Yohanes 14:6 - ALLAH ANE WENW KET MEKE WAROGO WOKNINAKHIKHE WENE

⁶ at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 14:6 ပူးပေါင်းရင်းမြစ်များ

Matius 11:27

Itithogon yogokhikhesik, it akhuni emenogo men yogeisasikhe, “An nopase nen yi meke ti meke tha'bokhogonat iteerek dogoagaluk woknikhikhe. Nen, an Allah a'but yi, akhuni tha'bokhogonat motok inokodek mekeat he, nopase Allah arligat anek ilu welagarek. Iti hagat, an nopase Allah iti akhuni tha'bokhogonat motok inokodek mekeat he, a'but an narligat anek nilu welagarek o. Nen, Allah a'but an nenat nakla apalok nen nopase ebe akhuni aperek inilu asuagaluk pakhogon yogeisegerek meke itiat inilu ageikharek.

Yohanes 1:14

Ebe Wene etnogo abat ageikhesik ninomat welagagu. Ninomat dogolik, at ebe iti Allah a'but irlagapi itago etnogo, hogorakharek meke ninileken hasugu o. At obabut hano nen, hanorogo hagatninakhik, wene ebe wene yoknisigik, hagakho motok werekma ninileken hasugu.

Yohanes 1:17

Wene Allah nen ninasuk wakhikhe wene etnogo yakulnisoagaluk, alebat Musa la'i ageikhemo, yakulnisasikhe meke re, Allah obabut hano nen hanotninakhik, ebe wene yakulnisigik, hagasuagaluk, Yesus Kristus la'i ageikhemo yakulnisa ageikhe iti o.

Yohanes 1:4

Ninilugutninakherek meke erlo arat welagarek iti nen, nit akhuni liatninabi ageikhe.

Yohanes 10:28

Noporlik nekhe korlek, it iniluk motok dogoagaluk inilugurinakhe dogogin iti nen, it inebe watlatluk nuk asugun dek o. It an niki baga werek korlek, it ap aperek nen tilogo woginabusak erlok dek o.

Yohanes 10:7

Itithogon hutdigidek werek korlek, yabokane at Yesus nen, men yogeisasikhe, “Wene eberogonat ageikhe yokhisak o. Domba iti inaholagape palekma, an nebeat o.

Yohanes 10:9

Holagape palek, an nebeat o. Tha nen an nebe baga ukekhe halok, irlirli horlageinmo motok hano dogolik, dukhigik-ukigik hagakhe dogolik, oka hano meke anek neke dogogin o.

Yohanes 14:19

Niniki herlekha'bugat dogoluk nen, akhuni agat oba meke inileken neagun motok dek mekeat he, hit anek he, an nilugat dogogin, nen hit yabokane hinilugat dogogun iti nen, hinileken neagun o.

Yohanes 15:1

At Yesus nen wene itithogon yogeisasikhesik nen, yabokane wene ageikhe men yogeisasikhe, “O anggur erlo an nebeat o. Nen, ebe iteerek ebeat meke an nopaseat o.

Yohanes 18:37

at Pilatus nen, “Halok he, hat eberogonat kok hetagapogorat a?” iluk ekhe lageikhemo, at Yesus nen, men yogokhikhe, “An nebe kok netagapogot hat egen itiat o. Iti hasigat an nen ebe wene abok pakhogon yogeisekhe dogeigiluk nebe agat oba yoma itaklasi usa'agagi o. Akhuni wene ebe wene iti werekmake asi lageikha meke inebe dopok an nane inasuk holiogei o,” iluk yogokhe lageikhemo,

Yohanes 5:21

Nen, an nopase nen akhuni warek meke inilugurinakherek iti hak, a'but an nen itithogonat inilugurinabigin, iluk nakla apegerek meke inebe tomok inilugurinakherek.

Yohanes 6:51

Hipiri inilugurinakherek meke pogot oba nen usa'ageikhe iti re, an nebeat o. Hipiri an nen wogeisagein meke iti, tha nen nasi halok, at ebe iluk motok dogogin o. Akhuni agat oba meke iniluk dogoagaluk an nebe it inobasik watlasigin iti, an nebeat wogeisagein o,” iluk yogeisasikhe.

Yohanes 6:57

An nopase iluk motok welagarek meke nen la'ani ageikhemo wagagi etnogo, at iluk welagarek iti nen an niluk welagarek hak, tha nen, an nebe neke halok, an niluk welagarek iti nen, at ilugat dogogin o.

Yohanes 6:68

Itithogon yogeisekhe lageikhemo, at Simon Petrus etnogo nen, men yogokhikhe, “Eiye. Noe. Ninebe niniluk motok dogosak hasik meke wene re, hat nen yoknisekhe lagan ha yoma re. Hat here'agaluk ap tha baga lausak apegen. Dek o.

Yohanes 8:32

wene ebe wene hinilu asigin o. Hinilu asumo, wene ebe wene iti bagaat hinebe herle hisalogo hinasokneat 'binagagin o,” iluk yogeisekhe lageikhemo,

Yohanes 8:51

Nen, tha nen an nane hologo hagakhe dogogin halok he, watlageidek iluk motok dogogin o, iluk eberogonat yokhisigi o,” iluk yogeisekhe lageikhemo,

La'isasikhe 3:15

Ninilugutninakherek meke erlo ebe at mekeat he, hit nen wakhepma Allah nen, ebe warek meke ilugutdekhemo, nit ninileken eberogonat hogosik nen yokhisekhe lago.

La'isasikhe 4:12

At Allah nen, nit akhuni agat oba yoma meke at ageikhe nen tilninabuagaluk etaga yakulnisigidek iti nen, ap werlek meke nen tilninabusak erlok dek o. At Yesus nen tilninabuagaluk, at arligat etaga yakulnisasikhe iti,” iluk yogeisasikhe.

La'isasikhe 9:2

“Noe. An o Damsyik dageiluk nen, it akhuni aperek Yesus ane waganhe dogolik oporlik liliogei meke aperek werek halok, humi dek, ap dek, heageinabiluk nen, iniki herle warogo wogosik Yerusalem yoma 'bisasik nen, it akhuni Yahudi meke o kota Damsyik etoma o sembayan egarekma tomok natogorliogei meke inobasik surat ageikhe waganogo woknom o,” iluk yogokhikhe.

Roma 15:16

An nebe at Kristus Yesus apma dogolik akhuni itikmanke meke woginabuagaluk nayoko 'bisikhemo, at Allah akla hanorogo Agoreke iti baga it inebe Allah hasik 'bisagaluk, at ane hano wene iti yogeisilik nekhe lagei o.

Roma 5:2

Nit ninetaiken Yesus oba hakotdisugu iti bagaat, at nen Allah obabut hano nen hanotninakherek iti apma 'binanhikhemo iti baga hakotdiluk welago. Dogolik, Allah hogorakho motok welageikharek iti hak, nit itithogonat hogotninabigin o, iluk ninakla arleken akhekhe lago.

Roma 5:21

Weak hagakharethek watlageikharek iti baga, weak hagakharek meke obatne ageikhe iti hak, ninoe Etagapogot nen wene ninoba meke korogo wokhalok, Allah ninom hunogo 'binanhikhe iti baga, Allah obabut hano nen akmutninakherek meke iti obatne ageikhemo, niniluk motok dogogun iti.

1 Korintus 15:45

Wene itithogon iluk, Allah ane holal waganhe dogolik, “Ap Adam alebageik meke iti, ebe iluk meke winametdisikhe,” iluk holal waganogo 'bisukha. Mekeat he ap Adam yabokane meke iti, Agoreke nen inilugurinakherek meke wageikhe.

Kolose 2:17

Akhuni inebe aban waga korlek inamukhak tak inelokhoma wagarek hak, Kristus ebe aban wageidek werek korlek, wisigin iluk wene tha'bokhogonat iti meke tak hagakhe lagoukha. Meke re, ebe re, Kristus at o.

Kolose 2:9

Meke re, Allah ebe abisake motogat Kristus akla werekma akhuniat itaklasi ageikhesik welageikhe iti.

Kolose 3:4

Ebekho werekma, at Kristus ninebe yabokane niniluk motok dogoagaluk hagatninakherek meke etnogo thelegat wagunem, hit at hinomat thelekma atlukmo hogothinabugun iti o.

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

Ibrani 9:8

Itithogon hagakhe dogosak iluk wene inasuk warek welageikhe iti oba lisogon, nit hutukhogon hutduagaluk Allah Agoreke nen, men yakulnisekherek, “O kakok thukhamke iti werek korlek, Allah ekaerek ai ebe meke thu hualhidek larek welageikhe,” iluk yakulnisiliogo.

1 Petrus 1:21

Ebe watlageikhesikmo Allah nen ilugutdiluk hogorakhe dogoagaluk meldisikhemo, hinetaiken Allah oba hakotdiluk, “Yabokane at nen hanotninabigin,” iluk oba eberek welagap iti.

1 Petrus 2:4

At ebe helekit hakene iluk welagarek meke iluk he, oba wetno. Akhuni nen, “Helekit iti weak,” iluk here'isasukha mekeat he, Allah nen, “Helekit yi motok hano mekeat,” iluk wenago 'bisikhe.

1 Petrus 3:18

Nit akhuni weak hagakhorek iti hasik niniki ilugun oba, at Kristus yabokane watlageidek dogeigiluk opaki hasigat watlageikhe. Ninebe Allah oba woknisik lagaluk, at obabut mothogon hagakherek meke nen, nit ninobabut korlo hagakhorek meke hasik watlageikhe iti. Ebe nit akhuni meke iti wakhukhama watlageikhe mekeat he, agoreke meke iti Allah nen ilugutdisikhe iti.

1 Yohanes 1:8

Itithogonat meke re, nit nen ekhe dogolik, “Nit weak ageikhe hagakhidek,” iluk ekhe lago halok he, ninekalat ninekaerek nukhetdakhekhe lago iti nen, ebe wene ninakla motok dek o.

1 Yohanes 2:23

Tha nen, “Allah a'but iti, ebe na'it,” iluk kolelogo la'ekhe halok, opase Allah ebe waganhidegat o. Nen, tha nen, “Allah a'but ebe itiat o,” iluk ane pakhogon ekhe halok, opase allah ebe waganheat o.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

1 Yohanes 5:6

At Yesus Kristus agat oba usa'ageikhesik werekma ima anek usakhukha 'buk. Ima usa'igik, amep ulabogo wakhik, hagakhukha. Itithogon hagakhukha iluk, at Allah Agoreke wene eberogonat anek yoknisekherek meke etnogo nen pakhogon yoknisekho welagarek o.

2 Yohanes 1:9

Tha nen wene Kristus nen yakulnisasikhe wene iti baga dukhogon hagakho welageidek, ninat meke hagakherek halok he, Allah ebe iteerek ageidek werek o. Itithogon mekeat he, tha nen wene Kristus nen yakulnisasikhe wene iti baga dukhogon hagakho dogogin halok he, ninopase Allah inom, a'but Yesus inom, ipisak iteerek agasik werek o.

A'bikaka 19:11

Wene itithogon yoknekhesik oba nen yabokane, pogot kagoukhogon hagatlagunem kuda isi kut meke ap ageikhe etaga, “Hupukhogon Hagakherek,” igik, “Eberogonat Ekherek,” igik, egarek meke, kuda iti apot oba yasukhogon dogolik, wim mothogon anek yakhik, ukum mothogon inoba 'bigik, kokhik, hagarik lagunem lakhigi o.

A'bikaka 22:1

Itithogon yakulnekhemo higirik oba nen yabokane, Allah inom, Domba Eak inom, ipisak kok motok welageikharekma inobolukmo nen, i inilugurinakherek meke elokhoken mirliak hano inamukhak hakene meke elesi hunalogo dukhitluk nen,

A'bikaka 22:17

Itithogon yoknekhesikmo nen, yabokane, men yoknekhe, “Tha nen i abu nen nausak warlok halok he, i inilugurinakherek meke okorlek werlegat horlalok noagaluk, Allah Agoreke inom, Domba Eak age negen waganhe meke etnogo inom, ipisak nen ekhe dogolik, Naetni o, iluk yogeisugunem, it aperek inebe tomok it ipisak inane inasuk holiogei meke nen, Naetni o, iluk ekhe dogosagat o,” iluk isinem holhi.

A'bikaka 3:14

Itithogon yoknekhesik nen, yabokane ageikhe yoknekhe dogolik, “Erloma yi meke ti meke erlo anat werekma, Allah nen walhasikhe meke iti, at abok nobabut hupukhogon eberogonat anek pakhogon egerek meke, netaga ebeat asuak u hak, Amin etnogo nen wene yi yokhesik, At malaikat Allah a'buri o Laodikia natogokharek meke therisik welagarek meke etnogo wene an nen yogosigin meke yi, hat holal waganogo oba la'in o.

A'bikaka 3:7

Itithogon yoknekhesik ne, yabokane ageikhe yoknekhe dogolik, “An weak hagakhidek nobabut karelogo dogolik, nane eberogonat anek egerek meke nen thu kunci Daud meke wolok thu hualhi halok, akhuni aperek nen lasusak erlok dek o. Nen, thu ladigi halok, akhuni aperek nen hualusak erlok degat meke etnogo nen wene yi yokhesik, At malaikat Allah a'buri o Filadelfia natogokharek meke therisik welagarek meke etnogo wene an nen yogosigin meke yi, hat holal waganogo oba la'in o,