Yohanes 16:13 - ALLAH ANE WENW KET MEKE WAROGO WOKNINAKHIKHE WENE

¹³ Itithogon mekeat he, Allah Agoreke, ebe wene ekherek meke iti witluk nen, holak inokodekma inilu meke nen yakulisegarek iti hak, ebe wene tha'bokhogonat hutdubageik nen iluk yakulhisekhe dogogin o. Itithogon yakulhisekhe dogogin iti wene at akla nen kagalogo ekhe dogogin dek o. At he, at asuk holherek meke anek ekhe dogolik, yabokane hagatlasigin meke yokhisekhe dogoginat o.

Yohanes 16:13 ပူးပေါင်းရင်းမြစ်များ

Yohanes 12:49

an nakla nen kagalogo yokhisekhe lagei 'buk. Dek o. An nen yokhisoagaluk an nopase la'ani ageikhe meke etnogo nenat nasuk warogo, Yigithogon in, tigithogon in, iluk yoknekhe korlegat yokhisekhe lagei o.

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 15:26

Hit yomakhisekhe dogoagaluk Allah Agoreke ebe wene yogeisoagaluk wagarek meke iti, an nen nopase werekma nen hit hinoba la'i agunem, at nen an nabok pakhogon yokhisekhe dogogin o.

Yohanes 16:12

An nen wene doalegat yokhisausak meke re, hit waganusak erlok dek aga o.

Yohanes 3:32

At ileken hasikhe meke inom, asuk holhikhe meke inom, pakhogon yogeisekhe korlek mekeat, it akhuni tha'bokhogonat nen, at nen wene pakhogon yogeisekherek meke iti, inobakhanini thogotdiliogei o.

Yohanes 8:38

An he, nopase nipisak dogolik nileken hekhe lagagi mekeat yokhisekhe korlek, hit anek he, hinopase etnogo nen ekherek meke ane hologo hagakhe lagap o,” iluk yogeisasikhe.

La'isasikhe 11:28

It wagoukha iti meke, ap ageikhe etaga Agabus iti, Allah Agoreke nen akla kagalhikhemo, melageikhesiknen men yogeisasikhe, “O yi ai ti ai tha'bokhogonat hipiri no kogat hugun o,” iluk yogeisasikhe. Yogeisasikhe iti, ebe ap etaga Klaudius ebe kok dogolik hagasik werekma hagatlageikhe iti.

La'isasikhe 20:23

Itithogon nokodek mekeat he, an o kota ageikhe nen ageikhe lageik hagakherek etoma tha'bokhogonat at Allah Agoreke nen, Hiki herle wakhik, yi aik ti aik hoba 'bigik, hagasugun o, iluk yoknekherek iti anek nilu o.

2 Tesalonika 2:3

Akhuni aperek nen, “Allah nina'it,” iluk, here'isalok dukhigik, at obabut motok weak meke yabokane Allah nen hetu aik weakma la'isagein meke etnogo thelekma ageik, itithogon tak hagasugun iti nen, it aperek nen yigithogon igik, tigithogon igik, ekhe dogolik, nukhetdinagunogo. Na'it.

Ibrani 1:1

O muk haganeat, at Allah nen it ap at ane yogeisekhe lagoukha meke emenogo iki hibiku-yogoku, wene at ageikhe yogokhik, at ageikhe yogokhik, nekalok-nekalogat yogosugunem, it nen nit ninopa lak yakulisekhe lagoukha.

1 Yohanes 2:20

Itithogon meke re, hit anek he, Yesus Kristus Allah nen ekaerek 'bakhasikhe meke etnogo nen Allah Agoreke wokhisasikhemo ebeat wene hinebe tha'bokhogonat hinilu agagisip welagap o.

1 Yohanes 2:27

At Kristus nen Allah Agoreke wokhisasikhemo hinakla dogolik, yi meke ti meke hasik, ekalat yakulhisigidek, eberogonat anek yakulhisiliogo iti nen, akhuni aperek nen wene hit yakulhisausak erlok dek o. Wene at nen yakulhisiliogo meke iti mothogonat hagakhe dogolik, Kristus hinom hunik motogat dogono o.

1 Yohanes 4:6

Meke re, nit he, ninebe Allah a'buri meke dogolik ninane isinem, it aperek Allah ebe inilu meke halok, inasuk holhik, nen, it aperek inebe Allah a'buri meke 'buk, ninat halok he, inasuk holhidek here'isigik, hagakharek o. Itithogon hagakhunem nit nen he, “Allah ebeat meke Agoreke it iti inakla werek, nen it aperek iti mokat nukhetdinanherek meke inakla werek,” iluk ekagat hutdisogorek iti o.

1 Yohanes 5:6

At Yesus Kristus agat oba usa'ageikhesik werekma ima anek usakhukha 'buk. Ima usa'igik, amep ulabogo wakhik, hagakhukha. Itithogon hagakhukha iluk, at Allah Agoreke wene eberogonat anek yoknisekherek meke etnogo nen pakhogon yoknisekho welagarek o.

A'bikaka 1:1

Wene ebe yigithogon. Yi wene ti wene limago welageikhe meke yabokane ibat-ibat hagatlasigin meke iti, Allah atuaneke meke hutukhogon yogeisoagaluk Allah nen at Yesus Kristus pakhogon yogokhikhemo, at Kristus nen malaikat la'i ageikhemo, wene iti at Allah atuaneke meke an Yohanes yoknekhe.

A'bikaka 1:19

An itithogon motok welagei iti nen he, yi wene ti wene yogotak ya hagatlariogo meke inom, yabokane hagatlasigin meke inom, hileken higin meke iti tha'bokhogonat holal waganin o.