Yohanes 14:10 - ALLAH ANE WENW KET MEKE WAROGO WOKNINAKHIKHE WENE

¹⁰ An nen nopase nipisak hunik, nen, nopase nen an nipisak hunik, welagorek iti, hat hutdekhe lagan dek a?” iluk yogokhikhesik it tha'bokhogonat yogeisekhe dogolik, “An nen wene yokhisegerek iti, an nakla nen kagalogo yokhisegerek 'buk. Dek o. An nopase nipisak hunik dogolik, an nane baga nen igik, niki baga nen hagakhik, hagakherek meke iti, at ekaerek nenat hagariogo o.

Yohanes 14:10 ပူးပေါင်းရင်းမြစ်များ

Yohanes 10:30

Nopase nipisak ninebe opakiat o,” iluk yogeisekhe lageikhemo,

Yohanes 10:38

Meke re, an nen hagakhe korlegat, hit eberogonat iluk hinetaiken an noba hakotdusak hina'it iti o. Itithogon hagakhethep iti an nen nopase nipisak hunik, nen, at nen an nipisak hunik, welagorek iti, hinilu atluk nen eberogonat iluk hutdubageik nen, an hagakhe lagei meke iti eberogonat iluk hutdini o!” iluk yogeisekhe lageikhemo,

Yohanes 11:26

Nen, akhuni iniluk dogolik inetaiken an noba hakotdegarek meke, inebe dopok watlageidek iniluk motok dogogun o. Wene iti eberogonat iluk hutdegen a?” iluk yogokhe lageikhemo,

Yohanes 12:49

an nakla nen kagalogo yokhisekhe lagei 'buk. Dek o. An nen yokhisoagaluk an nopase la'ani ageikhe meke etnogo nenat nasuk warogo, Yigithogon in, tigithogon in, iluk yoknekhe korlegat yokhisekhe lagei o.

Yohanes 14:11

An nenat nopase nipisak hunik, nen, nopase nen an nipisak hunik, welagorek igi iti, eberogonat iluk, hit nen hutdini o. Iti hutdusak erlok dek halok he, an hagakhe lagei meke iti hinileken halok, hutdanini o.

Yohanes 14:20

Itithogon hinileken neagun itinem, an nopase nipisak hunik welago, nen, hit an ninom hunik, nen an hit ninom hunik welago meke iti, hinilu asigin o.

Yohanes 14:24

Nen, at tha nen, an etaiken hunik dek halok he, an nane hologo hagakherek dek itiat o. An nane hit holhe lagap iti re, an nane meke 'buk. An nopase la'ani ageikhe meke etnogo aneat o.

Yohanes 17:8

Wene hat nen yoknikhigin meke emenogo, it arat yogeisigima, arat waganhasik an nobasik ekhe dogolik, Allah nen la'i ageikhemo, at werekma nen eberogonat wageikhe, iluk inilu ageikhasik nen, nebe hutdanha o.

Yohanes 3:2

Nen, ap iti o hibako iniki ageikhe baga Yesus oba wageikhesik nen, men yogokhikhe, “Noe. Ap ageikhe Allah ipisak hunik dek halok he, hat nen elalin meke hagarik nekhe lagan iti hak, hagasusak motok erlok dek. Iti nen, hat nen wene yakulnisoagaluk Allah nen la'agei agama wagan iluk ninilu aga,” iluk yogokhikhe.

Yohanes 5:17

Itithogon hagakhukha mekeat he, at Yesus nen wene men yogeisasikhe, “An nopase iki ageikhe thogotdigidek, o yogotak yi inomat hagarinakho motok welagarek iti hak, an itithogonat hagarinakho welagei o,” iluk yogeisasikhemo,

Yohanes 5:19

Itithogon abok palhe lagoukhama, at Yesus nen, ap emenogo wene yigithogon yogeisasikhe, “Yi meke ti meke an nopase nen hagakhunem nileken higidek, an nakla nen kagalogo hagasusak erlok dek iti nen he, an nopase hagakherek meke tak-tagat hagakhe lagei o, iluk eberogonat yokhisigi o.

Yohanes 7:16

at Yesus nen, men yogeisasikhe, “An nen wene yakulhisekhe lagei iti, an nakla nen kagalogo yakulhisekhe lagei dek mekeat he, at an la'ani ageikhe meke etnogo nen yoknekhe korlek yakulhisekhe lagei o.

Yohanes 8:28

Itithogon hutdigidek werek korlek, at nen, men yogeisasikhe, “An abat itaklasi agagi etnogo, hit nen an nebe o baga meldanugun itinem, hit nen, Ikhok motok welagarek meke etnogo ebe yiat o. At nen wene yoknisekhe dogolik, akla nen kagalogo igidek. At opase nen yakulekherek meke anek yoknisekhe lagama, iluk, hinilu asugun o.

Yohanes 8:38

An he, nopase nipisak dogolik nileken hekhe lagagi mekeat yokhisekhe korlek, hit anek he, hinopase etnogo nen ekherek meke ane hologo hagakhe lagap o,” iluk yogeisasikhe.

Yohanes 8:40

Meke re, an wene ebe wene Allah nen isinem nasuk holhigi meke yokhisekhe lagei mekeat, hit nen an nebe nasuogoluk nabok palhe lagap iti hak, at Abraham nen itithogon hagakhe lageikhe dek mekeat hagakhe lagap o.

2 Korintus 5:19

Wene ninoba 'bisikhe iti ebe, men. At Kristus ebe hurli baga dogolik hagakhikhe iti baga, Allah nen yi akhuni ti akhuni tha'bokhogonat at ekaerek inom dapukhogon 'binanhikhe. At nen itithogon 'binanhe dogolik, nit akhuni nen weak hagakhorek meke ukum ninoba 'bigidek thagalogo here'isasikhe iti o. At nen itithogon hagakhikhe ukum iti nit nen yogeisilik nekhe dogoagaluk ninoba 'bisikhe.

Kolose 1:19

At Allah nen, “An nakla warlok nen, an nobabut nikhok motok welagarek iti hak, an na'but itithogonat nipisak tak-tak motogat dogoak o,” iluk, akla apasikhe tak-tagat welagarek o.

Kolose 2:9

Meke re, Allah ebe abisake motogat Kristus akla werekma akhuniat itaklasi ageikhesik welageikhe iti.

1 Yohanes 5:7

Yesus iti Kristus at o, iluk, akhuni inebe 3 nen inane opakiat meke pakhogon u hakene, Allah Agoreke nen igik, Yesus ebe ima usakhukha iti baga igi, amep ulabogo wakhukha iti baga igik, thelekma ageikhe iti o.