Yohanes 15:16 - ALLAH ANE WENW KET MEKE WAROGO WOKNINAKHIKHE WENE

¹⁶ Hit nen an wenaknakhigip 'buk. Dek o. An nen hit wenakhinakhigi iti, o eken ikherek iti hak, motok dogogin meke hagasi lobageik nen iluk, hinebe wenakhinakhigisik meldinagagi. Iti baga, nena meke, hit warlok meke an netaga palogo nopase kino yogosugun halok he, at nen wokhisageinat o.

Yohanes 15:16 ပူးပေါင်းရင်းမြစ်များ

Matius 21:22

Nen, hit yi meke ti meke Allah kino yogokhe dogolik, hinetaiken at oba hakotdegep halok he, wokhisageinat o,” iluk yogeisasikhe.

Matius 7:7

Itithogon yogeisasikhesik ageikhe men yogeisasikhe, “It akhuni inebe tomok nen Allah kino yogokhunem, at nen inebe tomok wogeisekherek anek iti. Nen, it aperek inebe tomok nen yi meke ti meke at oba herakhunem inebe tomok herakhegarek anek iti. Nen, it aperek inebe tomok nen thu puputhasinem, at nen inebe tomok thu hualisekherek anek iti. Iti nen he, hit Allah kino yogokhe dogono. Yogokhe dogoumo, wokhisageinat o. Hano meke at oba herakhe dogono. Herakhe dogoumo herasugunat o. Nen, thu puputhekhe dogono. Puputhekhe dogoumo, at nen thu hualhisageinat o.

Lukas 6:13

O wi ageikhemo nen, at agarumi ane waganhe lagoukha meke emenogo waisasikhemo wagoukhama nen, it meke inebe 12 wenago 'bisasikhesik nen, “Hinebe la'inagagin,” iluk meldisasikhe.

Yohanes 13:18

An nen wene iti hit hinebe tha'bokhogonat hasik yokhisigi 'buk. Dek o. Hit yi an nenat hinebe wenakhinakhigi meke nilu mekeat he, wene iti hasik Allah ane baga men iluk holal waganogo 'bisukha, Ap ageikhe hipiri nipisak opakimo neke lago meke yi nen weagatnabigiluk melaga o, iluk isikhemo holal waganek werek iti sugun asigin dek o. Ebeat asigin o.

Yohanes 15:19

Hit hinebe akhuni agat oba meke dogolepma re, it akhuni agat oba meke nen he, It nit ninagarumi, iluk inetaiken hunik hagathinabilep mekeat he, hit hinebe it akhuni agat oba meke werekma wenakhinakhigisik nen wokhinakhigisikmo hinebe it meke welagap 'buk. Iti nen, ina'it motok hagathinabiogei o.

Yohanes 15:5

O ebe anat o. Nen, nikilo'bak hirat o. Hit an ninom hunik dek, we dekekthek dogolik, yi meke ti meke ageikhe hagasusak motok erlok dek iti nen, at tha nen an nipisak hunik, nen, an at nipisak hunik, dogogun halok he, at iti eken doalegat isu hak, hano meke kokhogon hagasigin o.

Yohanes 6:70

at Yesus nen men yogeisasikhe, “An nen hit hinebe 12 oba yi wenakhinakhigi dek nogo? An nenat wenakhinakhigi mekeat, hat opakiat ageikhe Iblis mekeat welagan o,” iluk yogeisasikhe.

La'isasikhe 1:24

Inetaga isukhasik, Allah ayoko 'bekhe dogolik, “Ninopase. Yudas hat hane yogeisilik nekhe dogoagaluk ayoko 'bisigin mekeat he, at nen thogotdiluk watlasusak tak-tagat watlagama, obolukmo ap inebe pere yi, hat nen ap ki hak ayoko 'begen. Hat akhuni inebe tha'bokhogonat inetaiken hilu iti. Halok he, Ap ebe yi ayoko 'bigi, iluk, hat nen yakulnisan o,” iluk yogokhukha.

La'isasikhe 1:8

Itithogon mekeat he, Allah Agoreke hinoba usa'aga halok, hinobatne asigin. Hinobatne atluk nen, o kota Yerusalem nen, o propinsi Yudea nen, o Samaria nen, hurli o yi ai ti ai o ilugun ilugun elomaat laga dogolik, an yi meke ti meke hagarik nukhunem hinileken neegep meke etnogo, an nobasik yogeisilik laga dogono o,” iluk yogeisasikhe.

La'isasikhe 10:41

Itithogon winametdisikhe mekeat he akhuni tha'bokhogonat inileken higidek. Alebat at Allah nen, It inebe etaat inileken hoak o, iluk wenakninakhikhe meke anek, at Yesus ebe warek werekma Allah nen ilugutdisikhemo, nit at ebe ninom dogolik hipiri men, i men, ninomat nasugu.

La'isasikhe 22:14

Hasinem, at nen, At Allah ninopa lak nen ebe hogorakhe lagoukha meke etnogo nen, at akla apekherek meke hilu ageik, at a'but obabut mot meke Yesus iti hileken higik, at ane ape baga nen isinem hasuk holhik, hagatnok nen iluk, hebe wenakhekhesik hayoko 'bekhe iti.

La'isasikhe 9:15

Itithogon yogokhikhe mekeat he, ninoe Etagapogot nen, “Lan o. At nen akhuni itikmanke meke men, inougi inetagapogot meke men, akhuni Israel meke men, an netaga yogeisilik nekhe dogoagaluk, an nen ap iti ebe wenago ayoko 'bigima o.

Roma 1:13

Nagarlak lak nerugi. An nen, akhuni itikmanke meke aperek o yi ai ti ai eloma wene yogeisekhe lagagimo waganhukha hak, hit meneke, itithogonat waganubageik iluk niki doalegat oba hinoba wisigiluk apekhe lagei mekeat he, nagolak palek nen huk aga lagei iti hinilu asubageik nen iluk yokhisigi o.

Roma 1:5

At watlageikhesikmo nen Allah Agoreke nen ilugutdisikhe iti baga, an nen yi akhuni ti akhuni inukuloak etaga tomok inetaiken at Yesus oba hakotdiluk ane hologo hagakhe dogosak meke yakulisugunem, at etaga kok asuagaluk Allah obabut hano nen nayoko 'biluk la'ani ageikhe o.

Roma 15:4

Allah ane holal waganek iti baga, ninobakhanini hapugutdiluk welageik, ninakla hano ageik, hagakhorek iti nen, “Hano asigin,” iluk Allah oba eberek dogoagaluk, nirat ninasuk warogo Allah ane baga haganeat holal waganogo 'bisukha iti.

Roma 9:21

Agat ka'bok iti opakiat mekeat he, at hagakhe werek iti iteeregatma, ageikhe hanorogo hagarogo 'bigik, ageikhe yugunat hagarogo 'bigik, hagasusak dek nogo? Hagasusagat o.

1 Korintus 10:11

It itithogon hagarinakhikhemo inoba hagatlageikhe iti tha'bokhogonat nen, it akhuni aperek hutdekhe dogoagalugat hagatlageikhe. Itithogon hagarinakhikhe iluk holal waganogo 'bisukha iti, nit yogotak o ilugun hurli baga asi ago meke yi, ninasuk warekhe dogoagalugat holal waganogo 'bisukha.

Galatia 1:15

Itithogon mekeat he, at Allah obabut hano etnogo nen haganeat nagosa akla nen aban itaknakhidek werek korlegat, nebe wenaknakhikhe.

Efesus 2:10

At nenat hano hagarogo 'binanhikhemo welago. Iti nit Kristus ninom hunik dogolik, yi meke ti meke hanorogon hagakhe dogoagaluk, ninobabut ket ninat winametdinanhikhe iti, ebe Kristus Yesus oba nenat winametdinanhikhemo welago.

Kolose 1:23

Halok he, hano wene hinasuk holhigisip hinakla nen, “Yabokane hano asigin,” iluk, apasigip meke iti, hinetaiken aborlok iluk kolelogo here'igidek hinobatnerogonat hago dogono. Hano wene iti, at nen yi ai ti ai akhuni inebe tha'bokhogonat yogeisasikhe wene iti yogeisilik nekhe dogoagaluk, an Paulus nayoko 'bisikhe iti.

1 Timotius 2:7

Itithogon apekherek iti nen, at nen he, “Hat nen ebe wene iti akhuni itikmanke meke nen eberogonat iluk inakla apalok waganuagaluk, yakulisilik nekhe dogono,” iluk, an nayoko 'biluk la'ani ageikhemo, yogeisilik nekherek iti o. Itithogon igi iti eberogonat igi. Nekalat igi dek o.

2 Timotius 1:11

Itithogon hagakhikhesik nen,an hano wene itiat yogeisigik, yakulisigik, yogeisilik nekhe dogoagaluk nayoko 'biluk la'ani ageikhemo nekhe lagei iti o.

2 Timotius 2:2

An nen wene akhuni doalegat inil oba yakulhikhigimo waganhigin meke etnogo, hat nen it akhuni aperek inobabut hupunhek meke nen it aperek yakulisekhe dogoagaluk, inoba 'bin o.

Titus 1:5

An nen hat o Kreta etoma 'bageiluk, wisigiluk hagakhe dogolik, wene itithogon hagakhe dogosak iluk, hoba 'bisigi iti o, “Yi meke ti meke aban morerakhidek meke, moretdigik, o yi ukul ti ukul etoma akhuni Allah a'buri aperek therisik dogoagaluk inougi tomok meldisigik, hagakhe dogono,” iluk, yokhitluk wagagi iti o.

Ibrani 11:4

At ap etaga Kain nen, motok erlok dek meke Allah wogokhikhe mekeat he, at Habel iti anek he, etaiken Allah oba hakotdiluk hano meke Allah wogokhikhemo, at Allah nen, “Habel anek, obabut mot hano higi,” iluk isikhe. Itthogon isikhesikmo nen, at Habel ebe watlageikhe mekeat he, etaiken Allah oba hakotdiluk dogolik hagakhikhe iti baga, at nen, “An itithogon hagakhi,” iluk yoknisekho negen motok werek o.

Yakobus 3:18

O hano meke ai yakhunem, eken hano ikherek iti hak, akhuni inobabut hanorogo dogolik, it akhuni aperek inom hanorogon dogoagaluk dapulinakhunem inobabut mothogon hano hagakharek iti.

1 Petrus 3:15

Hit nen Kristus hinayukhogon hogorakhe dogolik, “Ninoe Etagapogot at o,” iluk hinetaiken oba nen hogorakhe dogono. Hogorakhunem, it aperek nen hinok hinoba waganhe dogolik, “Hano asigin, iluk oba eberek welagap iti nenaluk,” iluk yokhisugunem nen, oko wene hutukhogon yogeisagun meke hinakla eberek motok dogolik,

1 Yohanes 4:10

It aperek inakmurinakharek iti ebe re, nit nen Allah ninakmurakhugu 'buk. Dek o. At Allah nen nit akmutninakhikhesik, at nen nit weak hagakhorek meke thagalogo degetdisalok hotninabuagaluk, a'but ninoba usa'i ageikhe iti o.

1 Yohanes 4:19

Ebekeram Allah nen tak akmutninakhikhesikmo re, nit meneke, nit-nit nakmu-hakmurogon dogouok o.