Yohanes 14:13 - ALLAH ANE WENW KET MEKE WAROGO WOKNINAKHIKHE WENE

¹³ Nen, at tha nen, yi meke ti meke an netaga palogo Allah kino yogokhe halok, an a'but nen hagakhunem, it akhuni nen nopase hogorasuagaluk, an nenat hagasigin o.

Yohanes 14:13 ပူးပေါင်းရင်းမြစ်များ

Matius 21:22

Nen, hit yi meke ti meke Allah kino yogokhe dogolik, hinetaiken at oba hakotdegep halok he, wokhisageinat o,” iluk yogeisasikhe.

Matius 7:7

Itithogon yogeisasikhesik ageikhe men yogeisasikhe, “It akhuni inebe tomok nen Allah kino yogokhunem, at nen inebe tomok wogeisekherek anek iti. Nen, it aperek inebe tomok nen yi meke ti meke at oba herakhunem inebe tomok herakhegarek anek iti. Nen, it aperek inebe tomok nen thu puputhasinem, at nen inebe tomok thu hualisekherek anek iti. Iti nen he, hit Allah kino yogokhe dogono. Yogokhe dogoumo, wokhisageinat o. Hano meke at oba herakhe dogono. Herakhe dogoumo herasugunat o. Nen, thu puputhekhe dogono. Puputhekhe dogoumo, at nen thu hualhisageinat o.

Markus 11:24

Itithogon hagakherek iti nen, hit nen yi meke ti meke Allah kino yogokhe dogolik, hinakla nen, Arat woknisekhemo, iluk apegep halok wokhisageinat o, iluk yokhisigi.

Lukas 11:9

Iti hak, an wene ageikhe yokhisak. It akhuni inebe tomok nen Allah kino yogokhunem, at nen inebe dopok wogeisekherek anek iti. Nen, it aperek inebe dopok nen yi meke ti meke at oba herakhunem inebe dopok herakhegarek anek iti. Nen, it aperek inebe dopok nen thu ane puputhasinem, at nen inebe dopok thu hualisekherek anek iti. Iti nen, hit nen Allah kino yogokhe dogono o. Yogokhe dogoumo wokhisageinat o. Hano meke at oba herakhe dogono. Herakhe dogoumo, herasugunat o. Thu ane puputhekhe dogono. Puputhekhe dogoumo, at nen thu hualhisageinat o.

Yohanes 10:30

Nopase nipisak ninebe opakiat o,” iluk yogeisekhe lageikhemo,

Yohanes 12:44

It itithogon hagakhe lagoukha mekeat he, at Yesus nen ane kokhogon men yogeisasikhe, “At tha nen etaiken an noba hakotdigin halok he, an noba hakotdigin 'buk. Dek o. At he, an la'ani ageikhe meke etnogo oba etaiken hakotdigin o.

Yohanes 13:31

At Yudas etnogo itithogon arat dukhisikhemo dogolik, at Yesus nen men yogeisasikhe, “Nagarumi. An abat itaklasi agagi etnogo Allah nen hogotnakhunem, akhuni nen Allah hogorasugun oba yogotak arat asi aga o.

Yohanes 14:14

Itithogon hagasigin iti nen, hit nen yi meke ti meke an netaga palogo kino yoknekhe dogono. Itithogon kino yoknekhep halok he, an nen hagasigin o,” iluk wene warisasikhe.

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 15:16

Hit nen an wenaknakhigip 'buk. Dek o. An nen hit wenakhinakhigi iti, o eken ikherek iti hak, motok dogogin meke hagasi lobageik nen iluk, hinebe wenakhinakhigisik meldinagagi. Iti baga, nena meke, hit warlok meke an netaga palogo nopase kino yogosugun halok he, at nen wokhisageinat o.

Yohanes 15:7

Hit an ninom hunik dogolik nane hinakla werek halok, nena meke hit warlok meke an kino yoknisumo wokhisaumo horlagunat o.

Yohanes 16:23

Hurli iti hurli arat asi lalok nen, hit nen wene ageikhe an noba hinok wokneagun motok dek o. Halok he, an nen wene ageikhe yokhisak, Hit nen yi meke ti meke an netaga palogo nopase kino yogosugun halok he, at nen wokhisageinat o, iluk eberogonat yokhisigi.

Yohanes 16:26

Hit nen, Yesus ebe Allah werekma nen wageikhe meke, iluk, hutdanhe dogolik, hinakmutdanhigip iti nen, nopase nen hit akmuthinakheregat o. Hit hinobasik an nen nopase kino yogosigin iluk yokhisekhe lagei dek o. O itinem he, hit hinekaerek nen an netaga palogo nopase kino yogosugun o.

Yohanes 16:7

an nen wene ebe pakhogon yokhisak o. An ligin dek dogolepma, at hit yomakhisekhe dogogin meke iti hinoba wetlep dek mekeat he, an ligin iti nen, at iti an nen hinoba la'isigin o. Halok he, an ligin iti nen, hit hinobasik hano motok asigin, iluk eberogonat yokhisigi o.

Yohanes 4:10

Yogokhikhemo, at Yesus nen at he etnogo men yogokhikhe, “Allah obabut hano nen werlegat okorlek wogeisekherek meke iti men, nen an nen, I ageikhe henago woknom, iluk kino yokhikhi iti, nebe men hutdanilenma, hat nen i ageikhe kino yoknekhunem, an nen i inilugurinakherek meke eberogonat wokhetle o,” iluk yogokhikhe.

Yohanes 4:14

i an nen wogeisaumo nasi halok he, it inakla nen i elesi hakene hunak-hunak dukhisi motok dogogin iti nen, iniluk motok dogolik, it yabokane i abu aga dogogun motok dek o,” iluk yogokhikhe.

Yohanes 5:19

Itithogon abok palhe lagoukhama, at Yesus nen, ap emenogo wene yigithogon yogeisasikhe, “Yi meke ti meke an nopase nen hagakhunem nileken higidek, an nakla nen kagalogo hagasusak erlok dek iti nen he, an nopase hagakherek meke tak-tagat hagakhe lagei o, iluk eberogonat yokhisigi o.

Yohanes 7:37

Wene itithogon isukhasik oba nen, pesta etnogo ilugun kobokhogon arat agunem, hari kok iti baga Yesus ebe melageikhesik nen, ane kokhogonat men yogeisasikhe, “Tha nen i abu halok, an noba nasusak o.

1 Korintus 14:13

It aperek inane an nokodek meke baga elalinat sembayan ekhe dogolik, netaiken oba nen ekhe lagei mekeat, ebe hutdekhe lagei motok dek iti nen, at ageikhe nen it aperek inane okodek meke baga elalinat ekherek meke iti nen ekhe dogolik, “Allah nopase. Inane inokodek meke iti an nekaerek nane baga mothogon yogeisekhe dogeik nen, hat Hagoreke nen inobabut wogeisekherek etnogo meke ageikhe woknisuak o,” iluk sembayan ekhe dogoak o.

Efesus 3:12

Nit ninetaiken at oba hakotdiluk, at ninom hunik dogolik, ninayuk dekhogon ninetaiken hapukhogon Allah oba ukusak iti o.

Efesus 3:14

Iti nenat, an ninopase elokhoma nitibagal yukukhogon ayoko 'bekhe lagei o.

Filipi 4:13

At Kristus nobatnetnakhe korlek nogo nen, yi meke ti meke weak agunem inom, hano agunem inom, erlok hagakhe dogosak anek.

Kolose 3:17

“Ninopase Allah nen woknisekherek iti, ebe Yesus nenat woknisekherek o,” iluk, Allah heagei wakhe dogolik, “Ninoe Etagapogot Yesus apma dogolik, hagakhe lago,” iluk, yi meke ti meke tha'bokhogonat hagasuogoluk, hinane yi meke ti meke hasik uogoluk, at Yesus etaga palogo hagakhe dogono o.

Ibrani 13:15

Iti nen he, at Yesus ninom hunik dogolik, nit nen, “Allah nopase,” iluk kambing sapi warogo at hasik wogokhe dogou hak, hibiku-yogoku ninape baga nen Allah etaga kokhogon hogorakho motok dogouok o.

Ibrani 4:15

Nit ninoe kok Allah iteerek welagarek iti, nit ninobatne dek erlok dek iti, at okodek 'buk. At nit ninobabut waganhikhesik werekma, nit weak hagasuagaluk weak meke etnogo nen ninakla kagalherek hak, at itithogonat yi meke ti meke hasik akla kagali aga lageikhe mekeat he, at weak ageikhe hagakhidek dogolik ninobabut ilu o.

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

Yakobus 1:5

Meke re, at Allah obabut hano nen akhuni tha'bokhogonat akmu dogolik wenageisigidek wogeisekherek iti nen, hit aperek hinakla kagalek dek halok, at kino yogosumo hinakla kagaliginat o.

Yakobus 5:16

Itithogon hagasigin iti nen, hit aperek hinoba u meke dek asubageik nen, weak hagakhep meke hit-hit 'bual-'bual ekhe dogolik sembayan ekhe dogono o. It akhuni Allah akla warlok apekherek meke, mothogon hagakharek meke nen sembayan eberogonat obatnerogon ugun iti, obatneak werekma Allah nen hagarinabiginat o.

1 Petrus 2:5

Itithogon 'bisikhemo, hit hinebe helekit iluk welagarek iti meke hakene dogolik, at oba wetno o. At oba wagunem, Allah nen at ekaerek ai halogo 'binaguak. At ai halekma, hinebe Allah iteerek Yesus Kristus hinom hunik dogolik, Allah akla hanorogo ako warekhe dogou hak, hinetaiken wogokhe dogono o.

1 Yohanes 3:22

at nen wene ninasuk wakhikhe wene mothogon hagakhik, at ilhanem akla hanorogon anek hagakhik, hagakhe lago iti nen, nit yi meke ti meke kino yogokhunem, at nen woknisiliogo.

1 Yohanes 5:14

Nen, nit yi meke iti meke Allah akla warlok apekherek meke tak-tagat, at nen woknisoagaluk kino yogokhunem ninane asuk holheregat iti iluk hutdiluk, at ilhanem ninayuk dekhogonat kino yogokhe dogosak o.