Yohanes 14:20 - ALLAH ANE WENW KET MEKE WAROGO WOKNINAKHIKHE WENE

²⁰ Itithogon hinileken neagun itinem, an nopase nipisak hunik welago, nen, hit an ninom hunik, nen an hit ninom hunik welago meke iti, hinilu asigin o.

Yohanes 14:20 ပူးပေါင်းရင်းမြစ်များ

Yohanes 10:38

Meke re, an nen hagakhe korlegat, hit eberogonat iluk hinetaiken an noba hakotdusak hina'it iti o. Itithogon hagakhethep iti an nen nopase nipisak hunik, nen, at nen an nipisak hunik, welagorek iti, hinilu atluk nen eberogonat iluk hutdubageik nen, an hagakhe lagei meke iti eberogonat iluk hutdini o!” iluk yogeisekhe lageikhemo,

Yohanes 14:10

An nen nopase nipisak hunik, nen, nopase nen an nipisak hunik, welagorek iti, hat hutdekhe lagan dek a?” iluk yogokhikhesik it tha'bokhogonat yogeisekhe dogolik, “An nen wene yokhisegerek iti, an nakla nen kagalogo yokhisegerek 'buk. Dek o. An nopase nipisak hunik dogolik, an nane baga nen igik, niki baga nen hagakhik, hagakherek meke iti, at ekaerek nenat hagariogo o.

Yohanes 14:11

An nenat nopase nipisak hunik, nen, nopase nen an nipisak hunik, welagorek igi iti, eberogonat iluk, hit nen hutdini o. Iti hutdusak erlok dek halok he, an hagakhe lagei meke iti hinileken halok, hutdanini o.

Yohanes 16:23

Hurli iti hurli arat asi lalok nen, hit nen wene ageikhe an noba hinok wokneagun motok dek o. Halok he, an nen wene ageikhe yokhisak, Hit nen yi meke ti meke an netaga palogo nopase kino yogosugun halok he, at nen wokhisageinat o, iluk eberogonat yokhisigi.

Yohanes 16:26

Hit nen, Yesus ebe Allah werekma nen wageikhe meke, iluk, hutdanhe dogolik, hinakmutdanhigip iti nen, nopase nen hit akmuthinakheregat o. Hit hinobasik an nen nopase kino yogosigin iluk yokhisekhe lagei dek o. O itinem he, hit hinekaerek nen an netaga palogo nopase kino yogosugun o.

Yohanes 17:11

Yogotak an nen, agat oba yoma erapik dogogin dek o. Hat 'bikheasigin mekeat he, it anek, agat oba yoma dogogun o. Hat weak hagakhidek karelek motok welagatek meke, nopase. Nit nipisak ninebe opakiat welagorek etnogo hak, it itithogonat inebe opakiat dogoak nen, hat hetaga kok meke an thalnakhigin iti baga, it hagasik dogono o, nopase.

Yohanes 17:26

Nopase. Hat nen an hakmutnakhigin etnogo, it-it itithogonat nakmu-hakmurogon dogolik, an nebe it ninom hunik dogouogoluk, hat hetaga ilik hawene yogeisekhe lagarik ageikhe inomat yogeisekhe dogoginat o,” iluk sembayan isikhe.

Yohanes 17:7

Yogotak yi wene ti wene tha'bokhogonat hat nen woknikhigin meke iti, it nen, Allah nenat wogokhikhemo, iluk arat hutdega o.

Yohanes 6:56

Tha nen an nebe nikik, namep nikik, hagariogo halok he, at nen an nipisak hunigat, nen, an nen, at nipisak hunigat, dogogun o.

Roma 16:7

At Andronikus, Yunias ipisak, “At nen heagei wathinakhe,” iluk yogeisanoat o. It he, an ninom ninukuloak opakiat meke niniki herle ninom warek welagagusik. Akhuni doalegat negen Kristus nen inayoko 'biluk la'isa ageikhe mekeat he, inetagawerek irat o. It tak inetaiken Kristus oba hakotdisukhasikmo nen, an yabokane hakotdisigi iti.

Roma 8:1

Yogotak nit Kristus Yesus ninom hunik welago meke Allah nen wene ninoba 'biluk weagatninabigin dek o.

1 Korintus 1:30

At Allah nenat hit Kristus Yesus hinom hunik dogobageik iluk 'binageikhemo welgap iti. Wene ninakla kagalek dogou hak, Yesus ebeat woknisasikhe. Itithogon woknisasikhemo, at nen Allah ninom yabokane ninapuke dapulogo 'binanhik, ninebe Allah hasik 'binanhik, tilninakhik, hagakherek.

2 Korintus 12:2

Empat belas tahun alebat ap an nilu meke ageikhe Kristus ipisak hunik welageikhe meke Allah nen pogot oba hurli pere agorek thogotdiluk hurli ageikhe upu etoma baga lia'isikhe iti nilu. At iti ebeat lia'isikhe a? Agoreke lia'isikhe a. An nokodek. Nopase Allah at ilu o.

2 Korintus 13:5

Hit nen he, “Nit ninetaiken Kristus oba hakotdisugu etnogo hakokthegat welago a? Dek a,” iluk hinekaerek nen hinobabut hutukhogon palano. Itithogon palekhe dogolik, erlok hagatlageidek halok he, “Yesus Kristus ninakla werek,” iluk ekagat hugun o.

2 Korintus 5:17

Akhuni inebe Kristus inom hunik werek halok he, inobabut ket meke hagarinakhemo werek o. Alep meke dek aga. Yabokane ket meke hagatlaga.

2 Korintus 5:19

Wene ninoba 'bisikhe iti ebe, men. At Kristus ebe hurli baga dogolik hagakhikhe iti baga, Allah nen yi akhuni ti akhuni tha'bokhogonat at ekaerek inom dapukhogon 'binanhikhe. At nen itithogon 'binanhe dogolik, nit akhuni nen weak hagakhorek meke ukum ninoba 'bigidek thagalogo here'isasikhe iti o. At nen itithogon hagakhikhe ukum iti nit nen yogeisilik nekhe dogoagaluk ninoba 'bisikhe.

Galatia 2:20

Nen, yogotak nebe niluk welagei yi, nekaerek nobatne baga welagei 'buk. At Kristus at nakla dogolik iluk welagarek o. At ebe Allah a'burat dogolik, nebe akmu nen an hasigat, “Nasuak,” iluk akla apasikhe baga ebe wakhukha iti. Nen, an netaiken at oba hakotdiluk werekma, at ebe nakla werekma, niluk welagarek iti.

Efesus 2:10

At nenat hano hagarogo 'binanhikhemo welago. Iti nit Kristus ninom hunik dogolik, yi meke ti meke hanorogon hagakhe dogoagaluk, ninobabut ket ninat winametdinanhikhe iti, ebe Kristus Yesus oba nenat winametdinanhikhemo welago.

Kolose 1:19

At Allah nen, “An nakla warlok nen, an nobabut nikhok motok welagarek iti hak, an na'but itithogonat nipisak tak-tak motogat dogoak o,” iluk, akla apasikhe tak-tagat welagarek o.

Kolose 1:27

At Allah akla nen he, it akhuni itikmanke meke tha'bokhogonat hano motok hagarinabigin wene iti kokhogon hogorasusak mekeat apasikhesik nen akla limago welageikhe meke, at a'buri halok thelekma pakhogon yogeisagaluk isikhe. Wene iti ebe re, Kristus hit hinakla werek halok, yabokane hanothinakhunem, hogothinabugun itiat o.

Kolose 2:9

Meke re, Allah ebe abisake motogat Kristus akla werekma akhuniat itaklasi ageikhesik welageikhe iti.

1 Yohanes 4:12

Nen, Allah ebe iti, akhuni ageikhe nen inileken motok higidek o. Mekeat he, nit-nit nakmu-hakmurogon dogogun halok he, Allah ninom hunik motok dogogun o. Itithogon werekma, ebekeram Allah nen akmutninakhe dogolik, akla apasikhe iti hagat, yi meke ti meke hano 'bogokhogon hagakharek iti hak, nit-nit nakmu-hakmurogon dogoagaluk 'bogokhogon hagatninabiogo iti.