Yohanes 15:22 - ALLAH ANE WENW KET MEKE WAROGO WOKNINAKHIKHE WENE

²² An wagagisik, wene tha'bokhogonat iti it yogeisigidek dogolema re, it weak iluk wene inoba 'biluk dogolep dek apigi o. Mekeat he, yogotak, wene yogeisa agei iti nen, it nen, An weak hagakhidek, iluk, wene inoba meke nokorlusak erlok degat aga o.

Yohanes 15:22 ပူးပေါင်းရင်းမြစ်များ

Lukas 12:46

Noe etnogo o itinem, jam iti baga wisigin, iluk motok okodek akhiragat werekma, oe kok etnogo 'bikhatluk nen, atuaneke etnogo karok oba ebe motok warogo nen, it akhuni aperek inetaiken Allah oba hakotdigidek meke 'bisekherekma etoma obolukmo la'igin o.

Yohanes 12:48

At he, at iti an nebe woknabu a'irat, nen nane hanorogon waganusak a'irat, iti nen, at iti wene oba 'bigin meke werek o. Wene oba 'bigin iti, o ilugun hurli baga karelinabigin iti nen, an nen wene yokhisekhe lagei iti bagaat wene oba asigin o, iluk itithogon yokhisekhe lagei iti,

Yohanes 15:23

At tha nen an motok a'iretdanhe halok, an nopaseat motok a'iretdekheat o.

Yohanes 15:24

It akhuni aperek nen hagakharek motok dek meke, yi wene ti wene inil oba hagakhe lagagi etnogo hagakhe dogole dekma re, It weak, iluk ile dek o. Itithogon mekeat he, an nen wene iti tha'bokhogonat hagakhunem inileken neasukhasik nen, an nopase nipisak ina'it motok hagatninabiogei o.

Yohanes 16:9

At witluk, Hit nen hinetaiken at Yesus oba hakotdigidek welagathep iti korlo, iluk thelekmarogo yogeisasigin o.

Yohanes 19:11

at Yesus nen he, men yogokhikhe, “At Allah nen, Hat nen wene akhuni inoba 'bigik, kokhik, hagakhe dogono, iluk hat iteerek 'bageilep dekma, hat nen wene noba 'banusak erlok degat o. Iti nen he, Hat weak hagakhen, iluk wene hoba herlekha'bugat negen werek mekeat, at ageikhe nen an nebe waganogo hat hiki baga 'bani aga meke iti anek he, weak hagakhe, iluk wene kok negen oba werek o,” iluk yogokhikhemo,

Yohanes 9:41

at Yesus nen he, men yogeisasikhe, “Hit hinileken puk dogolepma, hit weak iluk wene hinoba 'bilep dek o. Meke re, hit nen, Nit ninileken hano hekhe lago, iluk ekhe lagap iti nen Allah nen, Hit weak, iluk, wene hinoba 'bekhemo werek o,” iluk yogeisasikhe.

La'isasikhe 17:30

It alebat Allah ebe inokodek dogolik, inobabut weak hagakhe korlegat, at nen obakhanini hapugutdiluk here'isekhe lageikhe. Itithogon mekeat, yogotak yaat nen, Yi akhuni ti akhuni tha'bokhogonat o itinem initema waganogo wene inoba 'bigik, kokhik, mothogonat hagasuak, iluk ap ageikhe wenago 'biluk ayoko 'bekhemo werek iti nen, nit akhuni weak hagakhe lago meke here'isalok ninobabut hebelasuagaluk yoknisiliogo iti. Halok he, nit nen, Wene itithogon hagasigin iti, eberogonat, iluk nit tha'bokhogonat hutduagaluk, ap iti ebe watlageikhesikmo nen, opase nen apuke ilugutdisikhemo werek o,” iluk yogeisasikhe.

Roma 1:20

Allah ebe ninileken hogorek dek mekeat he, at nen pogot agat walhasikhemo inileken hekhe dogolik, at ebe walhasikhe mekeatma, obatne ikhok motok welagarek, iluk, obabut thekhekhogon hutdusak mekeat welageikharek iti. Welageikharek iti hasik, it nen, “Allah ninokodek dogolik weak hagakhorek,” iluk usak dek asigin o.

Roma 2:1

Iti halok he, hit nagarlak lak nerugi yi. Wene it aperek anek inoba 'bekhe dogolik, hit hinekaerek hinoba korasak erlok dek o. Itithogon wene it aperek inoba 'bekhe dogoligat, hit nen it hinom ipisak tak-tagat hagakhe lagap yoma re! Hinekaerek nen wene hinoba motok 'bakhekhe lagap o.

Yakobus 4:17

Hit hinakla nen he, “Mot hagasusak he, itithogon,” iluk hinilu dogoligat he, ebe hagakhidek halok he, hit weak hagatluk wene hinoba 'bakhekhe lagap o.

1 Petrus 2:16

Itithogon dogolik, hit nen, “Nit weak meke apma werekma, Allah nen herle hisalogo ninasokneat 'binanhikhemo welago,” iluk, weak ageikhe limago hagakhe dogogup. Hinobabut Allah atuaneke dogolik hagasusak meke mothogonat hagakhe dogono o.