Yohanes 17:26 - ALLAH ANE WENW KET MEKE WAROGO WOKNINAKHIKHE WENE

²⁶ Nopase. Hat nen an hakmutnakhigin etnogo, it-it itithogonat nakmu-hakmurogon dogolik, an nebe it ninom hunik dogouogoluk, hat hetaga ilik hawene yogeisekhe lagarik ageikhe inomat yogeisekhe dogoginat o,” iluk sembayan isikhe.

Yohanes 17:26 ပူးပေါင်းရင်းမြစ်များ

Yohanes 14:20

Itithogon hinileken neagun itinem, an nopase nipisak hunik welago, nen, hit an ninom hunik, nen an hit ninom hunik welago meke iti, hinilu asigin o.

Yohanes 14:23

at Yesus nen, men yogeisasikhe, “At tha nen, an nebe etaiken hunik halok he, nane hologo hagakhe dogogin o. Nane hologo hagakhe dogoumo, nopase nen at iti etaiken hunik dogogin o. Itithogon dogolik, an nopase nipisak ap iti oba witluk, at ninom motok dogogun o.

Yohanes 15:15

It akhuni inatuaneke meke iti, inougi hagakharek meke inokodek iti nen, an nen hurli yogotak yi baga nen, Hit an natuaneke, iluk yokhisagein dek o. Yi wene ti wene nopase nen yoknikhikhe meke tha'bokhogonat yokhisekhe lagei iti nen, Nagarlak lak, iluk yokhisekhe lagei iti o.

Yohanes 15:4

Itithogon hinoboseka hakene palek welagap iti, hit an ninom hunik, nen, an hit ninom hunik, dogouok o. O ikilo'bak iti, o erlo baga hunik dek halok, eken isusak motok erlok dek o. O ebe baga hunik halok, eken ikherek iti hak, hit an ninom hunik dogogun dek halok he, hano meke hagasusak erlok dek o. An nebe baga hunik halogat, hano hagasusak o.

Yohanes 15:9

At Yesus nen wene itithogon yogeisasikhesik nen ageikhe men yogeisasikhe, “Nopase nen an etaiken hunik welagarek iti hak, an nen hit netaiken hunik welagei o. Itithogon hit netaiken hunik dogeik nen, an ninom hunigat dogono o.

Yohanes 17:23

It eberogonat inebe opakiat dogoak nen, it nen an ninom hunik, nen hat nen an nipisak hunik dogouok o. Itithogon dogogun halok, it akhuni agat oba meke nen ekhe dogolik, At he, opase nen la'i ageikhesik ebe etaiken hunik welagarek iti hak, it inebe at wogokhikhe meke etaiken hunik welagarek o, iluk inilu atluk hutdugun.

Yohanes 17:6

Akhuni agat oba meke hat nen haganeat woknikhigin meke tha'bokhogonat, hat hebe inilu asuagaluk yakulisigi o. It inebe hat meke an woknikhiginmo nogo nen, hat hane hologo hagakharek o.

Yohanes 17:8

Wene hat nen yoknikhigin meke emenogo, it arat yogeisigima, arat waganhasik an nobasik ekhe dogolik, Allah nen la'i ageikhemo, at werekma nen eberogonat wageikhe, iluk inilu ageikhasik nen, nebe hutdanha o.

Yohanes 6:56

Tha nen an nebe nikik, namep nikik, hagariogo halok he, at nen an nipisak hunigat, nen, an nen, at nipisak hunigat, dogogun o.

Yohanes 8:50

Meke re, an nekaerek hasik hogotnabuagaluk hagakherek 'buk. Dek o. At he, an hogotnabuagaluk, at ageikhe nen wene inoba 'bigik, kokhik, hagasigin meke werek o.

Roma 8:10

Itithogon mekeat he, hit Kristus hinakla werek halok he, hinobabut weak hagakhethep iti nen, hinebe itikmanke yi watlasugun mekeat he, Allah nen wene hinoba meke korogo wokhalok yabokane hinapuke hinom hunogo 'binageikhe iti nen, at Agoreke nen hiniluguthinabigin iti.

1 Korintus 1:30

At Allah nenat hit Kristus Yesus hinom hunik dogobageik iluk 'binageikhemo welgap iti. Wene ninakla kagalek dogou hak, Yesus ebeat woknisasikhe. Itithogon woknisasikhemo, at nen Allah ninom yabokane ninapuke dapulogo 'binanhik, ninebe Allah hasik 'binanhik, tilninakhik, hagakherek.

1 Korintus 12:12

Nit akhuni ninebe opakiat mekeat, niniki, ninisok, ninoba doalegat werek. Niniki ninisok ninoba yi meke ti meke doalegat werek meke re, dapukhogon ninebe opakiat iti hakene, at Kristus ebe itithogonat o.

Galatia 2:20

Nen, yogotak nebe niluk welagei yi, nekaerek nobatne baga welagei 'buk. At Kristus at nakla dogolik iluk welagarek o. At ebe Allah a'burat dogolik, nebe akmu nen an hasigat, “Nasuak,” iluk akla apasikhe baga ebe wakhukha iti. Nen, an netaiken at oba hakotdiluk werekma, at ebe nakla werekma, niluk welagarek iti.

Efesus 1:6

At obabut hano nen a'but etaiken hunik meke akmu ageidegat woknisasikhe iti hasik, nit nen, “Eiye. Allah nayuk o,” iluk, hogorakhe dogouok o.

Efesus 3:17

Hinetaiken at Kristus oba hakotdumo, at ebe hinakla ai halogo werekma, yi meke ti meke ai yakhunem omaken yakhik, o herlaga obatnerogon 'bigik, hagakharek hak, hinobabut akhuni aperek inebe inakmurogon welageikharek iti meke baga hinomaken ya'iluk a'bethogon dogobageik iluk, Allah ayoko 'bekhe lageiat o.

Efesus 5:32

Wene isikhe iti akla limago wene kok meke ageikhe werek. Wene iti an nakla nen he, at Kristus nit Allah a'buri ninom hano dapulik dogosak meke hasik isikhe apigi.

Kolose 1:27

At Allah akla nen he, it akhuni itikmanke meke tha'bokhogonat hano motok hagarinabigin wene iti kokhogon hogorasusak mekeat apasikhesik nen akla limago welageikhe meke, at a'buri halok thelekma pakhogon yogeisagaluk isikhe. Wene iti ebe re, Kristus hit hinakla werek halok, yabokane hanothinakhunem, hogothinabugun itiat o.

Kolose 2:10

Malaikat pogot oba meke inom, mokat obabut weak meke inom, inapma hagasik werekma inane holharek meke, at Kristus kok arligat ane holusak iti nen, hit meneke, at hinom hunik dogolik, hinetaiken 'bogokhogon horle agasip welagap iti.

Kolose 3:11

Itithogon hagathinakhunem, ninebe tha'bokhogonat ninoe Etagapogot Kristus arligatma, ninebe tha'bokhogon at ninom hunik welago iti nen, inukuloak etaga Yunani meke igik, Yahudi meke igik, egarek iti inom, inoado aperlagap palek meke igik, palek dek meke igik, egarek iti inom, inane kut palek meke igik, walegat okamake meke igik, egarek iti meke inom, inatuaneke meke igik, inasokne meke igik, egarek iti inom, ekhe dogosak dek welagap iti.

2 Tesalonika 2:16

At ninoe Etagapogot Yesus Kristus, ninopase Allah ipisak inobabut hano etnogo nen, inakmutninakhukhasik, ninetaiken aborlok dek motok dogoagaluk ago watdinanhik, hano asigin iluk oba eberek dogoagaluk ninakla kagalhik, hagakharek o.

Ibrani 2:12

At Yesus nen Allah yogokhe dogolik, “An nen, hat hebe nagarlak lak nerugi yakulisigik, ha'buri natogokharek meke emenogo inakla dogolik, hogothakhik, hagakhe dogogin o,” iluk yogokhikhesik nen,

1 Yohanes 3:24

Nit Allah nen wene ninasuk wakhikhe wene iti hologo mothogon hagakhe lago halok he, at Agoreke woknisasikhemo ninakla werek, iti baga, nit at ninom hunik, nen at nit ninom hunik welago, iluk hutdekhe lago.