Yohanes 13:15 - ALLAH ANE WENW KET MEKE WAROGO WOKNINAKHIKHE WENE

¹⁵ Nen, an nen hit hagathinakhi iti hak, hit nen an nobabut waganogo itithogonat hagakhe dogobageik nen iluk yakulhisigi o.

Yohanes 13:15 ပူးပေါင်းရင်းမြစ်များ

Matius 11:29

An nasuke ukharlek su ade al warek hano ukharlogo wokhisaumo alheat hugun iti nen, hinomorlo baga waganiluk, an nobabut enago dogolik inapma negen welagarek etnogo hutukhogon yakulilik nekhe dogono o. Itithogon nekhe dogogun halok, hinetaiken hapuk igin o,” iluk yogeisasikhe.

Roma 15:5

Hit hinetaiken, hinane, opakiat dogolik, ninoe Etagapogot Yesus Kristus opase Allah itiat hogorakhe dogobageik nen, at Allah akhuni inobabut inobakhanini hapugutdiluk dogoagaluk hagarinakhik, inakla hanorinakhik, hagakherek meke iti nenat, hit tha'bokhogonat hinetaiken opakiat, at Kristus Yesus obabut hakene hagathinabuak o.

Efesus 5:2

Akhuni nen yi meke ti meke Allah hasik 'bisalok, ebe warogo hetu hunekhunem, Allah akla hanorogo obasi hano meke liagakhe lagoukha iti hak, at Kristus nit ninebe akmutninakhikhesik nen, “It inobasik an nebe nasuak o,” iluk apasikhe baga ebe wakhukha iti baga Allah akla hano ageikhe iti hak, nit-nit nakmu-hakmurogo hagakhe dogouok o.

1 Petrus 2:21

At Kristus ebe hit hinobasik yi aik ti aik hilik hilik watlageikhe iti nen, hit meneke, at obabut waganogo yi aik ti aik hinoba 'binagouagaluk Allah nen hinayoko 'bisikhe iti.

1 Petrus 5:3

Allah a'buri therisik dogoagaluk supusogo wokhisasikhe iti therisik dogolik, hinebe kok negen dogolik, hinane hithani-hathani negen hagarinakhe dogogup. Hit hano hagakhunem inileken hisalok hinobabut waganogo hagakhe dogoagaluk, hano hagakhe dogono.

1 Yohanes 2:6

Nen tha nen, “An Allah nipisak hunik welagei,” iluk ekherek halok he, obabut at Kristus hagakhe lageikhe iti hagat, hagakhe dogosak o.