Yohanes 16:32 - ALLAH ANE WENW KET MEKE WAROGO WOKNINAKHIKHE WENE

³² Itithogon yogeisasikhesik nen, ageikhe men yogeisasikhe, “Hit tha'bokhogonat thirlik-pirlikhogon mukhisaumo, an narligat here'aniluk hinailake tomok lo lugun oba aban welago meke re, yogotak arat asi aga o. Hit itithogon thirlik-pirlikhogon lamo, an nopase nipisak dogogun iti nen, narligat dogogin dek o, iluk eberogonat yokhisigi o,” iluk yogeisasikhesik,

Yohanes 16:32 ပူးပေါင်းရင်းမြစ်များ

Matius 26:31

Tom Zaitun oba dageisukhasik, at Yesus nen, “At Allah nen, At ap domba therisik welagarek meke iti ebe an nen wakhunem, domba opakimo natogorlek welagarek meke iti, lo lugun o, iluk isikhemo, holal waganogo 'bisukhama werek iti nen, yogotak hibako yi, hit tha'bokhogonat an thogotdaniluk lo lugun o.

Matius 26:56

it ap Allah ane yogeisekhe lagoukha meke nen holal waganhukha etnogo tak-tagat asuagaluk hagatnakhep o,” iluk yogeisasikhemo, it ap at ane waganhe lagoukha meke emenogo, at ebe thogotdiluk lo motok lagoukha.

Markus 14:27

Itithogon tom Zaitun ukul oba dageisukhasik, at Yesus nen, men yogeisasikhe, “At Allah nen, At ap domba therogo welagarek meke iti ebe an nen wakhunem domba emenogo lo thirlik-pirlikhogon lugun o, iluk isikhemo holal waganogo 'bisukhama werek iti nen, hit tha'bokhogonat an here'aniluk lo thirlik-pirlikhogon lugun o.

Markus 14:50

at Yesus agarumi emenogo inebe tha'bokhogonat ebe here'isalok lo thirlik-pirlikhogon lagoukha.

Yohanes 12:23

Itithogon yogosi lagoukhama, at Yesus nen, men yogeisasikhe, “An abat itaklasi agagi etnogo, nebe hogotnabugun oba arat asi aga o.

Yohanes 16:2

Akhuni nen o sembayan egarekma nen hit hiniki korlo lisogo ula'inagagunat o. Nen, yabokane it akhuni hit hinasugun meke inebe dopok inakla nen he, Allah hasik hano inakho, iluk, ugun meke weregat o.

Yohanes 16:25

At Yesus nen wene itithogon yogeisasikhesik ageikhe men yogeisasikhe, “Wene tha'bokhogonat iti, wene oba lisogon anek yokhisekhe lagei mekeat he, yabokane nopase abok ekhe dogolik, oba lisogon yokhisagein dek o. Pakhogon anek yokhisagein oba weregat o.

Yohanes 16:31

Itithogon yogosugun apasukha, at Yesus nen, “Yogotakne arat hutdanhep a?” iluk yogeisasikhe.

Yohanes 19:27

at agot ane waganhe lagoukha meke ageikhe etnogo itithogon yogokhe dogolik, “Nagot. Hat hagosa ithiat o,” iluk isi korlek eranogoat Yesus agosa etnogo, at agot iti nen hago dogoagaluk aila wolok lageikhe.

Yohanes 20:10

Itithogon hutdisikhesik nen, it Yesus agarumi ane waganhe lagoukha meke ipisak etnogo inapuke uma lagoukha.

Yohanes 4:21

at Yesus nen, men yogokhikhe, “He yi neru e. Wene yokhesigin yi eberogonat apano. O tom yi baga men, o Yerusalem men, etoma anek Allah hogorakhe dogosak 'buk. Hit Allah hogorasusak tak-tak oba, o yabokane ageikhe wi igin meke weregat o.

Yohanes 4:23

Itithogon Allah ebe hogorakharek mekeat he, it akhuni nen yabokane Allah hogorakhe dogolik ninat negen hogorasugun meke weregat o. At Allah akla nen, An Nagoreke nen, Allah ebe iti hakene, iluk yakulisugunem mothogon eberogonat hogotnakhe dogoak, iluk, akla apekherek iti nen, yogotak ya nen itithogon hogorakhe dogosak o.

Yohanes 5:25

Nen, akhuni warek meke nen, an Allah a'but nane inasuk holugun oba aban werek mekeat he, arat asi agasik werek o. It nane inasuk holugun meke halok, iniluk atluk iniluk motok dogogun o, iluk, eberogonat yokhisigi o.

Yohanes 5:28

Nen, yabokane akhuni tha'bokhogonat inoak obake tomok nen, an nane inasuk holiluk, iniluk asugun hurli itinem werek o. It akhuni nen inobabut hano hagakhe lagoukha meke halok, iniluk motok dogoagaluk meldisigik, nen, it aperek inobabut weak hagakhe lagoukha meke halok, wene inoba 'bigiluk meldisigik, hagasigin iluk yokhisigi iti nen, Wene iti nayuk e, iluk, hogorakhup o,” iluk yogeisasikhe.

Yohanes 8:16

Meke re, an nen wene inoba 'bilema re, iti an narligat nen dek o. Nopase nen la'ani ageikhe meke etnogo nipisagat dogolik hagakhe lagei iti nen, wene mothogon akhuni inoba 'bile o.

Yohanes 8:29

At la'ani ageikhe meke etnogo, oba hotokhogon ekherek meke anek an nen hagakherek iti nen, at nen an nebe kolelogo thogotdanhidek nipisak hunik motok welagorek o,” iluk yogeisasikhe.

La'isasikhe 21:6

Itithogon iluk, heagei wat-wat ekhe lagagusik, it inapuke inaila waga korlek, nit ku akla ukisugu.

La'isasikhe 8:1

At Stefanus ebe motogat wakhukha iti, at Saulus akla nen hano apasikhe. At Stefanus ebe wakhukha itinemat, it Allah a'buri o Yerusalem natogokhe lagoukha meke inebe yi aik ti aik weakhogon hagarinakhe korlek, it ap Yesus nen inebe inayoko 'biluk la'isasikhe meke emenogo anek, o Yerusalem werek korlek, Allah a'buri aperek inebe doalegat meke emenogo tha'bokhogonat lo o propinsi Yudea Samaria ya ta etoma thirlik-pirlikhogon ula'isasukha.