Yohanes 17:21 - ALLAH ANE WENW KET MEKE WAROGO WOKNINAKHIKHE WENE

²¹ Nopase. An nen kino yokhekhe lagei yi, men iluk. An nen nopase hat nipisak hunik, nen, nopase hat nen an nipisak hunik, welagorek iti hak, it itithogonat inebe tha'bokhogonat opakiat dogoagaluk kino yokhekhe lagei o. Itithogon werekma, it akhuni agat oba meke nen, ekhe dogolik, At he, opase nenat la'i ageikhe iti eberogonat, iluk hutduagaluk, it inebe nit ninom hunigat dogouok o.

Yohanes 17:21 ပူးပေါင်းရင်းမြစ်များ

Markus 3:24

Nen, ap kok etagapogot opakiat meke agarumi apma hagasik welagarek inom it-it hurlitdakhalok inom weak dogogun halok, opakiat dogolik inobatne welagoukha hak dogogun dek. Erlok dek asugun o.

Yohanes 10:16

Nen, an nako domba ebe lanma yoma anek werek 'buk. O werlekmake aperek weregat o. Nadomba etoma meke nane inasuk holuagaluk wogosik wisigilugat welagei o. 'Bisasumo, it an nako domba yoko palek opakimoke nekhe dogogun. Itithogon nekhe korlek, an narligat nen therisik dogogin o.

Yohanes 10:30

Nopase nipisak ninebe opakiat o,” iluk yogeisekhe lageikhemo,

Yohanes 10:38

Meke re, an nen hagakhe korlegat, hit eberogonat iluk hinetaiken an noba hakotdusak hina'it iti o. Itithogon hagakhethep iti an nen nopase nipisak hunik, nen, at nen an nipisak hunik, welagorek iti, hinilu atluk nen eberogonat iluk hutdubageik nen, an hagakhe lagei meke iti eberogonat iluk hutdini o!” iluk yogeisekhe lageikhemo,

Yohanes 11:42

An nen hat kino yokhugunem, nane hasuk holhetek etnogo, an nilu mekeat, it akhuni yoma nen, hat nen an la'ani agagin iti nebe hutdanuagaluk yokhikhi o, nopase,” iluk isikhesik nen,

Yohanes 13:32

Nen, an nen hagasigin iti baga Allah hogorakho halok, at ekaerek ebe hogorakharek iti hak, an nipisagat hogotninakhe dogoagaluk, at nen ibat hogotnabigin o.

Yohanes 13:35

Hit-hit itithogon nakmu-hakmurogon hagakhe dogogun halok, it akhuni tha'bokhogonat inileken 'bithisalok, It yi Yesus agarumi eberogonat higi, iluk inilu asugun o,” iluk yogeisasikhe.

Yohanes 17:11

Yogotak an nen, agat oba yoma erapik dogogin dek o. Hat 'bikheasigin mekeat he, it anek, agat oba yoma dogogun o. Hat weak hagakhidek karelek motok welagatek meke, nopase. Nit nipisak ninebe opakiat welagorek etnogo hak, it itithogonat inebe opakiat dogoak nen, hat hetaga kok meke an thalnakhigin iti baga, it hagasik dogono o, nopase.

Yohanes 17:18

Hat nen an nebe akhuni agat oba meke inoba la'ani agagin iti hak, an nen it itithogonat akhuni agat oba meke inoba la'isigi o.

Yohanes 17:20

Nopase. It iti inarligat hasik anek sembayan ekhe lagei 'buk. Dek o. It aperek ninat meke, it nen wene yakulisa lugun oba inetaiken an noba hakotdugun meke inomat inobasik sembayan ekhe lagei o.

Yohanes 17:25

Allah mothogon anek hagakhetek meke, nopase. It akhuni agat oba meke hat hebe inokodek mekeat, an anek, hat nilu o. Nen, it hat nen woknikhigin meke anek, At nen la'i ageikhe iluk, iniluat o.

Yohanes 17:3

It akhuni nen, Allah hogorasusak ebe meke arlik-arlegat motok welagarek, iluk, hebe inilu ageik, nen an Yesus Kristus la'ani agaginmo wagagi meke yi nebe inilu ageik, hagariogei iti re, iniluk motok welageikharek erlo itiat o.

Yohanes 17:8

Wene hat nen yoknikhigin meke emenogo, it arat yogeisigima, arat waganhasik an nobasik ekhe dogolik, Allah nen la'i ageikhemo, at werekma nen eberogonat wageikhe, iluk inilu ageikhasik nen, nebe hutdanha o.

Yohanes 3:17

Nen, an Allah a'but agat oba yoma la'ani ageikhe iti, yi akhuni ti akhuni wene inoba 'biluk weagarinabuagaluk la'ani ageikhe 'buk. Meke re, inebe tilinabuagaluk la'ani ageikhe o.

La'isasikhe 2:46

Itithogon hagakhe dogolik, iniki ageikhe huk ageidek hunik-hunigat Allah ai halekma natogokhik, inakla arleken akhekhe dogolik, inobabut thebekhogonat inaila hipiri inom kusogo nikik, hagakhe lagoukha.

La'isasikhe 4:32

It wene eberogonat iluk waganhukha meke iti, inebe doalegat meke re, inetaiken opakiat welagoukha. Dogolik, inameke yi meke ti meke tha'bokhogonat, “Yi an meke,” iluk igidegat he, “Ninebe tha'bokhogonat ninameke,” iluk ekhe lagoukha.

Roma 12:5

Iti hak, ninebe doalegat welago mekeat he, Kristus ninom opakiat hunogo 'binanhikhemo welago yi. Ninebe opakiat meke re, niniki ninisok ninebe hunik welagarek iti hak, ninagarlak lak ninerugi ninom itithogon welago.

1 Korintus 1:10

Itithogon mekeat he, nagarlak nerugi. Ninoe Etagapogot Yesus Kristus etaga baga, wene ageikhe hinasuk wasik. Hit tha'bokhogonat hinebe mikikhidek hinom hunik dogolik nen, hinane opakiat meke igik, hinetaiken opakiat welageik, hinakla nen wene opakiat meke ebekhik, hagakhe dogono.

1 Korintus 12:12

Nit akhuni ninebe opakiat mekeat, niniki, ninisok, ninoba doalegat werek. Niniki ninisok ninoba yi meke ti meke doalegat werek meke re, dapukhogon ninebe opakiat iti hakene, at Kristus ebe itithogonat o.

1 Korintus 6:17

Nit ninebe hasik itithogon hagatlagorek mekeat he, ninoe Etagapogot ninom hundiluk nen, at ninom ninetaiken opakiat agorek iti o.

Galatia 3:28

Waganiluk, yabokane hit tha'bokhogonat, Kristus Yesus hinom hunik dogolik hinebe opakiat meke welagap iti nen, hit ebetlake Yahudi meke, ebetlake akhuni itikmanke igik, ebetlake inatuan meke, ebetlake inasokne meke igik, ebetlake humi, ebetlake ap igik, ekhe dogosak dek.

Filipi 1:27

Wene hano wene Kristus nen hagakhikhe wene etnogo baga, “Yigithogon hagakhe dogono, tigithogon hagakhe dogono,” iluk yokhisegarek mekeat hagakhe dogono. Itithogon hagakhe dogolik, hinebe opakiat dapukhogon hagakhe dogoumo, it akhuni aperek nen hinabok ekhe dogolik, “It inobabut hano wene yogeisugunem holiogei tak-tagat inetaiken Allah oba hakotdiluk obatnerogon metek werek o,” iluk, an nebe walegat werekma yoknisugun a? Hinoba witluk nileken hisagein a. Wene hano wene yokhisogorek hak, hinetaiken opakiat hinom dapukhogon dogolik, wim yakhe dogolik obatnerogon yakharek hak, wene iti hasik hinobatnerogon hagakhe dogono.

1 Yohanes 1:3

Ebe nit ninileken higik, ninasuk holhik, hagakhugu meke iti, ninopase Allah a'but Yesus Kristus ipisak ninom hunik welagorek iti hak, hit nit ninom hano hunik dogouogoluk yokhisekhe lago o.

1 Yohanes 5:7

Yesus iti Kristus at o, iluk, akhuni inebe 3 nen inane opakiat meke pakhogon u hakene, Allah Agoreke nen igik, Yesus ebe ima usakhukha iti baga igi, amep ulabogo wakhukha iti baga igik, thelekma ageikhe iti o.