Yohanes 14:14 - ALLAH ANE WENW KET MEKE WAROGO WOKNINAKHIKHE WENE

¹⁴ Itithogon hagasigin iti nen, hit nen yi meke ti meke an netaga palogo kino yoknekhe dogono. Itithogon kino yoknekhep halok he, an nen hagasigin o,” iluk wene warisasikhe.

Yohanes 14:14 ပူးပေါင်းရင်းမြစ်များ

Yohanes 14:13

Nen, at tha nen, yi meke ti meke an netaga palogo Allah kino yogokhe halok, an a'but nen hagakhunem, it akhuni nen nopase hogorasuagaluk, an nenat hagasigin o.

Yohanes 14:16

Itithogon hagakhunem, hit yomakhisekhe dogolik, hinom motok dogobageik nen iluk, an nen nopase kino yogosumo, at nen at ageikhe usakhisasigin o. At iti ebe Allah Agoreke ebe wene yokhisekhe dogogin meke. Itithogon hinoba usakhisasumo, it akhuni agat oba meke nen, at iti ebe inokodegat. Nen, ebe inileken hugun degat, iti nen ebe waganusak erlok degat o. Itithogon mekeat he, hit anek he, at ebe hinom dogolik, hinakla motok dogogin iti nen, at ebe hinilu dogogun o.

Yohanes 15:16

Hit nen an wenaknakhigip 'buk. Dek o. An nen hit wenakhinakhigi iti, o eken ikherek iti hak, motok dogogin meke hagasi lobageik nen iluk, hinebe wenakhinakhigisik meldinagagi. Iti baga, nena meke, hit warlok meke an netaga palogo nopase kino yogosugun halok he, at nen wokhisageinat o.

Yohanes 16:23

Hurli iti hurli arat asi lalok nen, hit nen wene ageikhe an noba hinok wokneagun motok dek o. Halok he, an nen wene ageikhe yokhisak, Hit nen yi meke ti meke an netaga palogo nopase kino yogosugun halok he, at nen wokhisageinat o, iluk eberogonat yokhisigi.

Yohanes 16:24

O alebat nen hurli yogotak hurli, an netaga palogo yi meke ti meke ageikhe kino igidek welagapma o. Halok he, hinakla arleken kogat akhobageik nen, at kino yogokhe dogono. Itithogon yogokhe dogoumo, wokhisekhe dogoginat o,” iluk yogeisasikhe.

1 Korintus 1:4

Allah obabut hano nen, Kristus Yesus alisikhogon, hano meke woknisekherek iti nen, hibiku-yogoku heagei wakho motok welagarek o.