Yohanes 12:3 - ALLAH ANE WENW KET MEKE WAROGO WOKNINAKHIKHE WENE

³ Itithogon nasi korlek, at he Maria nen apusu etaga narwastu obasi hano meke oko kogat palharek meke, setengah liter waganogo Yesus isok oba watdisikhesik nen, at Maria ekaerek isi baga kokhikhe. Itithogon hagakhikhemo, uma etnogo obasi motok yik-mikhogon hagatlageikhe.

Yohanes 12:3 ပူးပေါင်းရင်းမြစ်များ

Lukas 10:42

Meke re, wene opakiat meke anek hagasusak werek korlegat, hat nen yi meke ti meke hagakhe lagan. Hagot Maria yi, wene opakiat hano meke itiat wenago 'bakhekhesikmo, it akhuni aperek nen ikimo tilogo waganusak dek meke 'bakhekhesik werek o,” iluk yogokhikhe.

Lukas 7:46

Nen, hat nen an nukuloak oba apusu ageikhe watdanhen dek mekeat he, he yi anek apusu obasi hano meke nisok oba watdanhe o.

Yohanes 11:2

He Maria iti ebe, yabokane apusu obasi hano meke ninoe Etagapogot Yesus isok oba wakhikhesik nen isi baga hokhikhe meke etnogo. Itithogon inaila werekma itinem, at Lazarus oba u warogo 'bekhemo

Yohanes 11:28

Itithogon yogotluk, Marta nen oe Maria wasi lageikhemo asokneat wageikhemo nen, men yogokhikhe, “Ninoe wene yakulnisiliogo meke etnogo ebe wagasik horok yoma dogolik wahiriogo,” iluk ane hok-hokhogon yogokhikhe.

Yohanes 11:32

Waga korlek, he Maria etnogo ileken Yesus ebe lakhasikhesik nen, oba lageikhesik itibagal yukukhogon at apma thoma isikhesik nen, men yogokhikhe, “Noe. Hat yoma witluk dogolenma re, an neru watlaga iti, watlatlep dek apigi o,” iluk yogokhikhesik de agunem,

Yohanes 19:39

Itithogon wagani ageikhemo, at Nikodemus, alebat hibako Yesus oba wageikhe meke etnogo nen, o mur eken apusu inom, o ageikhe apusu obasi hano meke inom, dapuk-hapukhogon hagarogo akin 30 kilo hakene wolok Yusuf ipisak wagoukha.