Yohanes 12:36 - ALLAH ANE WENW KET MEKE WAROGO WOKNINAKHIKHE WENE

³⁶ Hit hinebe an o liarinakherek meke na'buri asubageik nen, an ninom werek korlek yaat, nebe hutdaniluk hinetaiken noba hakotdekhe dogoni o,” iluk yogeisasikhe. Wene itithogon arat yogeisalok nen, at Yesus it here'isalok, ebe werlekmake limaklasi lageikhe.

Yohanes 12:36 ပူးပေါင်းရင်းမြစ်များ

Matius 21:17

it akhuni emenogo here'isalok, o kota etoma nen dukhi ageikhesik, o Betania noge i ageikhe.

Matius 5:14

Nen, akhuni agat oba yoma tha'bokhogonat liarinakhe lagap meke hirat welagap o. O kota ageikhe tom ukul ebe baga halek meke limaklasusak erlok dek o.

Lukas 16:8

Itithogon hagakhikhe meke iti, at oe etnogo abok asuk holhikhesik nen, men isikhe, Eiye! Akla motok kagalek iti nayuk e, iluk atuaneke korlo hagakhe lageikhe meke etnogo hogorakhikhe. Itithogon hogorakhikhemo iti, it akhuni agat oba yoma meke inobabut, it meke hagasuogoluk inakla motok kagalek mekeat he, it Allah a'buri inakla lia hagarogo 'bisasikhe meke iti, inobabut it hakene dek iti nen, itithogon isikhe iti.

Yohanes 11:54

Itithogon isukha iti nen, at Yesus o Yudea etoma ap Yahudi meke inil oba ebe thelekma negen nekhe lageidek. Limak-limak nekhe lageikhesik nen, o etoma here'isalok, o limo akhuni dekma aliluke o ukul etaga Efraim lageikhesik, at agarumi ane waganhe lagoukha meke emenogo inom etoma welagoukha.

Yohanes 12:37

At Yesus ebe it nen hutduagaluk elalin doalegat inil oba hagakhe lageikhe mekeat he, it nen, “At eberogonat,” iluk, ebe hutdekhe lagoukha motok dek o.

Yohanes 12:46

Nen, it akhuni inetaiken an noba hakotdugun meke tha'bokhogonat, o mum oba dogunogo iluk, liarinabigiluk an nebe liarinakherek meke agat oba yoma usa'agagi o.

Yohanes 3:21

Itithogon inakla apegarek meke re, it aperek inobabut mothogon hagariogei meke inebe tomogat, inakla apekhe dogolik, Allah ninom hunik dogolik yigithogon hano hagakhe lagoma, iluk, winam asuagaluk, an lia meke noba wageikharek o,” iluk yogeisasikhe.

Yohanes 8:12

Yabokane, at Yesus nen it akhuni emenogo wene ageikhe men yogeisasikhe, “Akhuni agat oba meke liarinakherek iti, anat o. Tha nen an noporlik nekhe dogogin halok he, an nebe lia dogolik inilugurinakherek meke etnogoat woknabigin iti nen, at iti o mummo nekhe dogogin dek o,” iluk ekhe lageikhemo,

Yohanes 8:59

Itithogon yogeisekhe lageikhemo, it ap emenogo nen, at Yesus ebe helekit oba wasuogoluk inikimo waganhukha mekeat, Yesus ebe limak lageikhesik nen, o Allah ai halekma thogotdiluk werlekmake lageikhe.

Efesus 5:8

Hit alebageik he, o mummo welagagip meke re, yogotak ninoe Etagapogot hinom hundiluk, o lia baga welagap iti nen, hinobabut o lia baga dogolik hagakhe dogosak mekeat mothogon hagakhe dogono o.

1 Tesalonika 5:5

Akhuni o dikene lia baga welageikharek hak, hit tha'bokhogonat lia iti iteerek mekeat welagap o. Nit he, o hibako mummo welageikharek hak, iti meke iteerek welago 'buk. Dek o.

1 Tesalonika 5:8

Meke re, nit o lia baga welagorek meke yi, ninobabut hebelogo dogosak. Ninobabut hebelogo dogolik akhuni aperek nen inasunogo iluk thin inobakha baga ikharek hak, ninetaiken Allah oba hakokthek dogolik, akhuni inebe ninakmurogon welagorek iti mekeat ikhigik, inukuloakma inasunogo iluk inukulasu a'bet meke dakulharek hak, Allah nen tilogo hanotninabigin iluk, ninakla hano welago iti mekeat dakuligik, hagakhe dogouok o.