Yohanes 13:1 - ALLAH ANE WENW KET MEKE WAROGO WOKNINAKHIKHE WENE

¹ Nen, hubenke pesta Paskah etnogo nuogoluk dogolik, at Yesus nen, o agat oba yoma thogotdiluk opase baga apuke dageigin etnogo arat horok asi ageikhemo ilu welageikhe. Nen, at ekaerek agarumi agat oba meke etaiken hunik motok welageikhesik nen, yabokane inebe a'it ageidegat ilugun hurli baga etaiken hunik motogat welageikhe.

Yohanes 13:1 ပူးပေါင်းရင်းမြစ်များ

Matius 26:45

Arat iluk nen agarumi inoba wageikhesik men yogeisasikhe, “Hit thet walogo noge isi motok dogogun a? Lakhani! Ap ageikhe nen ap weak hagakharek meke nen an abat itaklasi agagi etnogo nasuagaluk inikimo 'banigin iti o arat asi aga.

Lukas 22:53

Hibiku-yogokuat Allah ai halekma an hit ninom dogolik haknakhidek welagasip meke re, yogotak yi anek, o mum ite welagarek meke etnogo obatne agama nen, hit nen haknabusak tak-tak oba arat wagap yi o,” iluk yogeisasikhe.

Lukas 9:51

Itithogon yogeisasikhesik nen, at Yesus ebe Allah nen pogot oba lia'usak arat horok asi ageikhemo, at akla nenat wene munini la'iluk, “O Yerusalem usagein o,” iluk holak waganhikhe.

Yohanes 11:55

Welagoukha etanemat, it akhuni Yahudi meke pesta etaga Paskah nekarek etnogo meke nausak oba arat hakok i ageikhemo nuogoluk aban dogolik, it inoba horogo iluk, Yahudi meke hagakharek hak hagasuogoluk, inaila tomok nen o Yerusalem natogosi lagoukha.

Yohanes 12:23

Itithogon yogosi lagoukhama, at Yesus nen, men yogeisasikhe, “An abat itaklasi agagi etnogo, nebe hogotnabugun oba arat asi aga o.

Yohanes 13:29

Itithogon hutdigidegat dogolik, at Yudas iti agarlak lak inom uang aika it mekeat hago welagarekma nogo nen, men inakla apasukha, “Yesus nen nit pesta hagasusak hasik yi meke ti meke oko pali loagaluk yogokhe a? At he, akhuni inameke dek meke uang ageikhe opakitek supurisa loagaluk yogokhe a,” iluk inakla apasukha.

Yohanes 13:3

Itithogon akla kagalhikhemo, at Yesus akla nen, “Nopase nen yi meke ti meke tha'bokhogonat an niki baga 'bisikhemo werek apigi. Nen, an nebe Allah werekma nen usa'agagisik, yabokane napuke at obaat dageigin apigi,” iluk ilu welageikheat.

Yohanes 13:34

Itithogon yogeisasikhesik nen, wene ageikhe men yogesasikhe, “Hit nen hagakhe dogosak meke wene ket meke ageikhe yokhisak, An nen hit nakmurogon welagarek hak, hit itithogonat, hit-hit nakmu-hakmurogon hagakhe dogono o.

Yohanes 14:28

An ligin mekeat he, yabokane napuke hinoba wisigin o, iluk yokhisigi etnogo arat hinasuk holhep apigi. An nebe hinetaiken hunik dogolepma, an nopase ebe kogat, nen, an nebe erlok dek iti nen he, an nopase oba ligin iti hasik hinakla arleken akhelep o.

Yohanes 14:31

Itithogon mekeat he, an nopase netaiken hunik welagarek iti akhuni agat oba meke inilu asuagaluk, an nopase nen nasuk warogo yoknekherek mekeat hagakhe lagei o,” iluk yogeisasikhesik nen, “Nagarumi. Luok nen melatni o,” iluk yogeisasikhe.

Yohanes 16:28

An nebe Allah werekma nen akhuni agat oba meke inoba usa'agagi mekeat, yogotak it agat oba yoma 'bisalok nopase oba napuke dageigin o,” iluk yogeisasikhemo,

Yohanes 17:1

At Yesus nen wene itithogon yogeisasikhesik, at uroak lekhogon ileken pogot oba liakhasikhesik nen, men isikhe, “Nopase. An hagatnabugun etnogo arat asi aga o. Hat nen haganeat akhuni aperek woknikhigin meke inebe tomok an ha'but nen hagarinabumo iniluk motok dogoagaluk akhuni tha'bokhogonat niki baga 'bisigin iti nen, hat hebe kogotdageik nen, an ha'but kogotdani me o, nopase.

Yohanes 17:16

An nebe it akhuni agat oba meke inagot dek iti hak, it itithogonat it akhuni agat oba meke inagarumi 'buk. Degat o.

Yohanes 17:26

Nopase. Hat nen an hakmutnakhigin etnogo, it-it itithogonat nakmu-hakmurogon dogolik, an nebe it ninom hunik dogouogoluk, hat hetaga ilik hawene yogeisekhe lagarik ageikhe inomat yogeisekhe dogoginat o,” iluk sembayan isikhe.

Yohanes 17:5

Nopase. Agat aban walhigidek dogolik, nipisagat kok welagagu etnogo meke, yogotak hat werekma etoma kogotdanino.

Yohanes 18:4

Lagoukhama, at Yesus nen, “An nebe yabokane yigithogon hagatnabugun,” iluk th'bokhogonat ilu welageikhe iti nen, inoba wageikhesik nen, men yogeisasikhe, “Hit tha hearik wagap,” iluk yogeisasikhemo,

Yohanes 19:28

Itithogon arat hagakhukhasikmo nen, at Yesus akla nen, “Yi wene ti wene tha'bokhogonat ilugun kobokhogon arat hagakhi,” iluk ilu nogo nen, Allah ane holal waganogo 'bisukha meke tak-tak asuagaluk, “An i abu,” isikhe.

Yohanes 2:13

Etoma werekma, it akhuni Yahudi meke nen, “Alebat at Allah nen tilninakhikhe,” iluk, inakla eberogo dogolik domba warogo pesta etaga Paskah hasik nausak oba arat hakok i ageikhemo, Yesus o Yerusalem usasikhe.

Yohanes 6:4

Nen, eta mot-mot, it akhuni Yahudi meke nen, “Allah nen tilninakhikhe,” iluk inakla eberogo pesta etaga Paskah nekarek etnogo nausak oba arat hakok i ageikhe.

Yohanes 7:30

it akhuni nen Yesus ebe hakhauwogoluk hagakhukha mekeat he, at ebe hakhausak oba arat mot asi ageidek iti nen, ebe iniki hakhigidek kamotdisukha.

Yohanes 7:6

Itithogon yogokhukhama, at Yesus nen men yogeisasikhe, “O hibiku-yogoku hit nen hagasusak meke, erlok werek meke re, an nen hagasusak oba hakok i ageidek aban werek o.

Yohanes 8:20

Wene itithogon yogeisasikhe iti, at ebe Allah ai halekma peti uang Allah hasik 'bisegarekma alilu dogolik isikhe. Itithogon isinem, at ebe hakhausak oba aban asi ageidek werek korlek nogo nen, it akhuni emenogo ageikhe nen hakhigidek tha'bokhogonat kamotdisukha.

Roma 8:37

Itithogon mekeat he, Allah ninebe akmu nen ninoe Etagapogot Kristus Yesus woknisasikhemo ebe watlageikhe iti baga ninom hunik werekma ninebe watlasumo inom, niniluk dogoumo inom, iti nen agotninabusak erlok dek o. Malaikat pogot oba yoko nekharek meke iti inom, pogot oba inobatne werek meke aperek iti inom nen, agotninabusak erlok dek o. Yi meke ti meke yogotak hagatlagarek meke inom, yabokane hagatlasigin meke inom, iti nen agotninabusak erlok dek o. Nen, obatne werek meke aperek nen agotninabusak erlok dek o. Nen, yi meke ti meke pogot oba welagarek meke men, wema baga welagarek meke men, agotninabusak erlok dek o. Nen, Allah nen walhasikhe meke ninat meke aperek nen agotninabusak erlok dek o. At Allah nen ninebe akmutninakhikhemo, Kristus Yesus hagakhikhe iti baga, tha'bokhogonat itithogon weak hagatninakhunem nit agotninabusak erlok dek o. Mekeat he, akhuni wuleleken tiologo inatluk inobatne ageikharek hak, nit ninobatne agorek iluk hutdekhe lagei o.

1 Korintus 1:8

Yabokane ilugun oba ninoe Etagapogot Yesus Kristus wisigin itinem, hit weak werekma 'bithisa wisunogo iluk, at Kristus nenat hinetaiken horlethinakhe dogogin o.

Ibrani 3:14

Itithogon hagakhe dogolik, ebekeram ninetaiken at oba hakotdisugu meke itiat, niniki nomokhogon herogo werekma, hurli ilugun oba hago dogogun halok he, nit Kristus agarlak lak erugi agosik welago o.

Ibrani 3:6

Mekeat he, at Yesus anek he, Allah ebe a'but nogo nen, at iteerek nenat hagakherek. Nit hanotninabigin wene iti hasik ninetaiken ninobatnerogon oba hakotdiluk motok dogogun halok he, Allah ai halek iti, nit ninebeat o.

Ibrani 6:11

Nagarlak lak nerugi. Nit ninakla warlok he, hit hinakla nen, “Allah nen nit hanotninabigin,” iluk hinakla arleken akhekhe lagap meke itiat akhekhe dogoluk, hurli ilugun oba iteerek asubageik nen, hagakhe lagap iti hagat, hinebe tomok hinobatnerogon hagakho motok dogosak warlok apekhe lago o.

1 Petrus 1:13

Iti nen, wene iti hutdiluk nen, holak pirlirli luogoluk inobakha herle a'bethogon wakharek iti hak, hinobabut hebelogo, hinetaiken ekerlogo dogono. Itithogon dogolik, hinakla nen, “Allah nen Yesus Kristus ebe thelekmaat la'i agunem hano meke woknisasigin o,” iluk hinetaiken at oba la'iluk oba eberek motok dogono o.

1 Yohanes 4:19

Ebekeram Allah nen tak akmutninakhikhesikmo re, nit meneke, nit-nit nakmu-hakmurogon dogouok o.