hasusak inom, anat ite welagei iti, hat kokodek a?” iluk yogokhikhemo,

Yohanes 3:27

Itithogon yogokhukhama, at nen, men yogeisasikhe, “Warligi yi. Nagarumi. Ap ageikhe Allah nen yogokhidekma, at ekaerek akla nen kagalogo erlok hagasusak erlok dek o.

Yohanes 7:30

it akhuni nen Yesus ebe hakhauwogoluk hagakhukha mekeat he, at ebe hakhausak oba arat mot asi ageidek iti nen, ebe iniki hakhigidek kamotdisukha.

Yohanes 9:41

at Yesus nen he, men yogeisasikhe, “Hit hinileken puk dogolepma, hit weak iluk wene hinoba 'bilep dek o. Meke re, hit nen, Nit ninileken hano hekhe lago, iluk ekhe lagap iti nen Allah nen, Hit weak, iluk, wene hinoba 'bekhemo werek o,” iluk yogeisasikhe.

La'isasikhe 2:23

Meke re, at Allah ilu dogolik, akla nen, Itithogon hagasuak o, iluk akla apasikhe bagaat, Yesus ebe hinikimo 'bisikhemo, hit nen ap inobabut weak meke iniki waganogo, at ebe o baga menogo 'biluk wakhepma iti.

La'isasikhe 3:13

Ninopase Allah iti, Abraham nen hogorakhik, Ishak nen hogorakhik, Yakub nen hogorakhik, ninopa lak aperek nen hogorakhik, hagakhe lagoukha meke etnogo nenat, a'but Yesus kogotdekhe iti. Meke re, hit nen, it aperek nen wasuagaluk inikimo 'begepma re, at Pilatus nen iki herle hisalogo ula'igiluk hagakhe mekeat he, hit nen, Ap iti nina'it o, iluk egep etnogo.

La'isasikhe 4:28

Meke re, wene iti, hat hiki obatne werek meke nen, hakla nen, Itithogon hagasuak, iluk hakla apasigin obaat, itithogon hagakha iti.

Roma 11:36

Erlo baga, yi meke ti meke tha'bokhogonat, at Allah nenat walhasikhemo, at iki baga welagarek. Dogoluk nen, ilugun oba, at nenat hagasigin. Halok he, at anek hogorakho motok dogouok o, iluk igi iti, ebeat asuak u hak, Amin, igi iti.

Roma 13:1

Hinougi koktek pemerintah meke iti, erlo werlek meke 'buk o. Erlo at Allah at o. At nenat meldisasikhemo kok welageikharek iti nen, hit hinebe tomok it inane hologo dogono o.

Yakobus 1:17

Ninopase Allah pogot oba meke etnogo nenat yi meke ti meke hano meke woknisigik, hano motok meke woknisigik, usaknisa agarek iti. At nenat pogot obake lia welagarek meke iti winametdisikhesik nen, at ebe ninat hagatlageik, abel dagakhogon mum ageik, lia ageik, hagakherek dek.

Yakobus 4:17

Hit hinakla nen he, “Mot hagasusak he, itithogon,” iluk hinilu dogoligat he, ebe hagakhidek halok he, hit weak hagatluk wene hinoba 'bakhekhe lagap o.