Yohanes 15:20 - ALLAH ANE WENW KET MEKE WAROGO WOKNINAKHIKHE WENE

²⁰ Nen, ap kok ageikhe inapma negen werek korlek, at atuaneke meke kok negen welagarek dek o, iluk yokhisasigi etnogo hinakla ebetni o. It nen an weagatnakha halok he, hit itithogonat weagathinabugunat o. Nen, it nen an nane hologo hagakha halok, hit hinane hologo hagasugunat o.

Yohanes 15:20 ပူးပေါင်းရင်းမြစ်များ

Matius 10:24

It guru lak wene yakulisegarek meke thebekthek negen werek korlegat, it ina'buri yakulisegarek meke iti siakthek negen upu ya welageikharek motok dek o. Iti hagat, it ap koktek negen thebekthek werek korlek, inatuaneke meke iti re, siakthek negen welageikharek motok degat o.

Markus 10:39

it nen, “Erlok nausagat o,” iluk yogokhukhama, at nen men yogeisasikhe, “An yi aik ti aik hagatnabugun iti hak, hit itithogonat hagathinabugun o. Nen, ima usa'isegarek hak, an usa'anugun iti, hit itithogonat usa'inagagunat o.

Lukas 2:34

Nen, at Simeon etnogo nen, “Allah nen hanothinabuak o,” iluk, ane hanorogon yogeisalok, elege etnogo agosa Maria oba men yogokhikhe, “Allah nen he, elege yi baga, it ap Israel meke inebe doalegat, aperek usa'isigik, aperek meldisigik, hagasuagaluk meldisikhe o. At yi akhuni tha'bokhogonat hutduagaluk meldisikhe mekeat he, it akhuni tha'bokhogonat nen, Nina'it o, iluk iliogei etnogo,

Lukas 6:40

It guru lak wene yakulisegarek meke thebekthek negen werek korlegat, it ina'buri yakulisegarek meke iti siakthek negen upu ya welageikharek dek o. Itithogon meke re, tha nen wene arat yakuliluk hutukhogon ilu atluk halok he, opase yakulisekherek meke iti ipisak tak-tagat o.

Yohanes 10:31

it ap koktek Yahudi meke nen, helekit inikimo waganhukhasik, Yesus ebe motok wasuogoluk hagakhukha.

Yohanes 13:16

Wene ageikhe yi yokhisak, Ap kok ageikhe inapma negen werek korlek, at atuaneke meke kok negen welagarek dek o. Iti hak, ap yoko la'ekherek meke inapma negen werek korlegat, at yoko lagarek meke iti kok negen welagarek motok dek o, iluk eberogonat yokhisigi o.

Yohanes 5:16

Itithogon yogeisasikhemo, it akhuni Yahudi meke Allah hasik iniki 7 baga werlegat werek korlek, Yesus nen ap etnogo u hano hagakhikhe iti nen, at Yesus ebe weagatduogoluk hagakhukha,

Yohanes 7:32

Itithogon ekhe dogolik, it akhuni doalegat emenogo inane hok-hok Yesus abok isinem, it ap Farisi meke inasuk holhukhasik nen, it ap Allah iteerek inougi koktek inom nen, ap Allah ai halek therogo welageikharek meke aperek nen, Yesus ebe hakhoagaluk wene warisasukha.

Yohanes 8:51

Nen, tha nen an nane hologo hagakhe dogogin halok he, watlageidek iluk motok dogogin o, iluk eberogonat yokhisigi o,” iluk yogeisekhe lageikhemo,

Yohanes 8:52

it ap Yahudi meke emenogo nen, men yogokhukha, “Ap Abraham men, ap Allah ane yogeisekhe lagoukha meke emenogo men, arat watlarik lagoukha mekeat, hat nen ekhe dogolik, Tha nen an nane hologo hagakhe dogogin halok, watlageidek iluk motok dogogin o, iluk egen iti nen, mokat obabut weak meke eberogonat hakla ukekhesik werek, iluk, hutdagago o.

Yohanes 8:59

Itithogon yogeisekhe lageikhemo, it ap emenogo nen, at Yesus ebe helekit oba wasuogoluk inikimo waganhukha mekeat, Yesus ebe limak lageikhesik nen, o Allah ai halekma thogotdiluk werlekmake lageikhe.

La'isasikhe 14:22

Alep laga dogolik, akhuni Yesus ane yakulisilik lagoukhama waganhukha meke yabokane inoba haklarik dukhi aga dogolik, inetaiken ago warinakhik, inasuk wakhik, ilik dukhi aga dogolik, men yogeisasukha, “Wene eberogonat iluk hinetaiken Yesus oba hakotdisigip meke iti, hinobatnerogon hakotdiluk dogono. Nit yabokane Allah apma motok dogouogoluk ninoba yi aik ti aik hekhe dogoluk nenat ukugun o,” iluk yogeisilik dukhi agoukha.

1 Korintus 4:12

Itithogon nekhe dogolik, yi meke ti meke horlauwogoluk, yabu niniki baga nen, ninobatnerogon waganogo horlogorek. Akhuni nen homan 'binanhunem, nit nen inalonerinakhik, yi aik ti aik hagatninakhunem, ninobakhanini hapugutdiluk welageik,

2 Korintus 4:9

It akhuni aperek nen, weagatninabuogoluk hagariogei meke re, at Allah nen ninarligat here'inanhidek o. Tugi ninakhunem thogoumhogo laga lago meke re, ninebe motok watlaga lago dek o.

1 Tesalonika 2:15

It ap Yahudi meke nenat, it ap haganeat Allah ane yogeisekhe lagoukha meke inebe inakhik, ninoe Etagapogot Yesus ebe wakhik, hagakhukha hagat, nit yi aik ti aik hagatninabiogei iti, Allah nen hano iluk apekherek dek. Akhuni inom weak anek hagakhe dogolik,

2 Timotius 3:12

Nit Kristus Yesus ninom hunik dogolik, Allah hasik hanorogon hagakhe dogouogoluk ninakla apekhe lago meke ninebe tomok tha'bokhogonat yi aik ti aik hagatninakhe dogogunat o.