Yohanes 18:32 - ALLAH ANE WENW KET MEKE WAROGO WOKNINAKHIKHE WENE

³² Inane itithogon yogokhukha iti, at Yesus nen wene haganeat yogeisekhe dogolik, “An itithogon hagatnabiluk nasugun o,” iluk ekhe lageikhe meke etnogo, it itithogon hagakhukhama, at ane tak-tagat ageikhe iti.

Yohanes 18:32 ပူးပေါင်းရင်းမြစ်များ

Matius 20:19

Ukum noba 'biluk nen, it ap itikmanke meke nen inane aik dagok yoknikhik, tugi la'bisoko tugi nakhik, hagatluk nen nebe o baga meldaniluk nasuagaluk wogeisagun o. Nen, arat nakhunem, niki pere warek dogoluk nen, niki ageikhe baga yi Allah nen nilugutnabigin o,” iluk yogeisasikhe.

Matius 26:2

“Niniki pere dogoluk nen pesta Paskah hagasugun iti hit hiniluat o. Itithogon hagakhe korlek, an abat itaklasi agagi etnogo, ap nen yoko lalok it aperek nen o baga meldaniluk nasuagaluk inikimo 'banugun o,” iluk yogeisasikhe.

Markus 10:33

Itithogon yogeisekhe dogolik men yogeisasikhe, “Nagarumi. Nit yogotak o Yerusalem usekhe lago. Arat usalokma nen, an abat itaklasi agagi etnogo, ap nen yoko lalok, an nebe it ap Allah iteerek inougi koktek men, Allah ane holal waganek iteerek meke men, iniki baga 'banumo ap aperek nen nasuagaluk ukum noba 'biluk nen, it nen it ap itikmanke meke iniki baga 'banugun o.

Yohanes 10:31

it ap koktek Yahudi meke nen, helekit inikimo waganhukhasik, Yesus ebe motok wasuogoluk hagakhukha.

Yohanes 10:33

it nen, men yogokhukha, “Hat hano hagakhe lagan iti baga helekit oba hasuogoluk hagakhe lago 'buk. Hat hebe akhuni mekeat he, Allah etaga weagarogo, men ekhe lagan, An Allah nipisak tak-tak, iluk ekhe lagan iti nenat hasuogoluk hagakhe lago o,” iluk yogokhe lagoukhama,

Yohanes 13:18

An nen wene iti hit hinebe tha'bokhogonat hasik yokhisigi 'buk. Dek o. Hit yi an nenat hinebe wenakhinakhigi meke nilu mekeat he, wene iti hasik Allah ane baga men iluk holal waganogo 'bisukha, Ap ageikhe hipiri nipisak opakimo neke lago meke yi nen weagatnabigiluk melaga o, iluk isikhemo holal waganek werek iti sugun asigin dek o. Ebeat asigin o.

Yohanes 18:31

at Pilatus nen, men yogeisasikhe, “Ap yi wolok lalok nen, hit nen hagakhethep tak-tagat hinekaerek nen wene oba 'bigik, kokhik, hagatni o,” iluk yogeisasikhemo, it ap Yahudi meke nen he, men yogokhukha, “Nit ninabusagat nen wene oba 'biluk inasusak erlok dek apigi o,” iluk yogokhukha.

Yohanes 21:19

iluk wene itithogon yogokhikh iti, at Petrus yabokane itithogon hagarogo wasugun oba Allah hogorasugun meke hasik yogokhikhe iti. Itithogon arat yogokhikhesik nen, ageikhe men yogokhikhe, “An noporlik nekhe dogono o,” iluk yogokhikhe.

Yohanes 3:14

Nen, ap Musa o limo akhuni dekma etoma dogolik, warlo hakene hagarogo o baga lia'isikhe iti hak, it akhuni yoma inetaiken an abat itaklasi agagi meke yi noba hakotdugun meke, inebe tomogat iniluk motok dogoagaluk, an itithogonat lia'anusak obaat lia'anugunat o.

Yohanes 8:28

Itithogon hutdigidek werek korlek, at nen, men yogeisasikhe, “An abat itaklasi agagi etnogo, hit nen an nebe o baga meldanugun itinem, hit nen, Ikhok motok welagarek meke etnogo ebe yiat o. At nen wene yoknisekhe dogolik, akla nen kagalogo igidek. At opase nen yakulekherek meke anek yoknisekhe lagama, iluk, hinilu asugun o.

La'isasikhe 7:59

'Biluk nen, ebe helekit oba wakhe korlek, at Stefanus etnogo Yesus etaga palhe dogolik, “Yesus noe. Nagoreke hat nen woknabi me o,” iluk isikhe.

Galatia 3:13

Allah ane baga holal waganogo 'bekhe dogolik, men isukha, “Inebe o baga meldisalok inasumo, it inebe watlasugun meke iti, Allah nen homan 'bisagein werek o,” iluk, holal waganogo 'bisukha hagat, wene Allah nen ninasuk wakhikhe wene iti baga, homan 'binanusak mot werekma, at Kristus nen ninoko palogo tilninabigiluk wene nit ninoba meke korogo at oba 'bakhasikhe iti.