Yohanes 14:2 - ALLAH ANE WENW KET MEKE WAROGO WOKNINAKHIKHE WENE

² An nopase aila etoma, o hit dogoumo oboluk doalegat thelek werek o. Itithogon dek dogolepma, an o hit dogoumo kareli ligin, iluk yokhisele dek o.

Yohanes 14:2 ပူးပေါင်းရင်းမြစ်များ

Lukas 14:22

Itithogon yogokhikhemo, at ap etnogo lalok wageikhesik nen, oe etnogo men yogokhikhe, Noe o. Yoknekhen etnogo wogosik wagei mekeat he, o ebelake motok thelek werek o, iluk yogokhikhe.

Yohanes 13:33

Na'buri. An niki pererlagat anek ninom dogoluk nen ligin o. Lamo, hit nen an nebe heraknakhe dogogun mekeat he, alebat an nen ap Yahudi meke yogeisasigi hak, o an liginmo etoma hit nen heraknabik lugun dek o, iluk yogotak hit yokhisigiat o,” iluk yogeisasikhe.

Yohanes 13:36

Yesus nen itithogon yogeisekhe lageikhemo, at Simon Petrus nen, “Noe. Hat o koma lagaluk nen egen,” iluk yogokhikhemo, at Yesus nen, men yogokhikhe, “An o liginmo etoma, hat noporlik dopokhogon ligin dek o. Yabokane anek noporlik wisigin o,” iluk yogokhe lageikhemo,

Yohanes 14:28

An ligin mekeat he, yabokane napuke hinoba wisigin o, iluk yokhisigi etnogo arat hinasuk holhep apigi. An nebe hinetaiken hunik dogolepma, an nopase ebe kogat, nen, an nebe erlok dek iti nen he, an nopase oba ligin iti hasik hinakla arleken akhelep o.

Yohanes 16:4

Itithogon hagathinakha halok, hinakla nen, Wene yi, at nen alebat yoknisasikhe etnogo, arat hagatninabiogei yi, iluk hinakla ebesubageik nen iluk, wene iti tha'bokhogonat yokhisigi o,” iluk yogeisasikhe. At Yesus nen wene itithogon yogeisasikhesik nen, yabokane ageikhe men yogeisasikhe, “An hit ninom yoma welago iti nen, wene yi tha'bokhogonat hit hinayoko 'bekhe dogolik yokhisigidek welagagi mekeat he,

Yohanes 17:24

Allah nopase. Hat nen agat aban walhigidek dogolik, an nebe hetaiken hunik welagagin iti nen, hogotnakhe dogoagaluk kogotdanhigin etnogo, it hat nen haganeat woknikhigin meke emenogo inileken neoagaluk, o an dogoginmo etoma, it ninomat dogosak warlok o.

La'isasikhe 9:16

Itithogon ayoko 'bigirikmo at nen netaga itithogon yogeisilik nukhunem, at yi aik ti aik hekhe dogosak obaat hekhe dogogin meke, an nen yogosigin werek o,” iluk yogokhikhe.

2 Korintus 5:1

Akhuni inai halek misalagunem yabokane ket halharek hak, nit ninoado agat oba elanma hasik welago yi, watlago halok he, pogot oba ninebe ninikhok motok dogogin meke akhuni nen agouwak hagakhidek meke Allah nen hagarogo 'binanigin meke werek o, iluk hutdekhe lago.

1 Tesalonika 5:9

Allah akla aga nit ninoba 'biluk weagatninabigiluk wenakninakhikhe dek. Ninoe Etagapogot Yesus Kristus nen tilogo hanotninabuagaluk wenakninakhikhe o.

Titus 1:2

At Allah nen, yi meke ti meke aban winametdigidek dogolik, nit akhuni ninobasik men isikhe, “Akhuni an nen winametdisalok nen, inebe iniluk motok dogoagaluk, hano hagarinabigin,” iluk abok isikhe iti, “Ekalat ekherek dek o,” iluk ninakla eberek dogolik, ebe wene yakulisekhe lago iti o.

Ibrani 6:20

At Yesus nit ninobasik holak yarik, o etoma ukisikhesik, ap Melkisedek Allah iteerek dogolik hagakhe lageikhe iti hak, motok-motok hagakhe dogogin meke Allah iteerek kok ageikhesik welagarek iti.

Ibrani 9:8

Itithogon hagakhe dogosak iluk wene inasuk warek welageikhe iti oba lisogon, nit hutukhogon hutduagaluk Allah Agoreke nen, men yakulnisekherek, “O kakok thukhamke iti werek korlek, Allah ekaerek ai ebe meke thu hualhidek larek welageikhe,” iluk yakulnisiliogo.

A'bikaka 21:2

Itithogon hagarogo 'bekhesik, at Allah ekaerek ai o kota Yerusalem ket meke, humi inaguni horlauwogoluk inobake dik-duk waganharek iti hak, at werekma pogot oba nen usa'i agunem higi.

A'bikaka 3:12

Nen, tha nen obatne asigin meke halok, o hiseke usakharek iti hak, at itithogonat Allah ekaerek ai halekma meldiluk, nopase Allah etaga inom, ai kota yerusalem ket meke at nenat pogot oba nen usa'isigin iti etaga inom, an netaga ket meke inom, an nen, at iti oba holal waganogo 'bumo, at ebe o etoma nen dukhisigin motok dek o,

A'bikaka 3:21

An arat nobatne agagimo, nopase kok welagarekma obolukmo nipisak welago yi hak, tha nen obatne asigin halok, an kok welagarekma nobolukmo nipisak dogouogoluk meldigin o,