Yohanes 14:1 - ALLAH ANE WENW KET MEKE WAROGO WOKNINAKHIKHE WENE

¹ At Yesus nen wene itithogon yogeisasikhesik nen, yabokane men yogeisasikhe, “Nagarumi. Hit hinakla nen, Eiye, iluk hinelabut hisik dogogup o. Hinetaiken Allah oba hakotdigik, an noba hakotdigik, hagakhe dogono o.

Yohanes 14:1 ပူးပေါင်းရင်းမြစ်များ

Yohanes 11:33

it akhuni Yahudi meke Maria oporlik wagoukha meke emenogo inomat de agunem, at Yesus nen ileken hisalok nen, it akmu lak nen akla murlelabethasikhemo inoba hinok waganhe dogolik, men yogeisasikhe,

Yohanes 12:27

At Yesus nen wene itithogon yogeisasikhesik sembayan ageikhe men isikhe, “Nopase. Yogotakne netaiken weak motok murleliogo welagei yi nikithogon ik he? An nen yigithogon ik. Nopase. An yi aik ti aik higin iti, hat nen nebe tilnabin o, iluk yokhesusak meke re, itithogon hagatnabuagalugat wagagisikmo nogo nen, itithogon igin dek o, nopase.

Yohanes 12:44

It itithogon hagakhe lagoukha mekeat he, at Yesus nen ane kokhogon men yogeisasikhe, “At tha nen etaiken an noba hakotdigin halok he, an noba hakotdigin 'buk. Dek o. At he, an la'ani ageikhe meke etnogo oba etaiken hakotdigin o.

Yohanes 13:19

Wene iti yabokane arat eberogonat hagatlaga halok, At ikhok motok welagarek meke etnogo arat o, iluk hutdanubageik nen iluk, yogotak wene iti aban hagatlageidek werek korlek abok yokhisigi o,” iluk yogeisasikhesik nen, wene ageikhe men yogeisasikhe,

Yohanes 16:24

O alebat nen hurli yogotak hurli, an netaga palogo yi meke ti meke ageikhe kino igidek welagapma o. Halok he, hinakla arleken kogat akhobageik nen, at kino yogokhe dogono. Itithogon yogokhe dogoumo, wokhisekhe dogoginat o,” iluk yogeisasikhe.

Yohanes 16:3

It nen itithogon hagathinabugun iti, an nopase nipisak ninebe inokodek iti nenat hagathinabugun o.

Yohanes 16:6

An nen wene yokhisigi iti nen, hit hinakla motok weak aga mekeat he,

Yohanes 6:40

nopase akla apekherek o. Nen, nopase itithogon akla apekhe dogolik, akhuni nen Allah a'but nebe yi inileken niigik, inetaiken noba hakotdigik, hagakhe halok, inebe dopok iniluk motok dogoagaluk, o ilugun hurli baga, an nen inilugurinabuagaluk akla apekherek o,” iluk yogeisasikhe.

2 Korintus 2:7

Yabokane, at weak hagakhikhe meke iti, akla motok weak atluk, ebe weak asinogo iluk, akla hano asuagaluk weak hagakhikhe meke hit nen thagalogo here'isalok, etaiken thebelino.

Efesus 1:15

Iti nen he, hit hinetaiken ninoe Etagapogot Yesus oba hakotdiluk, Allah a'buri aperek tha'bokhogonat hinakmurogon hagakhe lagap meke iti, akhuni aperek nen hinabok isinem nasuk holhi o.

2 Tesalonika 2:2

Ninoe Etagapogot wisigin itinem arat hagatlagama thalek, it akhuni aperek nen, “Allah Agoreke nen yigithogon yoknekhe mekeat,” iluk yokhisigik, it aperek nen, “Wene ebe yigithogon mekeat,” iluk yokhisigik, it aperek nen, wene nit nen holal waganho meke hasik, “Ebe yigithogon mekeat,” iluk yokhisigik, iliogei iti baga, hinetaiken ibat narlok-karlok iluk dil wasunogo iluk yokhisigi iti o.

1 Petrus 1:21

Ebe watlageikhesikmo Allah nen ilugutdiluk hogorakhe dogoagaluk meldisikhemo, hinetaiken Allah oba hakotdiluk, “Yabokane at nen hanotninabigin,” iluk oba eberek welagap iti.