Yohanes 16:12 - ALLAH ANE WENW KET MEKE WAROGO WOKNINAKHIKHE WENE

¹² An nen wene doalegat yokhisausak meke re, hit waganusak erlok dek aga o.

Yohanes 16:12 ပူးပေါင်းရင်းမြစ်များ

Markus 4:33

It akhuni nen wene hutdusak tak-tagat hutduagaluk, yi meke ti meke doalegat oba likhik yogeisekhe lageikhe.

Yohanes 14:30

Akhuni agat oba meke inoe kok etnogo ebe wiriogo iti nen he, an wene doalegat yokhisagein dek o. At iti wisigin mekeat he, an at iki baga welageidek o.

Yohanes 15:15

It akhuni inatuaneke meke iti, inougi hagakharek meke inokodek iti nen, an nen hurli yogotak yi baga nen, Hit an natuaneke, iluk yokhisagein dek o. Yi wene ti wene nopase nen yoknikhikhe meke tha'bokhogonat yokhisekhe lagei iti nen, Nagarlak lak, iluk yokhisekhe lagei iti o.

Yohanes 16:11

Nen, ageikhe, Allah nen akhuni agat oba meke inoe kok etnogo wene oba 'biluk obatne degetdisikhemo werek iti nen, at yomakhisekhe dogogin meke iti witluk nen, Allah nen wene inoba 'bigik, kokhik, hagakherek iti hasik thelekmarogo yogeisasiginat o.

Yohanes 16:13

Itithogon mekeat he, Allah Agoreke, ebe wene ekherek meke iti witluk nen, holak inokodekma inilu meke nen yakulisegarek iti hak, ebe wene tha'bokhogonat hutdubageik nen iluk yakulhisekhe dogogin o. Itithogon yakulhisekhe dogogin iti wene at akla nen kagalogo ekhe dogogin dek o. At he, at asuk holherek meke anek ekhe dogolik, yabokane hagatlasigin meke yokhisekhe dogoginat o.

La'isasikhe 1:3

Yesus ebe watlageikhesik nen iluk atluk, iki 40 hari inom dogolik, at ebe thekekhogon hutduagaluk yi meke ti meke elalin doalegat hagakhe lageikhe. Itithogon hagakhe dogolik, at nen, “An nebe yi. Inileken hutukhogon neoak o,” iluk eran-alep inelokhoma melatluk inugurisigik, Allah apma dogogun wene yogeisigik, hagakhe lageikhe.