Yohanes 12:9 - ALLAH ANE WENW KET MEKE WAROGO WOKNINAKHIKHE WENE

⁹ At Yesus nen itithogon yogeisasikhesik werekma, akhuni nen, “At Yesus o Betania werek o,” iluk isukhama, it akhuni Yahudi meke inebe doalegat inasuk holhukhasik lagoukha. Itithogon lagoukha iti, at Yesus anek inileken huogoluk lagoukha 'buk. Mekeat he, Lazarus warek meke Yesus nen ilugutdisikhe etnogo ipisagat inileken hisauwogoluk lagoukha.

Yohanes 12:9 ပူးပေါင်းရင်းမြစ်များ

Markus 12:37

At Daud ekaerek nen Kristus ebe hasik, An noe Etagapogot, iluk isikhe mekeat he, hit nen, Kristus iti Daud nen itago meke o, iluk nikithogon nen usak apegep. Itithogon usak erlok dek o,” iluk yogeisasikhe. Wene itithogon yakulisugunem it akhuni doalegat emenogo, at ane holhe dogolik, inakla arleken akhekhe lagoukha.

Yohanes 12:1

Wene itithogon isukhasik werek korlek, iniki 5 oba dogoluk nen, ageikhe baga pesta Paskah etnogo nuogoluk aban werek korlek, at Yesus o Betania ap Lazarus watlageikhesikmo nen ilugutdisikhe meke etnogo aila wageikhe.

Yohanes 12:10

Lagoukhama, it ap Allah iteerek inougi koktek meke emenogo nen, men isukha, “Lazarus warek meke Yesus nen ilugutdekhe iti nen, akhuni Yahudi meke inebe doalegat nit ninane here'isalok inetaiken Yesus oba hakotdiliogei,” iluk, Lazarus meneke wasuogoluk abok palhukhaat.

Yohanes 12:12

Itithogon isukhasik werek korlek, hubunke, it akhuni nen, “At Yesus o Yerusalem wisigiluk wiriogo,” iluk isukhama, it akhuni doalegat pesta Paskah nukunem natogokhukha meke emenogo inasuk holhukhasik nen,

Yohanes 12:17

Nen, at Lazarus warek thalhukhasikmo nen, at Yesus nen waikhikhemo ebe iluk ageikhesik dukhi agunem, it akhuni inileken hasukha meke emenogo nen, it aperek yogeisekhe dogolik,

La'isasikhe 4:14

Hutdisukhasik, ap isok hano hagakhukha meke etnogo, it Petrus Yohanes ipisak inom metek werekma, inileken hisalok nen, it ap emenogo nen wene nikithogon yogeisau heat hagatlageikhemo nen, yogeisigidek huk agoukha.