Yohanes 15:1 - ALLAH ANE WENW KET MEKE WAROGO WOKNINAKHIKHE WENE

¹ At Yesus nen wene itithogon yogeisasikhesik nen, yabokane wene ageikhe men yogeisasikhe, “O anggur erlo an nebeat o. Nen, ebe iteerek ebeat meke an nopaseat o.

Yohanes 15:1 ပူးပေါင်းရင်းမြစ်များ

Matius 15:13

Itithogon yogokhukhama at Yesus nen, “Yi oka ti oka an nopase pogot oba meke nen ai yakhidek meke halok he, motok henogo la'isageinat o.

Matius 20:1

At Yesus nen yabokane men yogeisasikhe, “Nopase kok pogot oba meke nen apma 'bisekherekma etoma ipisak tak-tak men hakene. Ap yabu iteerek meke ageikhe yabu anggur yabumo wagunuagaluk ap herageinabik hubenat yoko dukhisikhe.

Matius 21:33

At Yesus nen wene itithogon oba lisogon arat yogeisasikhesik, “Yabokane wene ageikhe yi oba lisogon yokhisak. Ap ageikhe aagat iteerek meke nen wen waganekma anggur ai ya'isikhesik nen, leget halhik, eken thagalogo apusu kelelhe dogogun oba agat hulelhik, inileken dogogun oba kayo perlakhik, hagakhikhesik nen ap aperek elanma hasik it inaen therogo dogoagaluk 'bisalok o werlekma etoma lageikhe.

Markus 12:1

At Yesus nen wene itithogon yogeisasikhesik yabokane wene ageikhe oba lisogon men yogeisasikhe, “Ap ageikhe ayabumo anggur ai yakhikhe. Yakhikhesik leget halhik, eken thagalogo apusu kelelhe dogogun oba agat hulelhik, inileken dogogunmo kayo perlakhik, hagakhikhe. Hagakhikhesik it ap aperek elanma hasik it inaen negen dogoagaluk 'bisalok ebe o werlekma etoma lageikhe.

Lukas 13:6

Itithogon yogeisasikhesik nen, wene ageikhe oba lisogon men yogeisasikhe, “Ap ageikhe ayabumo o ara ai yago welageikhe. Ai yago werekma, Eken ikhemo a? Dek a, iluk ileken 'bikha lageikhe meke re, ebe ikhidekma.

Yohanes 1:17

Wene Allah nen ninasuk wakhikhe wene etnogo yakulnisoagaluk, alebat Musa la'i ageikhemo, yakulnisasikhe meke re, Allah obabut hano nen hanotninakhik, ebe wene yakulnisigik, hagasuagaluk, Yesus Kristus la'i ageikhemo yakulnisa ageikhe iti o.

Yohanes 1:9

At lia ebe meke iti, agat oba yoma waga dogolik, nit akhuni tha'bokhogonat ninebe dopok liatninabi ageikhe.

Yohanes 15:2

O ikilo'bak ebe tomok, an noba hunik dogolik eken ikhidek halok, 'bogokhogon la'igin mekeat he, ikilo'bak ebe tomok eken ikhe halok, aperek inom doalegat ikhe dogoagaluk oboseka palogo yorla yebeligin o.

Yohanes 6:32

Itithogon yogokhukhama, at Yesus nen, men yogeisasikhe, “An nen wene eberogonat meke ageikhe yokhisak. Hipiri pogot oba nen usakhisa aga lageikhe iti re, at Musa nen 'buk. Dek o. At he, hipiri ebe meke iti, nopase nen an nebe akhuni agat oba meke inilugurinakherek meke pogot oba nen usa'agagi itiat wokhisekherek o,” iluk yogeisasikhe.

Yohanes 6:55

An nebe inom, namep inom, iti re, hinapiri hinagei ebe mekeat o.

Roma 11:17

O zaitun erlo hano meke werekma, ikilo'bak aperek palogo la'isalok nen, obolukmo o zaitun okama meke ikilo'bak palogo hunisisumo, erlo hunik dogolik apusu werek dogou hakene, hit iti, hinebe itikmanke meke Allah nen it Yahudi meke emenogo inoba hunogo 'binageikhemo hano welagap o.

1 Korintus 3:9

Hit hinebe iti Allah ayabu hak werekma, nit nipisak nen Allah ayabu wo'isekhe lago. Ageikhe hinebe Allah ai halek hak werekma, nipisak nen Allah ai halogo 'bisekhe lago.

1 Yohanes 2:8

Itithogon mekeat he, o mum werekma lia arik lagarek iti hak, lia ebeat meke yaknisa ageikhemo yariogo iti nen he, wene ket wene hinasuk warogo hinoba la'i agei iti o. At Kristus nen wene iti mothogon hagakhunem ebeat ageikhe iti hak, hit meneke itithogonat, wene iti mothogon hagakhunem ebeat ariogo iti.