Yohanes 13:2 - ALLAH ANE WENW KET MEKE WAROGO WOKNINAKHIKHE WENE

² Dogolik, at agarumi emenogo inom o hibako hipiri opakimo nukunem, Yudas Simon Iskariot a'but etnogo, akla Iblis ukisikhesik nen, Yesus ebe wasuak nen, “Yoko lan o,” iluk akla kagalhikhe.

Yohanes 13:2 ပူးပေါင်းရင်းမြစ်များ

Matius 10:4

Simon, “O Kanaan yoma ninaierek meke anek dogouok,” iluk ekhe lageikhe etnogo inom, Yudas Iskariot Yesus wasuagaluk yabokane yoko lageikhe meke etnogo inom, inetaga eta.

Lukas 22:3

Itithogon abok palhe korlek, it Yesus agarumi inebe 12 oba emenogo meke, ageikhe etaga Yudas Iskariot etnogo akla Iblis ukisikhe.

Lukas 22:31

Yesus nen itithogon yogeisasikhesik nen, ageikhe Petrus men yogokhikhe, “Simon! Simon! Hasuk holin! Gandum abubuleke hulogo thogotdisegarek iti hak, hit tha'bokhogonat itithogon, at Iblis nen hinebe hulhinabigiluk Allah kino yogokhemo at nen erlok iluk yogokhe mekeat,

Yohanes 13:11

“At iti nen an nebe nasuagaluk yoko ligin,” iluk ilu dogolik nogo nen, men yogeisasikhe, “Hit thobalek motok welagap meke re, hinebe tha'bokhogonat thobalek welagap 'buk. Dek o,” iluk yogeisasikhe iti.

Yohanes 13:4

Itithogon ilu dogolik, hipiri neke lageikhesik ebe melageihesik nen, asu ebe ugu meke nokorlogo 'bisikhesik nen, su inoba i apusu hokharek meke waganhikhesik obakha baga pogukhogon ikhikhe.

La'isasikhe 5:3

'Bi ageikhemo, at Petrus nen, “Ananias. Iblis nen hakla kagalhemo Allah Agoreke nukhetdiluk agat oko ebetlake mikirlogo hekaerek hasik 'bakhalok wagan iti nenaluk.

2 Korintus 8:16

Nit nen hit hinobasik obatnerogon hagasuogoluk hagakhe lago hak, at Titus itithogonat hagakhe dogoagaluk Allah nen akla kagalhemo hagariogo iti nen, Allah heagei wakhe dogouok o.

Efesus 2:3

Alebageik nit tha'bokhogonat nen it hagariogei hakeneat hagakhe lagagu. Ninobabut akhuni inobabut inikhogat dogolik hagakharek hagat, hagakhe dogolik, ninoba agaken dageisinem weak hagakhik, ninakla apalok weak hagakhik, hagakhe lagagu. Etanem he, akhuni inobabut inikhogat dogolik hagakharek meke ninom tak-tagat werekma, Allah akla aga dageiluk, weagatninabigiluk welageikhe.

A'bikaka 17:17

Itithogon hagasugun iti, Allah nen isikhe meke tak-tagat hagatlasuagaluk, at akla apekherek meke iti, it ap koktek iti inakla kagalhemo, it inetaiken opakiat dogolik, it nen, at helo yeke hakene etnogo yogokhe dogolik, Nit kok ninetagapogot welago meke iti, hat kok hetagapogot werek dogonok o, iluk iteerek 'biluk, inom nen he yugunisake hagarik nekherek meke etnogo ebe wasugun iti.