Yohanes 17:11 - ALLAH ANE WENW KET MEKE WAROGO WOKNINAKHIKHE WENE

¹¹ Yogotak an nen, agat oba yoma erapik dogogin dek o. Hat 'bikheasigin mekeat he, it anek, agat oba yoma dogogun o. Hat weak hagakhidek karelek motok welagatek meke, nopase. Nit nipisak ninebe opakiat welagorek etnogo hak, it itithogonat inebe opakiat dogoak nen, hat hetaga kok meke an thalnakhigin iti baga, it hagasik dogono o, nopase.

Yohanes 17:11 ပူးပေါင်းရင်းမြစ်များ

Matius 10:16

Itithogon yogeisasikhesik ageikhe men yogeisasikhe, “An nen he, hit yi re, hinobabut domba obabut hakene meke, it akhuni inobabut yeke helo yeke obabut weak meke hakene meke inakerlekla hiakhogo la'inagaginmo iti, hit hinobabut warlo obabut hagakharek iti hak hinobabut hinomarlik-hinomarlokhogon hagakhik, thue yogeik hagakherek hakene, hinobabut enago welageik, hagakhe dogono.

Matius 5:48

Halok he, ninopase Allah pogot oba meke obabut hano motok karelek dogolik akmurinakherek hak, hit itithogonat hinakmurinakhe dogono o,” iluk yogeisasikhe.

Matius 6:9

Halok he, sembayan ekhe dogolik, yigithogon ekhe dogono, Ninopase pogot oba meke hekaerek hetaga kogotdekhe dogoagaluk, hagatninabi me o. Ninebe hapma dogoagaluk 'binani me o. It pogot oba hat hakla apegetek meke hagakharek hak, nit agat oba itithogonat hagakhe dogoagaluk, hagatninabi me o.

Yohanes 13:1

Nen, hubenke pesta Paskah etnogo nuogoluk dogolik, at Yesus nen, o agat oba yoma thogotdiluk opase baga apuke dageigin etnogo arat horok asi ageikhemo ilu welageikhe. Nen, at ekaerek agarumi agat oba meke etaiken hunik motok welageikhesik nen, yabokane inebe a'it ageidegat ilugun hurli baga etaiken hunik motogat welageikhe.

Yohanes 13:3

Itithogon akla kagalhikhemo, at Yesus akla nen, “Nopase nen yi meke ti meke tha'bokhogonat an niki baga 'bisikhemo werek apigi. Nen, an nebe Allah werekma nen usa'agagisik, yabokane napuke at obaat dageigin apigi,” iluk ilu welageikheat.

Yohanes 14:20

Itithogon hinileken neagun itinem, an nopase nipisak hunik welago, nen, hit an ninom hunik, nen an hit ninom hunik welago meke iti, hinilu asigin o.

Yohanes 16:28

An nebe Allah werekma nen akhuni agat oba meke inoba usa'agagi mekeat, yogotak it agat oba yoma 'bisalok nopase oba napuke dageigin o,” iluk yogeisasikhemo,

Yohanes 16:33

ageikhe men yogeisasikhe, “Hit an ninom hunik dogolik, hinakla hapukhogon dogobageik nen iluk, wene iti tha'bokhogonat yokhisigi o. Hit akhuni agat oba meke nen yi aik ti aik hagathinakhe dogogun o. Meke re, akhuni agat oba meke arat obatne degetdisigima iti, hinayuk dekhogon dogono,” iluk yogeisasikhe.

Yohanes 17:23

It eberogonat inebe opakiat dogoak nen, it nen an ninom hunik, nen hat nen an nipisak hunik dogouok o. Itithogon dogogun halok, it akhuni agat oba meke nen ekhe dogolik, At he, opase nen la'i ageikhesik ebe etaiken hunik welagarek iti hak, it inebe at wogokhikhe meke etaiken hunik welagarek o, iluk inilu atluk hutdugun.

Yohanes 17:25

Allah mothogon anek hagakhetek meke, nopase. It akhuni agat oba meke hat hebe inokodek mekeat, an anek, hat nilu o. Nen, it hat nen woknikhigin meke anek, At nen la'i ageikhe iluk, iniluat o.

Yohanes 17:6

Akhuni agat oba meke hat nen haganeat woknikhigin meke tha'bokhogonat, hat hebe inilu asuagaluk yakulisigi o. It inebe hat meke an woknikhiginmo nogo nen, hat hane hologo hagakharek o.

Yohanes 7:33

Itithogon isi korlek, at Yesus nen men yogeisasikhe, “An we, elanma hasik niki pererlagat ninom dogoluk nen, at la'ani ageikhe meke etnogo oba napuke arat ligin o.

La'isasikhe 3:21

Yogotak ya re, Yesus ebe pogot oba dogosak obaat dogogin o. Dogoluk nen, hurli Allah nen yi meke ti meke tha'bokhogonat ket hagarogo hagasigin iti hurliat usa'isigin o, iluk haganeat it ap Allah hasik dogolik at ane yogeisekhe lagoukha meke emenogo nen isukha hagat, hagatlasigin o.

Roma 12:5

Iti hak, ninebe doalegat welago mekeat he, Kristus ninom opakiat hunogo 'binanhikhemo welago yi. Ninebe opakiat meke re, niniki ninisok ninebe hunik welagarek iti hak, ninagarlak lak ninerugi ninom itithogon welago.

Roma 9:17

At Allah nen kok Firaun men yogokhikhe, “An nen yi hasigat meldagagi o. Akhuni nen an nobatne inilu ageik, netaga o yi ai ti ai yogeisilik lageik, hagasuagaluk meldagagi o,” iluk yogokhikhemo Allah ane holal waganek etnogo baga holal waganogo 'bisukha.

1 Korintus 1:10

Itithogon mekeat he, nagarlak nerugi. Ninoe Etagapogot Yesus Kristus etaga baga, wene ageikhe hinasuk wasik. Hit tha'bokhogonat hinebe mikikhidek hinom hunik dogolik nen, hinane opakiat meke igik, hinetaiken opakiat welageik, hinakla nen wene opakiat meke ebekhik, hagakhe dogono.

Galatia 3:28

Waganiluk, yabokane hit tha'bokhogonat, Kristus Yesus hinom hunik dogolik hinebe opakiat meke welagap iti nen, hit ebetlake Yahudi meke, ebetlake akhuni itikmanke igik, ebetlake inatuan meke, ebetlake inasokne meke igik, ebetlake humi, ebetlake ap igik, ekhe dogosak dek.

Efesus 4:4

Allah nen hinayoko 'bekhe dogolik, “An nen hanothinabigin o,” iluk, abok opakiat meke yokhisasikhe hak, at ebe opakiat meke hinom hunikhik, Agoreke opakiat meke waganhik, hagakhigip iti o.

Filipi 2:9

Itithogon apasikhe iti nen, ebe Allah nenat kogotdisikhe. Kogotdisikhesik nen, it aperek inetaga wema baga negen werek korlek, at anek he, Etagapogot iluk kok mekeat thalhikhe iti o.

Ibrani 1:3

Mulikin terlelek-werlelekhogon la'i agarek hak, Allah ebe hogorakharek meke iti nen, Yesus ebe la'i ageikhemo agat oba liarogo dogolik, opase alino hakene at welagarek iti. Itithogon dogolik, yi meke ti meke tha'bokhogonat welagarek iti, at ane obatne baga welagarek. Werekma, nit weak hagakhe lagagu meke arat horogo degetdisikhesik nen, Allah Etagapgoto kok meke etnogo baga dageisikhesik alilu iki ebeke kogat welagarek iti o.

Ibrani 9:24

at Kristus o Allah ekaerek ai iluk akhuni nen oba lisogon halhukhama iti ukisikhe 'buk. Dek o. At he, pogot ebe baga ukisikhesik Allah werekma etoma nit ninobasik werek o.

Yakobus 4:4

Humi nen inaguni inil la'belharek iti hak, Allah il la'belogo hagakhe lagap iti re! Akhuni agat oba meke yoma inobabut inikhogat dogolik hagariogei meke iti hinom hunik welagap halok, Allah hinom wim palek hakeneat welagap iti, hinokodek a? Hit aperek nen akhuni agat oba meke yoma meke inobabut inikhogat dogolik hagariogei meke iti hinom hunesuogoluk hagakhe lagap halok he, hinekaerek nen at Allah hinom wim kagalhe lagap o.

1 Petrus 1:5

Hinetaiken at Allah oba hakotdiluk welagap iti nen, at obatne baga hakhisik dogoluk nen, yabokane hinebe hanothinabigin meke ilugun hurli baga winametdigin iti.

1 Yohanes 3:12

Nit nen he, at Kain ebe Iblis obabut weak meke iti a'but ageikhesik ekaerek agot meke wakhikhe iti hagat, hagasusak dek o. At nen agot wakhikhe iti, nenaluk wakhikhe. At hagakhe lageikhe meke korlo motok nen, agot hagakhe lageikhe meke mot motok, iti nenat wakhikhe o.

1 Yohanes 5:19

It akhuni agat oba meke inobabut inikhok meke iti tha'bokhogonat he, at obabut weak meke etnogo iki baga welageikharek. Itithogon welageikharek mekeat he, nit anek he, Allah ebeat a'buri meke welago, iluk ninilu o.

Yudas 1:1

An Yudas, Yakobus agot, Yesus Kristus atuaneke etnogo nen, hit wene yi holal waganogo hinoba la'i agei iti. Nagarlak lak nerugi. Allah nenat hinayoko 'bisikhesik hinebe akmu dogolik, Yesus Kristus hasik thethisik werek iti.

Yudas 1:24

Hit ninopase Allah obatne werek erlok hakhisik dogosak meke oba lagunem, hinisok a'bit dikhogon warigidek hanorogo hakhisik dogoluk nen, at ebe hogorariogeima etoma, wene hinoba 'bigidegat, hinakla arleken akhekhe korlek menogo erlok 'binagei ligin meke iti, heagei wakhe dogouok o.

A'bikaka 19:12

Ap iti ileken hetu amulok hakene, nen ukuloak oba, kare-kare doalegat ap koktek inetagapogot i'bisegarek iti hak ugu. Nen, at etaga thalek ageikhe ninat meke ebe at obake holal waganek werekma akhuni tha'bokhogonat inokodek, at ekaerek anek ilu meke holal waganek welaga higi.

A'bikaka 4:8

It iti inebe 4 meke re, inebe tomok ina'bikha 6 oba werekma, inomak abel itikmanke inom, akmanke inom, inileken motok doalegat meke inane huk welageidek, dikene motok, hibakone motok, Allah hogorakho motok dogolik, “Ninopase Allah Etagapogot obatneakma, u a e, Haganeat karelek motok welageikhe, u a e, Yogotak karelek motok werek, u a e, Yabokane karelek motogat dogogin, u a e,” iluk hogorakho motok welageikha.