Yohanes 11:53 - ALLAH ANE WENW KET MEKE WAROGO WOKNINAKHIKHE WENE

⁵³ Itithogon yogeisasikhemo, hurli iti hurli nen, it ap koktek Yahudi meke nen Yesus ebe motok wasuogoluk abok palhe lagoukha.

Yohanes 11:53 ပူးပေါင်းရင်းမြစ်များ

Matius 12:14

Itithogon hagakhikhemo, it ap Farisi meke emenogo o silimo dukhisukhasik nen, Yesus wasuogoluk abok palhe lagoukha.

Matius 16:21

Hurli iti hurli nen, at Yesus nen agarumi ane waganhe lagoukha meke emenogo at yabokane hagasigin meke pakhogon men yogeisasikhe, “An o Yerusalem eloma lausak welagei o. Laumo it ap inarluetek emenogo men, Allah iteerek meke inougi koktek men, Allah ane holal waganek iteerek meke men, inom nen, yi aik ti aik doalegat hagatnabiluk nebe nasugun o. Nasumo nen, niki pere nebe warek dogoluk nen, niki ageikhe baga yi nen, Allah nen nilugutnabigin o,” iluk pakhogon yogeisasikhe.

Matius 22:46

it nen wene oko nikithogon yogosu heat hagatlageikhemo, hurli iti hurli nen, yabokane akhuni tha'bokhogonat nen wene ageikhe hinok waganu inayuk ageikhe.

Matius 26:4

Yesus inileken wolok limago ha'iluk wasuogoluk abok palhe lagoukha.

Matius 26:59

Hurek werek korlek, it ap Allah iteerek inougi koktek men, wene Allah hasik erlo pilinekharek meke tha'bokhogonat men, at Yesus wasuogoluk, men isukha, “Akhuni at weak hagakhunem inileken hega meke uak nen herageinabini,” iluk inekalat wene oba 'buagaluk herageinakhukha meke re,

Markus 14:1

Itinem it Yahudi meke domba pesta Paskah etnogo meke men, eken roti hisuagaluk akla usakharek meke akla usakhidek werago nekarek etnogo meke men, iniki pere dogoluk, ageikhe nen nuogoluk werek korlek, it ap Allah iteerek meke emenogo inougi koktek men, Allah ane holal waganek iteerek meke emenogo men, Yesus inileken wolok limago ha'iluk wasuogoluk abok palhe lagoukha.

Markus 3:6

Iki itithogon hano hagakhikhemo, it ap Farisi meke emenogo dukhisukhasik ibat Herodes agarumi inoba lagoukhasik nen, “Yesus nikithogon wasuok,” iluk inom abok palhukha.

Yohanes 11:47

Itithogon yogeisa lagoukhama nen, it ap Allah iteerek inougi koktek men, it ap Farisi meke men, it ap wene Allah hasik erlo pilinekharek meke waisasukhama wagoukhama nen, men yogeisasukha, “At ap iti ebe hutduagaluk elalin meke doalegat hagariogo iti re, nit nen nikithogon hagasuok apegep?

Yohanes 12:10

Lagoukhama, it ap Allah iteerek inougi koktek meke emenogo nen, men isukha, “Lazarus warek meke Yesus nen ilugutdekhe iti nen, akhuni Yahudi meke inebe doalegat nit ninane here'isalok inetaiken Yesus oba hakotdiliogei,” iluk, Lazarus meneke wasuogoluk abok palhukhaat.

Yohanes 7:1

Wene itithogon arat yogeisasikhesik nen, it ap koktek Yahudi meke nen, Yesus ebe wasuogoluk abok palhe lagoukha iti nen he, at ebe o Yudea usalok nekhe dogou a'it nen, o Galilea eloke etoma nekhe lageikhe.

La'isasikhe 5:33

Itithogon yogeisasikhemo, it inakla aga dageiluk ap Yesus nen inayoko 'biluk la'isasikhe meke emenogo inasuogoluk hagakhukha.

La'isasikhe 9:23

Itithogon dogolik, iniki doalegat welagoukhasik nen, Saulus ebe wasuogoluk abok limago palhukha.