Yohanes 15:24 - ALLAH ANE WENW KET MEKE WAROGO WOKNINAKHIKHE WENE

²⁴ It akhuni aperek nen hagakharek motok dek meke, yi wene ti wene inil oba hagakhe lagagi etnogo hagakhe dogole dekma re, It weak, iluk ile dek o. Itithogon mekeat he, an nen wene iti tha'bokhogonat hagakhunem inileken neasukhasik nen, an nopase nipisak ina'it motok hagatninabiogei o.

Yohanes 15:24 ပူးပေါင်းရင်းမြစ်များ

Matius 11:5

Inileken puk meke 'bekelogo hano ageik, inae la'belek meke holak lageik, inoba u henako hakene inayuk meke werekma hagarinakhunem hano ageik, inasuk dogou meke inasuk huakhogon holhik, akuni warek meke inilugurinakhik, it aperek inameke dek meke hano wene yakulisigik, hagakhunem hinileken neegep etnogo hutukhogon yogosi lano.

Matius 21:32

At Yohanes etnogo Allah akla apekherek meke mothogonat hagakhe dogoagaluk yukulhisa ageikhe mekeat he, hit hinakla nen, At ane iti eberogonat iluk, hutdigidek welagagip. Meke re, it ap pemerintah hasik uang kino iluk natogokharek meke iti inom, humi yugunat hagarik nekharek meke iti inom, At ane iti eberogonat iliogo, iluk inakla hutdisukha. It nen itithogon hutdisinem hinileken hisasigip mekeat he, hit anek yabokane hinobabut hebelatluk hutdigidek welagap yi re,” iluk yogeisasikhe.

Matius 9:33

Wolok wagoukhama, at Yesus nen mokat obabut weak meke ap etnogo akla ukiluk werekma mukhogo ula'isikhemo, ap etnogo ane huak iluk nen, wenekak isikhe. Itithogon hano hagakhikhemo, it akhuni inebe doalegat welagoukha meke nen Yesus hogorakhe dogolik, men isukha, “Yigithogon hagakhunem nit akhuni Israel meke nen ageikhe ninileken hogorek dek meke nayuk,” iluk hogorakhukha.

Markus 2:12

ap etnogo melatluk, eranogoat direka talek etnogo it ap emenogo tha'bokhogonat iniloba horlalok dukhisikhe. Itithogon dukhisi korlek, it akhuni emenogo tha'bokhogonat nen, men isukha, “Eiya! Nayuk o. Nit yoma alebat akhuni aperek nen yigithogon ageikhe hagakhunem hogorek dek meke hagakhe yi nayuk o,” iluk Allah hogorakhukha.

Lukas 24:19

at Yesus nen, “Wene iti nikithogon hagatlaga meke egen,” iluk yogokhikhemo, it eranogo nen, men yogokhukha, “Ap etaga Yesus, ai Nazaret meke iti, ebe Allah ane yogeisekherek mekeat dogolik, Allah il oba, nit akhuni tha'bokhogonat ninil oba, wene yogeisigik, yi meke ti meke hagakhik, obatnerogo hagakhe laga mekeat he,

Yohanes 10:32

Itithogon hagakhe lagoukhama, at Yesus nen, men yogeisasikhe, “An nopase nen hano meke doalegat hagasuagaluk nayoko 'bisikhe meke hagakhunem, hinileken neekhe lagap etoma tha'bokhogonat, ageikhe ki hak korlo hagakhi baga nen nebe nasuogoluk hagakhe lagap,” iluk yogeisekhe lageikhemo,

Yohanes 10:37

An nopase nen, Itithogon hagakhe dogono, iluk, nayoko 'biluk la'ani ageikhe meke, ebe hagakhidek dogolema, hit nen nebe hutdaniluk hinetaiken noba hakotdusak erlok dek o.

Yohanes 12:10

Lagoukhama, it ap Allah iteerek inougi koktek meke emenogo nen, men isukha, “Lazarus warek meke Yesus nen ilugutdekhe iti nen, akhuni Yahudi meke inebe doalegat nit ninane here'isalok inetaiken Yesus oba hakotdiliogei,” iluk, Lazarus meneke wasuogoluk abok palhukhaat.

Yohanes 12:45

Nen, at tha nen, ileken an neekhe halok he, an la'ani ageikhe meke etnogoat ileken hekhe o.

Yohanes 14:9

at Yesus nen, men yogokhikhe, “Filipus nagot o. An o haganeat eloma nenat ninom welago mekeat he, hat nen an nebe hutdanhidek welaganma higi, e a? At tha nen an ileken neekhe iti, an nopaseat ileken hekhe o. Itithogon mekeat he, hat nen, Hopase iti yakulnisan o, iluk egen iti nikithogon nen egen.

Yohanes 15:21

Itithogon mekeat he, it nen, at an la'ani ageikhe meke etnogo ebe inokodek iti nen, It yi at agarumi, iluk, wene yokhisigi iti tha'bokhogonat hagathinabugun o.

Yohanes 15:22

An wagagisik, wene tha'bokhogonat iti it yogeisigidek dogolema re, it weak iluk wene inoba 'biluk dogolep dek apigi o. Mekeat he, yogotak, wene yogeisa agei iti nen, it nen, An weak hagakhidek, iluk, wene inoba meke nokorlusak erlok degat aga o.

Yohanes 15:23

At tha nen an motok a'iretdanhe halok, an nopaseat motok a'iretdekheat o.

Yohanes 16:9

At witluk, Hit nen hinetaiken at Yesus oba hakotdigidek welagathep iti korlo, iluk thelekmarogo yogeisasigin o.

Yohanes 3:2

Nen, ap iti o hibako iniki ageikhe baga Yesus oba wageikhesik nen, men yogokhikhe, “Noe. Ap ageikhe Allah ipisak hunik dek halok he, hat nen elalin meke hagarik nekhe lagan iti hak, hagasusak motok erlok dek. Iti nen, hat nen wene yakulnisoagaluk Allah nen la'agei agama wagan iluk ninilu aga,” iluk yogokhikhe.

Yohanes 5:36

an nebe hutdanuagaluk, at nen nabok pilinogo yokhisekhe lageikhe mekeat he, erlok dek negen. At he, an nopase nen, Nayabu ato 'bigidek tha'bokhogon hagatno, iluk nayoko 'bisikhemo hagakhe lagei iti baga anek he, akhuni nen, At ebe opase nen la'i ageikhemo, iluk nabok isinem inasuk holiluk nebe hutdanu hagat, hutdanusak o.

Yohanes 6:36

Meke re an nen wene alebat yokhisigi hagat, hinileken neekhe lagap mekeat he, hinetaiken noba hakotdusak hina'it o.

Yohanes 7:31

It aperek nen hakhauwogoluk hagakhe lagoukha mekeat he, it akhuni doalegat emenogo inebe hetlake doalegat inetaiken Yesus oba hakotdisukhasik men isukha, “Ap ithi elalin meke hagakhe re, erlok dek apegep? Nen, akhuni tilninabuagaluk Allah nen la'isigin isikhe etnogo witluk nen, ebe hutduagaluk elalin meke kogat hagasigin nogo? Dek o,” iluk isukha.

Yohanes 9:32

Nen, akhuni haganeat ebekeram erlo baga nen yogotak hurli, akhuni aperek inileken puk itaklatlukmo nen yabokane hano hagarinakhukha, iluk ninasuk holhorek motok dek o.

Yohanes 9:41

at Yesus nen he, men yogeisasikhe, “Hit hinileken puk dogolepma, hit weak iluk wene hinoba 'bilep dek o. Meke re, hit nen, Nit ninileken hano hekhe lago, iluk ekhe lagap iti nen Allah nen, Hit weak, iluk, wene hinoba 'bekhemo werek o,” iluk yogeisasikhe.

La'isasikhe 2:22

Meke re, hit akhuni Israel meke nagarlak lak nerugi. An nane igin yi holini. Yesus ai Nazaret meke etnogo Allah nen ayoko 'bisikhemo, ninom dogolik, wene hutduagaluk hagasusak dek meke Allah nen iki obatnerogon elalinat hagakhe lageikhe iti nen, ebe Yesus nenat hagakhe lageikhe. Halok he, Yesus Allah nen la'i ageikhemo, iluk thelekmaat hagatlageikhe iti hinilu.

Roma 1:30

thelekma igik, Allah ebe ina'it motok welageik, inayuk dek negen welageik, inekaerek nen hogorakhigik, inakeke 'bakhigik, weak meke aperek hagasuogoluk inekaerek inakla kagalhik, inagosa inopase inane holhidek hagakhik, hagakharek iti.

2 Timotius 3:4

inebe opakiat meke it aperek nen inasuagaluk yoko lageik, inobabut al hathokhogon hagakhik, inekaerek inalonetdakhalok hogorakhigik, Allah ebe inakmurakhidek, akhuni inakla arlekenhogon hagakharek iti mekeat warlok welageik,

Yakobus 4:4

Humi nen inaguni inil la'belharek iti hak, Allah il la'belogo hagakhe lagap iti re! Akhuni agat oba meke yoma inobabut inikhogat dogolik hagariogei meke iti hinom hunik welagap halok, Allah hinom wim palek hakeneat welagap iti, hinokodek a? Hit aperek nen akhuni agat oba meke yoma meke inobabut inikhogat dogolik hagariogei meke iti hinom hunesuogoluk hagakhe lagap halok he, hinekaerek nen at Allah hinom wim kagalhe lagap o.