Yohanes 12:18 - ALLAH ANE WENW KET MEKE WAROGO WOKNINAKHIKHE WENE

¹⁸ “At Yesus ebe hutduagaluk elalin meke itithogon hagakhe,” iluk isukhama akhuni inebe doalegat inasuk holhukhasikmo nogo nen, Yesus elokhoma dukhi agoukha iti.

Yohanes 12:18 ပူးပေါင်းရင်းမြစ်များ

Lukas 19:37

Talik lagoukhasik nen, o Yerusalem horokhogon asi lagoukhasik, holak tom Zaitun oba nen usegarekma etoma usauwogoluk at agarumi oporlik nekhe lagoukha meke inebe doalegat emenogo, at Yesus hagasusak dek meke elalinat hagakhe lageikhe emenogo inileken hekhe lagoukhasikmo iti nen, inakla arleken akhekhe dogolik, inane kokhogon amitmit suphogon Allah hogorarik usasukha.

Yohanes 12:12

Itithogon isukhasik werek korlek, hubunke, it akhuni nen, “At Yesus o Yerusalem wisigiluk wiriogo,” iluk isukhama, it akhuni doalegat pesta Paskah nukunem natogokhukha meke emenogo inasuk holhukhasik nen,

Yohanes 12:19

Itithogon dukhi agoukha iti nen, it ap Farisi meke it-it wene ekhe dogolik, “Warligi yi. Yi akhuni ti akhuni tha'bokhogonat, at oporlik motok liliogei iti nen, nit nen hagakhe lago etnogo hagakhunem, ninane kok asigin apekhe lagap a? Motok dek o,” iluk isukha.

Yohanes 2:11

At Yesus ebe hutduagaluk elalin meke ageikhe hagakhidekma alebageik hagakhikhe iti, o Galilea o ukul Kana dogolik hagakhikhe iti baga, at hogorakharek meke inilurogo yakulisasikhemo, it at agarumi ane waganhe lagoukha meke emenogo Yesus ebe hutdiluk, inetaiken at oba hakotdisukha.

Yohanes 6:2

I aik ilibaganke italhunem, alebat akhuni inoba u warek meke elalinat hagarinakhunem inileken hasukhasikmo nogo nen he, akhuni inebe doalegat doaldiluk, at oporlik lagoukha.