Yohanes 12:13 - ALLAH ANE WENW KET MEKE WAROGO WOKNINAKHIKHE WENE

¹³ tukhe eka hakene meke palhigik wolok, Yesus elokhoma amitmit luk-luk dukhekhe dogolik, men isukha, “Wa! Wa! Wa!” iluk u hak, “Hosana! Ninopase Allah Etagapogot nen nit akhuni Israel meke ninoe kok etagapogot la'agei agama wagan yi, at nenat hanothabuak o,” iluk etai warik warik dukhi agoukha.

Yohanes 12:13 ပူးပေါင်းရင်းမြစ်များ

Matius 23:39

Hurli yogotak nen he, an nebe hinileken niigidek dogoluk nen, Ninopase Etagapogot Allah nen la'agei agama wagan yi, at nenat hanothabuak o, iluk yabokane yoknesugun iti hurli hinileken neagun o,” iluk yogeisasikhe.

Matius 27:42

“At nen akhuni aperek tilinakhe laga etnogo mekeat he, at ekaerek nen, tilausak erlok dek yoma re! At o ithi baga nen tilogo usa'aga halok he, ninileken halok at iti nit akhuni Israel meke ninoe etagapogot eberogonat o, iluk, hutduok nen usatnek he!

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

Yohanes 12:14

Dukhi agunem, at Yesus wam keledai eak ket aban meke ageikhe waganhikhesik, apot oba yasuk lageikhesik ukisikhe. Ukisikhe iti, Allah nen haganeat men isikhemo holal yigithogon waganek werek,

Yohanes 12:15

“Hit akhuni o kota Sion welagathep meke hinayuk agup o! Hinoe kok etagapogot wam keledai eak ket aban meke apot oba yasuk latluk wiriogo ili hinileken lakhani o!” iluk isikhe tak-tagat hagakhikhe iti.

Yohanes 19:15

it nen inaneak kokhogon walhe dogolik, “Ebe watno! Eba watno! O baga meldiluk watno o!” iluk yogokhukhama, at Pilatus nen, men yogeisasikhe, “An nen hit hinoe kok etagapogot yi, o baga meldiluk wasusak hano apekhe lagap a?” iluk yogeisasikhemo, it ap Allah iteerek inougi koktek nen, men yogokhukha, “Nit ninoe kok etagapogot Kaisar arligat o. Ageikhe dek o,” iluk yogokhukhama,

A'bikaka 15:3

Itithogon dogolik, etai at Musa Allah atuaneke etnogo inom, Domba Eak etnogo inom, ipisak inaetai wakhe dogolik men ekhe lageikha, “Allah ninopase, u a e, Hat hobatne horleakma re, u a e, Yi meke ti meke hagasusak anekma, u a e, Elalin kokhogon inayuk meke anek hagakhetek o, u a e, Hat yi akhuni ti akhuni inopase Hetagapogot dogolik, u a e, Mothogon anek hagarinakhetek, u a e, Hano anek hagarinakhetek, u a e, Ninopase, u a e. Ninopase Hetagapogot hat harligat karelogo dogolik, u a e, Akhuni ukum inoba 'bigik, kokhik, hagakhe dogolik, u a e, Akhuni tha'bokhogonat inil oba, u a e, Eberogonat motok hagakhen o, u a e, Akhuni inukuloak etaga tomok tha'bokhogonat, u a e, Hapma ukitluk, u a e, Initibagal yukukhogon, u a e, Hogothakhik, heagei wathakhik, hagakhunem, u a e, It akhuni thani hak nen hat inayuk dek dogolik, u a e, Hogothakhidek huk asusak, u a e, Dek, u a e,” iluk etai wakhe lageikha nasuk holhi.

A'bikaka 19:16

Nen, at etaga thalek ageikhe yigithogon, “Ap koktek inetagapogot tha'bokhogonat inom, inougi koktek tha'bokhogonat inom, inoe kok Netagapogot he, anat o,” iluk asu uanat at oba inom, arlisu oba inom, holal waganek werekma higi o.

A'bikaka 7:9

Itithogon higirik oba nen, oporlik nileken hisigirik nen, yi akhuni ti akhuni inukuloak etaga tomok, inoado tomok, inai tomok, inane tomok, inasu kut uatek ugu meke, akhuni nen etai wakhe dogolik, ya'beka thoporlogo inikimoke waganharek iti hak, oka meke inikimoke wolok, Allah kok welagarekma obolukmo etoma Domba Eak ipisak welageikharekma iniloba natogorlek inebe hurli yi baga iluk, iniki wenasusak motok erlok dek dogolik, inane kokhogon men ekhe lageikha, “Ninopase Allah kok hobolukmo welagatek meke, u a e, Eak hipisak, u a e, Tilninakherek erlo, u a e, Hirat welagathep, u a e,” iluk etai wakhe lageikha hisigi o.