Yohanes 15:19 - ALLAH ANE WENW KET MEKE WAROGO WOKNINAKHIKHE WENE

¹⁹ Hit hinebe akhuni agat oba meke dogolepma re, it akhuni agat oba meke nen he, It nit ninagarumi, iluk inetaiken hunik hagathinabilep mekeat he, hit hinebe it akhuni agat oba meke werekma wenakhinakhigisik nen wokhinakhigisikmo hinebe it meke welagap 'buk. Iti nen, ina'it motok hagathinabiogei o.

Yohanes 15:19 ပူးပေါင်းရင်းမြစ်များ

Matius 10:22

Nen, akhuni tha'bokhogonat nen an netaga ilik, Hit at agarumi, iluk ina'it motok hisagun o. Mekeat he, tha nen etaiken thebekhogon obakhanini hapugutdiluk dogogin halok he, o ilugun hurli baga, Allah nen tiligin o.

Matius 24:9

Itinem he, it akhuni inukuloak etaga tomok nen, an netaga ilik, Hit he, at agarumi, iluk hinebe ina'it motok hagathinakhik hinebe hakhinabiluk, it aperek nen tugi hinakhik, hinebe motok hinakhik, hagasuagaluk inoba wokhisik laga dogogun o.

Lukas 6:32

Nen, it ap inakmuthinakharek meke anek hit nen hinakmurinakhep halok he, Hano, iluk yokhisagun a? It akhuni weak hagakharek meke nen itithogon inakmurinakharek meke, it nen meneke, inakmurinakharegat.

Yohanes 13:18

An nen wene iti hit hinebe tha'bokhogonat hasik yokhisigi 'buk. Dek o. Hit yi an nenat hinebe wenakhinakhigi meke nilu mekeat he, wene iti hasik Allah ane baga men iluk holal waganogo 'bisukha, Ap ageikhe hipiri nipisak opakimo neke lago meke yi nen weagatnabigiluk melaga o, iluk isikhemo holal waganek werek iti sugun asigin dek o. Ebeat asigin o.

Yohanes 15:16

Hit nen an wenaknakhigip 'buk. Dek o. An nen hit wenakhinakhigi iti, o eken ikherek iti hak, motok dogogin meke hagasi lobageik nen iluk, hinebe wenakhinakhigisik meldinagagi. Iti baga, nena meke, hit warlok meke an netaga palogo nopase kino yogosugun halok he, at nen wokhisageinat o.

Yohanes 6:70

at Yesus nen men yogeisasikhe, “An nen hit hinebe 12 oba yi wenakhinakhigi dek nogo? An nenat wenakhinakhigi mekeat, hat opakiat ageikhe Iblis mekeat welagan o,” iluk yogeisasikhe.

Yakobus 4:4

Humi nen inaguni inil la'belharek iti hak, Allah il la'belogo hagakhe lagap iti re! Akhuni agat oba meke yoma inobabut inikhogat dogolik hagariogei meke iti hinom hunik welagap halok, Allah hinom wim palek hakeneat welagap iti, hinokodek a? Hit aperek nen akhuni agat oba meke yoma meke inobabut inikhogat dogolik hagariogei meke iti hinom hunesuogoluk hagakhe lagap halok he, hinekaerek nen at Allah hinom wim kagalhe lagap o.

1 Petrus 4:3

Hit alebat hinobabut it akhuni Allah ane inokodek meke nen inakla apalok hagakharek iti hak, hiniki doalegat arat hagakhe dogolik, weak hinekarli degat hagakhik, hinetaiken nen nukunem param hagarinakhik, eken apusu 'bit hakene doalegat nalok hunu-hunu palhik, pesta weak hagakharek meke nalok yugunat-yaganat hagakhik, apusu weak meke iti nikik, kaneke akla korlo asunogo iluk, hogorasusak dek meke hogorakhik, hagakhe lagagip iti.

1 Yohanes 3:12

Nit nen he, at Kain ebe Iblis obabut weak meke iti a'but ageikhesik ekaerek agot meke wakhikhe iti hagat, hagasusak dek o. At nen agot wakhikhe iti, nenaluk wakhikhe. At hagakhe lageikhe meke korlo motok nen, agot hagakhe lageikhe meke mot motok, iti nenat wakhikhe o.

A'bikaka 12:17

Itithogon usa'isinem, warlo etnogo akla aga he etnogo oba 'biluk, akhuni he etnogo nen itago meke ebetlake Allah nen wene ninasuk wakhikhe wene hologo mothogon hagakhik, Yesus nen hagakhikhe wene pakhogon yogeisigik, hagakharek meke inasigiluk inawim ka'beldekhesik,