Yohanes 18:20 - ALLAH ANE WENW KET MEKE WAROGO WOKNINAKHIKHE WENE

²⁰ at Yesus nen he, men yogokhikhe, “An nen akhuni agat oba meke wene yakulisekhe dogolik pakhogon anek yakulisegerek o. O it akhuni Yahudi meke tha'bokhogonat doalogo sembayan egarekma men, Allah ai halekma men, etoma anek yakulisegerek o. Wene an limago ageikhe yogeisegerek motok dek mekeat he,

Yohanes 18:20 ပူးပေါင်းရင်းမြစ်များ

Matius 24:26

It akhuni aperek nen yokhisekhe dogolik, Lakhani! At etnogo o limo eloma werek o, isi halok he, hinileken lakha lagup. Nen, it aperek nen, Lakhani! At etnogo uma aburarekma limago werek o, isi halok he, hinakla nen eberogonat iluk apugup o.

Matius 26:55

it ap doalegat wagoukha emenogo men yogeisasikhe, “Ap iki abusak waganhunem hageinakharek iti hak, hit nen itithogonat an haknabuogoluk, karok men, payuk men, motok wolok wagap yi re! An hibiku-yogoku Allah ai halekma hurek dogolik wene yakulisugunem, hit nen yigithogon haknakhidek welagasibat he,

Matius 26:65

it ap Allah iteerek inoe kok etnogo asu li'bilogo la'ekhe dogolik, men yogeisasikhe, “Allah akla meanetdiluk etaga weagatdekhe iti hegep a? Akhuni nen at weak hagakhunem inileken hega meke wene pakhogon uagaluk nenaluk therisik dogogun. At nen Allah akla meanetdiluk etaga weagatdekhe iti arat hinasuk holhep.

Matius 4:23

Lagoukhama, at Yesus o Galilea eloke o tomok etoma nekhe dogolik, akhuni Yahudi meke sembayan egarekma ukisikhesik, wene hano wene yabokane ninopase Etagapogot apma 'binanigin etnogo wene yogeisigik, yi u ti u hano hagarinakhik, hagakhe lageikhe.

Matius 9:35

At Yesus o ukul kokmake, herlekha'bukmoke, ya ukigik, ta ukigik, nekhe dogolik, o it akhuni Yahudi meke sembayan egarekma ukiluk, hano wene ninopase Allah nen apma 'binanherek wene etnogo yakulisigik, yi u ti u inoba werek meke inom, inobatne dek erlok dek meke inom, hano hagarinakhik, hagarik nekhe lageikhe.

Markus 8:32

agarumi emenogo pakhogon yogeisasikhemo at Petrus nen, Yesus ebe asokneat wolok lageikhesik men yogokhikhe, “A! Hat egen itithogon ugun o!” iluk asuk wakhikhemo

Lukas 21:37

Wene itithogon yogeisasikhesik nen, yabokane, at Yesus o wi agunem Allah ai halekma, wene yakulisigik, o hi isinem tom Zaitun ukul oba dageigik, hagakhe lageikhe.

Lukas 4:15

Itithogon thak-pak isi korlek, at ebe etoma dogolik, it akhuni Yahudi meke o sembayan egarekma ukiluk wene yakulisugunem akhuni etoma meke tha'bokhogonat nen hogorakhe lagoukha.

Yohanes 18:21

an noba hinok wokneekhe lagan iti nenaluk. An nen wene yogeisugunem it arat inasuk holharethek nen, an nen wene yogeisekhe lagei meke iti, it iniluat werek o. Halok he, it inoba hinok wogeisan o,” iluk isikhe. Wene itithogon isinem,

Yohanes 6:59

Wene Yesus nen itithogon yogeisasikhe iti, at ebe o Kapernaum o akhuni Yahudi meke sembayan egarekma wene yakulisekhe dogolik yogeisasikhe.

Yohanes 7:14

Pesta etnogo nilik laga korlek heisogo Yesus Allah ai halekma ukisikhesik, wene yakulisekhe lageikhe.

Yohanes 7:26

Meke re, ebe lakhani! Nayuk o. Ayuk degat dogolik, wene yoknisugunem, it nen wene oko yogokhidegat kamotdiliogei yi. It ap ninougi koktek yoma inakla nen, Ap yi nit akhuni tilninabuagaluk Allah nen la'isigin, iluk isikhe etnogo ebe ithiat, iluk inakla apegasik nen iliogei a?

Yohanes 7:28

Itithogon ekhe lagoukhama, at Yesus Allah ai halekma ane kokhogon wene yogeisekhe dogolik, men yogeisasikhe, “An nebe inom, nebe o etoma nen wagagi inom, hit hinilu nogo? An wagagi iti, an nabusagat nakla nen kagalogo wagagi dek o. At ane eberogonat anek ekherek meke etnogo nenat la'ani ageikhe mekeat he, at ebe hit hinokodek o.

Yohanes 8:2

Dageisikhesik, hubuluke hubenat siakhogon usa'ageikhesik, Allah ai halekma ukisikhemo, akhuni doalegat at oba wagoukhama, at ebe hurek lageikhesik nen, wene yakulisasikhe.

Yohanes 8:26

An nen yi wene ti wene doalegat yokhisigik, wene hinoba 'bigik, kokhik, hagasusak erlok mekeat he, at la'ani ageikhe meke etnogo ane eberogonat anek ekherek iti nen, at nen isinem nasuk holhe lagei meke itiat hit akhuni agat oba meke yoma yokhisekhe lagei o,” iluk yogeisasikhe.

La'isasikhe 26:26

“Agripa noe. Wene yi tha'bokhogonat hat hilu iti nen, an hat hil oba nayuk dekhogon ekhe lagei. Wene iti, o limagoma hagatlageidek. Ekagat hagatlageikhe iti nen, wene iti ageikhe hat hokodek welagan, iluk nakla apekhe lagei dek o.