Yohanes 12:2 - ALLAH ANE WENW KET MEKE WAROGO WOKNINAKHIKHE WENE

² Wageikhemo, it akhuni etoma nen arini isakhukhama, he Marta nen hipiri wogeisekhe korlek, Lazarus men, akhuni inayoko 'bisukha meke men, Yesus inom nasukha.

Yohanes 12:2 ပူးပေါင်းရင်းမြစ်များ

Matius 26:6

Itithogon isukhasik werek korlek, at Yesus o Betania ap Simon u henako hakene inayuk meke haganeat ebemake welageikhe meke iti aila etoma ukisikhesik werekma,

Markus 14:3

Abok itithogon palhe korlek, at Yesus lak o Betania lagoukhasik, ap Simon u henako hakene inayuk meke haganeat ebemake welageikhe meke iti aila ukisikhesik dogolik, hipiri nuogoluk hurek lageikhe. Hurek lageikhesik werekma, he ageikhe nen isoak helekit etaga pualam meke hagarek meke baga apusu narwastu apusu obasi hano meke oko kogat palogo akla henago wolok Yesus oba ukisikhe. Oba ukisikhesik, isoak etnogo ape obakha thekekhogon, apusu Yesus ukuloak oba tialogo usa'isikhe.

Lukas 12:37

At kok etnogo atuaneke meke emenogo inoe therogo werekma ebe waga dogoumo nen, inakla arleken motok akhagun o. Itithogon therogo werekma witluk nen, at inoe etnogo asu it inasu hakene ikhogo, at agarumi emenogo isago etnogo noagaluk inebe opakimo dapukhogon huretdisalok nen, at nen melageisagein, iluk yokhisigi.

Lukas 14:12

Itithogon yogeisalok nen, at Yesus nen ap ai iteerek inayoko 'bisikhe meke etnogo yogokhe dogolik, “Dikene a? Hiamaganekeke a, hat nen akhuni hinom hipiri opakimo isago nuogoluk halok he, hinom hunik meke inom, hagarlak lak eke inom hougi hageikhugi meke inom, ap koktek inikierek hinom welagathep meke etoma inom, inayoko 'bugun o. Itithogon hagakhen halok he, oko yabokane it ageikhe isakhe dogolik hat hayoko 'bumo, oko wokhesunogo.

Lukas 22:27

Hit hinakla nen ap tha hak kok werek apegep. At ap hurek dogolik hipiri niliogo meke iti a? At he, atuaneke meke nen, at oe noagaluk wogosiriogo meke iti a. Dek o. Kok he, at hurek dogolik hipiri niliogo meke, itiat o. Itithogon meke re, an hit ninom dogolik hinatuaneke negen hagakhe lagei o.

Lukas 5:29

Lageikhesik nen, at aila yesus elokhoma thini kogat isakhikhe. Itithogon isakhikhesikmo, akhuni uang pemerintah hasik kino iluk waganhe lagoukha meke doalegat men, akhuni aperek men, at inom hureklatluk opakimo dapukhogon hipiri nasi lagoukha.

A'bikaka 3:20

Lakhani! An nebe holagapema metek dogolik, thu ane puputhekhe lagei o. Itithogon puputhasinem, tha nen nane asuk holiluk nen, thu hualneagein halok, an at oba 'bikha ukiluk nen, nipisak hipiri nasi nagarlak-hagarlagat dogogun o.