Yohanes 16:30 - ALLAH ANE WENW KET MEKE WAROGO WOKNINAKHIKHE WENE

³⁰ Hat nen, akhuni aperek nen wene ageikhe hinok wokhiigidek halok he, wene ebe hokodek 'buk o. Hat yi wene ti wene tha'bokhogonat hilu anek heogo o. Hat hebe eberogonat Allah nen la'agei ageikhemo wagagin, iluk yogotakne hutdagago o,” iluk yogokhukha.

Yohanes 16:30 ပူးပေါင်းရင်းမြစ်များ

Yohanes 16:17

at agarumi ane waganhe lagoukha meke emenogo aperek nen, it-it wene ekhe dogolik men isukha, “At nen, Niniki herlekha'bugat dogoluk nen he, an nebe hinileken neagun dek o. Itithogon hinileken niigidek hiniki herlekha'bugat ageikhe dogoluk nen, yabokane hinileken neagun o, igik, An nopase oba ligin, igik, ekhe iti, wene ebe nikithogon meke hasik ekhe apegep?

Yohanes 16:23

Hurli iti hurli arat asi lalok nen, hit nen wene ageikhe an noba hinok wokneagun motok dek o. Halok he, an nen wene ageikhe yokhisak, Hit nen yi meke ti meke an netaga palogo nopase kino yogosugun halok he, at nen wokhisageinat o, iluk eberogonat yokhisigi.

Yohanes 16:26

Hit nen, Yesus ebe Allah werekma nen wageikhe meke, iluk, hutdanhe dogolik, hinakmutdanhigip iti nen, nopase nen hit akmuthinakheregat o. Hit hinobasik an nen nopase kino yogosigin iluk yokhisekhe lagei dek o. O itinem he, hit hinekaerek nen an netaga palogo nopase kino yogosugun o.

Yohanes 16:31

Itithogon yogosugun apasukha, at Yesus nen, “Yogotakne arat hutdanhep a?” iluk yogeisasikhe.

Yohanes 17:8

Wene hat nen yoknikhigin meke emenogo, it arat yogeisigima, arat waganhasik an nobasik ekhe dogolik, Allah nen la'i ageikhemo, at werekma nen eberogonat wageikhe, iluk inilu ageikhasik nen, nebe hutdanha o.

Yohanes 2:11

At Yesus ebe hutduagaluk elalin meke ageikhe hagakhidekma alebageik hagakhikhe iti, o Galilea o ukul Kana dogolik hagakhikhe iti baga, at hogorakharek meke inilurogo yakulisasikhemo, it at agarumi ane waganhe lagoukha meke emenogo Yesus ebe hutdiluk, inetaiken at oba hakotdisukha.

Yohanes 21:17

Iki pere baga itema waganhikhesik nen yabokane ageikhe waganhikhe, “Simon Yohanes a'but nagot o. Hat nen an nebe hakmu a?” iluk, Yesus nen itema iki pere baga waganhikhesik nen, yabokane dagakhogon ageikhe baga, “Hat an nebe hakmu welagan a?” iluk yogokhikhe iti nen, akla korlo ageikhemo, at nen Yesus men yogokhikhe, “Noe. Hat he, yi meke ti meke tha'bokhogonat hilu o. Halok he, an nen noe hebe nakmu welagei iti, hat hilu o,” iluk yogokhe lageikhemo, at Yesus nen, men yogokhikhe, “Halok he, an nako domba hanorogon therisik dogono o,” iluk yogokhikhe.

Yohanes 5:20

An nopase nen, a'but an etaiken hunik motok dogolik, at ebe nenat yi meke ti meke hagakherek meke tha'bokhogonat yakulnukhunem yogotak ya hagakhunem hinileken neegep iti re, herlekha'bugat negen meke re, yabokane hit nen hogorasuagaluk yakulnukhunem kok meke hagakhunem hit hinileken neagun meke weregat o.

Yohanes 8:42

at Yesus nen he, men yogeisasikhe, “Hit hinopase Allah eberogonat dogolepma re, an nebe erlo Allah mekeat wagagisik welagei iti, an hinakmurogon dogolep o. An nabusagat nakla apalok wagagi 'buk. At nenat la'ani ageikhemo wagagi o.

Ibrani 4:13

Allah il oba, yi meke ti meke at nen walhasikhe meke ageikhe limago welagarek motok dek o. Meke re, at il oba, yi meke ti meke tha'bokhogonat, thelekma motok welagarek iti nen, nit hagakhe lago meke, at ilumo ninoba dopogat ninom ugun o.