Yohanes 13:22 - ALLAH ANE WENW KET MEKE WAROGO WOKNINAKHIKHE WENE

²² Itithogon yogeisekhe lageikhemo, it nen, “Iti tha nen hagasigin meke ekhe,” iluk inobakha palagoukhasik nen, inileken ageikhe nen ageikhe lakhigik hagakhukha.

Yohanes 13:22 ပူးပေါင်းရင်းမြစ်များ

Matius 26:21

pesta neke dogolik men yogeisasikhe, “Hit ap ya meke ageikhe nen, an nebe nasuagaluk yoko ligin o, iluk, eberogonat yokhisigi,” iluk yogeisasikhe.

Matius 26:22

Itithogon yogeisasikhemo, it emenogo inakla motok weak ageikhesik men yogokhukha, “Noe! An a? An dek apigi,” iluk, inebe dopok nen ilik lagoukha.

Markus 14:18

Lagoukhasik uma ukiluk hureklatluk, pesta neke dogolik at Yesus nen men yogeisasikhe, “Hit meke ageikhe hipiri an nipisak opakimo neke lago meke iti nen, an nebe nasuagaluk yoko ligin o, iluk eberogonat yokhisigi,” iluk yogeisasikhe.

Markus 14:19

Itithogon yogeisasikhemo it inakla weak atluk men yogokhukha, “An a? An dek apigi,” iluk inebe dopok nen itithogon anek ilik lagoukha.

Lukas 22:21

“Nagarumi! Lakhani! An nasuagaluk yoko ligin meke ninom yoma hipiri o perlago baga opakimo neke lago.

Lukas 22:23

it-it men isukha, “Iti tha hak nen yoko ligin meke ekhe,” iluk nen, hinok-hinok ilik lagoukha.

Yohanes 13:18

An nen wene iti hit hinebe tha'bokhogonat hasik yokhisigi 'buk. Dek o. Hit yi an nenat hinebe wenakhinakhigi meke nilu mekeat he, wene iti hasik Allah ane baga men iluk holal waganogo 'bisukha, Ap ageikhe hipiri nipisak opakimo neke lago meke yi nen weagatnabigiluk melaga o, iluk isikhemo holal waganek werek iti sugun asigin dek o. Ebeat asigin o.

Yohanes 13:21

At Yesus nen, wene itithogon arat yogeisasikhesik oba nen, at akla weak ageikhemo, ane pakhogonat men yogeisasikhe, “Hit ap hinebe ya meke ageikhe nen an nebe nasuagaluk yoko ligin o, iluk eberogonat yokhisigi o,” iluk yogeisasikhe.