Yohanes 18:3 - ALLAH ANE WENW KET MEKE WAROGO WOKNINAKHIKHE WENE

³ Itithogon ilumo nogo nen, it ap Allah iteerek inougi koktek men, it Farisi meke men, inagarumi Allah ai therogo welageikharek meke inayoko 'biluk la'isasukhama, at Yudas nen tentara meke opaki doalek ageikhe inom wogosik, sikhe thege men, yi isagal ti isagal yibarlek men, wolok etoma lagoukha.

Yohanes 18:3 ပူးပေါင်းရင်းမြစ်များ

Matius 25:1

At Yesus nen itithogon yogeisasikhesik, wene ageikhe men yogeisasikhe, “Nopase kok pogot oba meke apma 'bisekherekma etoma ipisak tak-tak he, homagarlugi inebe 10 meke nen lampu yibarlogo wolok ap age ikhekhe meke etnogo wagunem elokhoma lagoukha iti hakeneat o.

Yohanes 13:2

Dogolik, at agarumi emenogo inom o hibako hipiri opakimo nukunem, Yudas Simon Iskariot a'but etnogo, akla Iblis ukisikhesik nen, Yesus ebe wasuak nen, “Yoko lan o,” iluk akla kagalhikhe.

Yohanes 18:12

Wene itithogon iluk isikhemo, it ap tentara meke opaki doalek emenogo inoe kok ageikhe inom, nen, it ap Yahudi meke Allah ai halek therogo welageikharek meke inom, at Yesus ebe ha'iluk, iki herle wakhukha.

Yohanes 18:18

Itithogon isikhesik werek korlek, o itinem, thogei weak nen, it inatuaneke meke men, it ap Allah ai halek therogo welageikharek meke men, hetu mokaldisukhasik nen, hetuken oba metek dogolik thogei isakhasi werekma, at Petrus inoba lageikhesik inomat thogei isakhasi metek welagoukha.

Yohanes 18:22

ap Allah ai halek therogo welageikharek emenogo meke ageikhe ebe eta metek dogolik, at Yesus iki agot tugi wakhe dogolik men yogokhikhe, “Ap Allah iteerek meke inoe kok yi nen yokhugunem, hat nen wene itithogon yogosusak a? Erlok dek o.” iluk yogokhe lageikhemo,

Yohanes 19:6

it ap Allah iteerek meke inougi koktek men, it ap Allah ai halek therogo welageikharek meke men, Yesus inileken hasukhasik inaneak kogat walhe dogolik, “At ebe o baga meldiluk watno o! O baga meldiluk watno o” iluk inane obatnerogonat yogokhukhama, at Pilatus nen, men yogeisasikhe, “An nen, at weak hagakhe meke ageikhe higi motok dek iti nen, hit hinekaerek hinoba dopok at ebe waganogo o baga meldiluk watno o,” iluk yogeisasikhemo

Yohanes 7:32

Itithogon ekhe dogolik, it akhuni doalegat emenogo inane hok-hok Yesus abok isinem, it ap Farisi meke inasuk holhukhasik nen, it ap Allah iteerek inougi koktek inom nen, ap Allah ai halek therogo welageikharek meke aperek nen, Yesus ebe hakhoagaluk wene warisasukha.

La'isasikhe 1:16

“Nagarlak lak nerugi. At Yudas etnogo, nit ninom yabu hano hagakhe dogoagaluk Yesus nen ayoko 'biluk meldisikhemo, nit ninom hano welagosik mekeat he, haganeat wene Allah Agoreke nen at Yudas hasik isikhemo, at Daud nen holal waganogo 'bisikhe meke werekma, at Yudas nen ap nen Yesus ebe hakhoagaluk wogosik waga iti, hagatlasusak obaat hagatlaga iti,” iluk yogeisasikhe.

La'isasikhe 10:1

O Kaisarea etoma ap opaki doalek tentara meke etaga ap Italia opaki doalek iluk ekhe lagoukha meke ap ageikhe inoe kok meke etaga Kornelius welageikhe.