Yohanes 13:32 - ALLAH ANE WENW KET MEKE WAROGO WOKNINAKHIKHE WENE

³² Nen, an nen hagasigin iti baga Allah hogorakho halok, at ekaerek ebe hogorakharek iti hak, an nipisagat hogotninakhe dogoagaluk, at nen ibat hogotnabigin o.

Yohanes 13:32 ပူးပေါင်းရင်းမြစ်များ

Yohanes 12:23

Itithogon yogosi lagoukhama, at Yesus nen, men yogeisasikhe, “An abat itaklasi agagi etnogo, nebe hogotnabugun oba arat asi aga o.

Yohanes 17:1

At Yesus nen wene itithogon yogeisasikhesik, at uroak lekhogon ileken pogot oba liakhasikhesik nen, men isikhe, “Nopase. An hagatnabugun etnogo arat asi aga o. Hat nen haganeat akhuni aperek woknikhigin meke inebe tomok an ha'but nen hagarinabumo iniluk motok dogoagaluk akhuni tha'bokhogonat niki baga 'bisigin iti nen, hat hebe kogotdageik nen, an ha'but kogotdani me o, nopase.

1 Petrus 3:22

At ebe iluk ageikhesik nen, pogot oba dageisikhesik, Allah iki ebeke kok dogolik, malaikat Allah nen yoko usa'isa agarek meke emenogo men, inougi koktek meke men, inobatneak meke men, hagasik welagarek o.

A'bikaka 22:1

Itithogon yakulnekhemo higirik oba nen yabokane, Allah inom, Domba Eak inom, ipisak kok motok welageikharekma inobolukmo nen, i inilugurinakherek meke elokhoken mirliak hano inamukhak hakene meke elesi hunalogo dukhitluk nen,

A'bikaka 22:3

Nen, alep Allah nen akhuni inom, yi meke ti meke inom, homan 'bisasikhe meke etnogo korogo 'bisalokma nogo nen he, yabokane o iti oba homan korek welaga higi. Allah inom, Domba Eak inom, ipisak kok motok welageikharekma inobolukmo etnogo, o kota etoma tumo werek korlek, it akhuni Allah atuaneke meke inetaiken at oba hakotdiluk dogolik, at hasik hagakhe dogogun hisigi.

A'bikaka 3:21

An arat nobatne agagimo, nopase kok welagarekma obolukmo nipisak welago yi hak, tha nen obatne asigin halok, an kok welagarekma nobolukmo nipisak dogouogoluk meldigin o,