Yohanes 16:1 - ALLAH ANE WENW KET MEKE WAROGO WOKNINAKHIKHE WENE

¹ At Yesus nen wene itithogon yogeisasikhesik nen, yabokane ageikhe men yogeisasikhe, “Hit hinakla puk atluk, an nebe kolelogo here'aninogo iluk, wene iti tha'bokhogonat yokhisigi o.

Yohanes 16:1 ပူးပေါင်းရင်းမြစ်များ

Matius 11:6

Yogotluk tha nen etaiken pere atluk here'anhidek dogogin halok he, akla arleken akhekhe dogogin o, iluk yogosi lano,” iluk la'isasikhe.

Matius 13:21

wene iti inetaikenma omaken yakhidek nenat, iniki pererlagat welageikharethek nen, akhuni aperek nen Allah ane iti hasik yi aik ti aik inoba 'bigik, weagarinakhik, hagakhunem, inakla ibat puk ageikharethek nen, wene iti here'isalok dukhegarek itiat o.

Matius 13:57

Meanetdiluk kolelogo thogotdisukhama, at Yesus nen, men yogeisasikhe, “It ap Allah ane yogeisegarek meke iti, o yi ai ti ai lagunem, akhuni aperek nen motok inalon halinakharek mekeat he, inekaerek inaila erloma lagunem inougi inagarumi inom opakimo welageikharek meke nen anek inalon halinakharek dek yoma re!” iluk yogeisasikhe.

Matius 24:10

Itithogon hagakhe korlek, it akhuni aperek inetaiken Allah oba hakotdisukha mekeat he, inebe doalegat inakla puk atluk, thogotdisalok dukhiluk, at ageikhe nen at ageikhe wasuagaluk wolok lageik, ageikhe nen ageikhe a'it nen anini oba 'bigik, hagasugun o.

Yohanes 15:11

Nen, an nakla arleken akhegerek iti hak, hit hinakla arleken akhekhe dogolik, yabokane hinakla arleken motok kogat akhekhe dogobageik nen iluk, wene iti tha'bokhogonat yokhisigi o.

Yohanes 16:4

Itithogon hagathinakha halok, hinakla nen, Wene yi, at nen alebat yoknisasikhe etnogo, arat hagatninabiogei yi, iluk hinakla ebesubageik nen iluk, wene iti tha'bokhogonat yokhisigi o,” iluk yogeisasikhe. At Yesus nen wene itithogon yogeisasikhesik nen, yabokane ageikhe men yogeisasikhe, “An hit ninom yoma welago iti nen, wene yi tha'bokhogonat hit hinayoko 'bekhe dogolik yokhisigidek welagagi mekeat he,

Roma 14:21

Hat nen, wam palek nikik, oken apusu nikik, yi meke ti meke hagakhik, hagakhunem nen, hagarlak heru ageikhe weak asigin iti nen, nikidek here'isekhe dogoumo hano.

Filipi 1:10

Hit itithogon hutdiluk hagakhe dogogun halok, hinakla nen he, “Yi hano. Hagasusak meke,” igik, “Iti weak. Hagasusak dek meke,” igik, hutdekhe dogogun iti. Itithogon hagasugun halok, Kristus wisigin itinem, wene hinoba degat, hano karelek motok werekma wisigin iti o.

1 Petrus 2:8

Nen, ageikhe men isikhe, “Akhuni helekit iti baga inisok a'bit 'baukhogon waralok wilasi laga dogogun o,” iluk isikhe. Itithogon wilasi laga dogogun iti re, it nen hano wene iti, “Eberogonat,” iluk hutdugun dek iti nen, Allah nen akla apasikhe hagat, warisiliogei iti.