Yohanes 18:18 - ALLAH ANE WENW KET MEKE WAROGO WOKNINAKHIKHE WENE

¹⁸ Itithogon isikhesik werek korlek, o itinem, thogei weak nen, it inatuaneke meke men, it ap Allah ai halek therogo welageikharek meke men, hetu mokaldisukhasik nen, hetuken oba metek dogolik thogei isakhasi werekma, at Petrus inoba lageikhesik inomat thogei isakhasi metek welagoukha.

Yohanes 18:18 ပူးပေါင်းရင်းမြစ်များ

Markus 14:54

Yesus itithogon wolok laga korlek, at Petrus etnogo yabokane inoporlik huyo'bo laga lageikhesik, ap Allah iteerek meke inoe kok etnogo agokutlu agarumi Allah ai halek therogo welageikharek meke werekma inoba ukisikhesik, inom hetu mokalekma hurek dogolik thogei isakhekhe lagoukha.

Markus 14:67

Wageikhesik, Petrus etnogo hetumo thogei isakhasinem lakhasikhesik, ileken oba durlu ageikhesik men yogokhikhe, “Hat meneke Yesus ai o Nazaret meke etnogo hinom nekhe lagap meke apigi,” iluk yogokhikhe.

Lukas 22:44

Etaiken ago wakhikhe meke re, akla motok weak dogolik yabokane sembayan ane akinhogon ekhe dogolik, dikhak mep hakene tik-tik agat oba usageikhe.]

Yohanes 18:25

Itithogon wolok lagoukhama, at Simon Petru etnogo hetu mokalekma eranogoat metek dogolik thogei isakhasi werekma, it akhuni nen, men yogokhukha, “Hat he, at agarumi ane waganiogei meke emenogo meke dek a? Hat at agarumi mekeat o,” iluk yogokhukhama, at nen, “An dek o,” iluk la'belhikhe.

Yohanes 18:3

Itithogon ilumo nogo nen, it ap Allah iteerek inougi koktek men, it Farisi meke men, inagarumi Allah ai therogo welageikharek meke inayoko 'biluk la'isasukhama, at Yudas nen tentara meke opaki doalek ageikhe inom wogosik, sikhe thege men, yi isagal ti isagal yibarlek men, wolok etoma lagoukha.

Yohanes 21:9

Arat uki agoukhasik ku akla nen dukhi agoukha hak, ikan men, roti men, werago hetu eken oba dukthek werekma inileken hasukha.

La'isasikhe 4:23

It Petrus Yohanes ipisak etnogo, it ap koktek emenogo nen iniki herle hisalogo ula'isasukhama nen, inagarlak lak inerugi Allah a'buri meke emenogo werekma inoba lagoukha. Lagoukhasik nen, men yogeisasukha, “It ap Allah iteerek inougi koktek emenogo men, inarluetek emenogo men, it nen wene yigithogon yoknisega,” iluk pilinogo yogeisasukha.

1 Korintus 15:33

Akhuni nen ekhe dogolik, “It aperek inobabut weak meke hinom hunisugun halok he, hit hinobabut hano meke weak asigin o,” iluk egarek iti eberogonat iluk hinekaerek nen hinebe dalugup o.