Yohanes 11:55 - ALLAH ANE WENW KET MEKE WAROGO WOKNINAKHIKHE WENE

⁵⁵ Welagoukha etanemat, it akhuni Yahudi meke pesta etaga Paskah nekarek etnogo meke nausak oba arat hakok i ageikhemo nuogoluk aban dogolik, it inoba horogo iluk, Yahudi meke hagakharek hak hagasuogoluk, inaila tomok nen o Yerusalem natogosi lagoukha.

Yohanes 11:55 ပူးပေါင်းရင်းမြစ်များ

Matius 26:1

At Yesus nen wene iti tha'bokhogonat arat yogeisasikhesik nen, yabokane agarumi ane waganhe lagoukha meke emenogo men yogeisasikhe,

Matius 26:2

“Niniki pere dogoluk nen pesta Paskah hagasugun iti hit hiniluat o. Itithogon hagakhe korlek, an abat itaklasi agagi etnogo, ap nen yoko lalok it aperek nen o baga meldaniluk nasuagaluk inikimo 'banugun o,” iluk yogeisasikhe.

Markus 14:1

Itinem it Yahudi meke domba pesta Paskah etnogo meke men, eken roti hisuagaluk akla usakharek meke akla usakhidek werago nekarek etnogo meke men, iniki pere dogoluk, ageikhe nen nuogoluk werek korlek, it ap Allah iteerek meke emenogo inougi koktek men, Allah ane holal waganek iteerek meke emenogo men, Yesus inileken wolok limago ha'iluk wasuogoluk abok palhe lagoukha.

Lukas 22:1

It akhuni Yahudi meke pesta etaga Paskah neke dogolik, eken roti hikherek meke akla usakharek meke akla usa'igidek meke werago nekarek oba horogat asi ageikhemo dogolik,

Yohanes 12:1

Wene itithogon isukhasik werek korlek, iniki 5 oba dogoluk nen, ageikhe baga pesta Paskah etnogo nuogoluk aban werek korlek, at Yesus o Betania ap Lazarus watlageikhesikmo nen ilugutdisikhe meke etnogo aila wageikhe.

Yohanes 13:1

Nen, hubenke pesta Paskah etnogo nuogoluk dogolik, at Yesus nen, o agat oba yoma thogotdiluk opase baga apuke dageigin etnogo arat horok asi ageikhemo ilu welageikhe. Nen, at ekaerek agarumi agat oba meke etaiken hunik motok welageikhesik nen, yabokane inebe a'it ageidegat ilugun hurli baga etaiken hunik motogat welageikhe.

Yohanes 18:28

Itithogon hagatluk, thue ane isikhemo, huben siakhogonat at Yesus ap Kayafas werekma nen, gubernur ai o kok halekma wolok wagoukha. Wolok wagoukhasik, Yesus anek uma kola'isukhasik, “Nit pesta Paskah etnogo meke neke dogosakma, nit nen ninabusagat ukumo, nit weagarogo 'binanunogo,” iluk , o kok halek gubernur aila etoma ukigidek, o silimo huk agoukha.

Yohanes 2:13

Etoma werekma, it akhuni Yahudi meke nen, “Alebat at Allah nen tilninakhikhe,” iluk, inakla eberogo dogolik domba warogo pesta etaga Paskah hasik nausak oba arat hakok i ageikhemo, Yesus o Yerusalem usasikhe.

Yohanes 2:6

It akhuni Yahudi meke nen haganeat etoma nenat hagakhe dogolik, yi meke ti meke men, inoba men, thobalogo anek hagakharek meke hasik isoak helekit meke herlelek koktek meke ebe 6 oba etoma 'bisukhama welageikhe. Isoak koktek dorom hakene iti ebe dopok akla i 100 liter hakene henasusak erlok welageikhe.

Yohanes 5:1

Itithogon hagatluk nen, it Yahudi meke pesta ageikhe hagakhe lagoukha meke hagakhunem Yesus yabokane o Yerusalem usasikhe.

Yohanes 6:4

Nen, eta mot-mot, it akhuni Yahudi meke nen, “Allah nen tilninakhikhe,” iluk inakla eberogo pesta etaga Paskah nekarek etnogo nausak oba arat hakok i ageikhe.

La'isasikhe 21:24

Halok he, hat nen it inebe woginabiluk nen, it hinomat hinoba horogo, it inisi tha'bokhogon paluagaluk, oko hat nen 'bino. Itithogon hagasumo, it ap Yahudi meke nen, At Paulus abok holhe lago etnogo dekmaat higi. At ekaerek nen wene Allah nen ninasuk wakhikhe meke etnogo hago dogoligat itithogon hagakhe lagama o, iluk, it tha'bokhogonat inilu asugun iti.

La'isasikhe 21:26

Yogokhukhama, at Paulus nen ap inebe 4 eranogo woginakhikhesik nen, hubenke inoba horogo, inomat Allah ai halekma ukisukha. Ukisukhasik, at nen he, “Niniki yi baga ninoba horogo Allah hasik dogoluk nen, hurli iti baga nen it yoma inebe tomok inobasik Allah ako waresugun,” iluk iki wenago yogeisasikhe.

La'isasikhe 24:18

Lagarik nen, itithogon hagakhe dogolik, o Allah ai halekma ukuogoluk inoba horegarek iti hagat, itithogon hotdiluk nen ukigi. Itithogon hagakhi iti, akhuni doalegat ninom ukigidek. It aperek ninom ninane thagalhidegat werekma it Yahudi meke nen inileken neegaat.

1 Korintus 11:28

It aperek nen, at Ebe hutdigidek dogolik hipiri iti meke nikik, eken apusu iti meke nikik, neke dogolik, inekaerek nen wene inoba 'bakhiliogei iti nen, hit hinebe tomok hinekaerek nen hinobabut palano. Itithogon hinobabut palalok nen, hipiri iti meke nikik, eken apusu iti meke nikik, hagasusak o.

Yakobus 4:8

Hit Allah oba dopokhogon welagap halok he, at meneke hit hinoba dopokhogon wisiginat o. Hit weak hagakhe lagap meke iti, hiniki bagake horogo here'isekhe dogono o. Hinetaiken pere meke yi re! Hinakla weak meke horogo la'isekhe dogono o.