Yohanes 13:35 - ALLAH ANE WENW KET MEKE WAROGO WOKNINAKHIKHE WENE

³⁵ Hit-hit itithogon nakmu-hakmurogon hagakhe dogogun halok, it akhuni tha'bokhogonat inileken 'bithisalok, It yi Yesus agarumi eberogonat higi, iluk inilu asugun o,” iluk yogeisasikhe.

Yohanes 13:35 ပူးပေါင်းရင်းမြစ်များ

Yohanes 17:21

Nopase. An nen kino yokhekhe lagei yi, men iluk. An nen nopase hat nipisak hunik, nen, nopase hat nen an nipisak hunik, welagorek iti hak, it itithogonat inebe tha'bokhogonat opakiat dogoagaluk kino yokhekhe lagei o. Itithogon werekma, it akhuni agat oba meke nen, ekhe dogolik, At he, opase nenat la'i ageikhe iti eberogonat, iluk hutduagaluk, it inebe nit ninom hunigat dogouok o.

1 Yohanes 2:10

Itithogon mekeat he, tha nen agarlak lak erugi akmurogon welagarek halok he, at ebe lia baga motok dogolik, akhuni nen it aperek waroagaluk ineram nen holak palharek iti hak, it aperek weak hagasuagaluk nukhetdisekherek dek o.

1 Yohanes 2:5

Itithogon mekeat he, tha nen Allah ane hologo mothogon hagakherek halok he, yi meke ti meke bogokhogon hagakharek iti hak, at iti Allah motok akmurogo welagarek o. Nen, nit itithogonat welago halok, nit Allah ninom hunik welago, iluk iti bagaat ninetai ekerlogo hutdekhe lago.

2 Yohanes 1:5

Iti nen he, neru o. Wene ket meke holal waganogo heagei hinomat werekma hinoba la'i agei 'buk. Dek o. Nit ebeat wene iti hutdisugumo, at Allah nen nit-nit nakmu-hakmurogon dogoagaluk erlo baga nenat ninasuk wakhikhemo ninilu meke holal waganogo hinoba la'i agei iti o.