Yohanes 10:38 - ALLAH ANE WENW KET MEKE WAROGO WOKNINAKHIKHE WENE

³⁸ Meke re, an nen hagakhe korlegat, hit eberogonat iluk hinetaiken an noba hakotdusak hina'it iti o. Itithogon hagakhethep iti an nen nopase nipisak hunik, nen, at nen an nipisak hunik, welagorek iti, hinilu atluk nen eberogonat iluk hutdubageik nen, an hagakhe lagei meke iti eberogonat iluk hutdini o!” iluk yogeisekhe lageikhemo,

Yohanes 10:38 ပူးပေါင်းရင်းမြစ်များ

Yohanes 10:25

at Yesus nen he, men yogeisasikhe, “An arat yokhisekhe lagei mekeat he, hit nen eberogonat iluk apekhe lagap dek o. An nopase nen nayoko 'bisikhemo hagakhe lagei iti, an nabok pakhogon yokhisau hagat, hagakhe lagei mekeat he,

Yohanes 10:30

Nopase nipisak ninebe opakiat o,” iluk yogeisekhe lageikhemo,

Yohanes 11:4

at Yesus yogosi lagoukha. Yogosi lagoukhama, asuk holhikhesik nen, men yogeisasikhe, “U warek iti nen, at ebe motok watlasigin 'buk. An nen hagakhunem, akhuni nen Allah ebe hogorakhik, a'but an hogotnakhik, hagasuagaluk, u warogo 'bekhemo werek iti o,” iluk yogeisasikhe.

Yohanes 14:20

Itithogon hinileken neagun itinem, an nopase nipisak hunik welago, nen, hit an ninom hunik, nen an hit ninom hunik welago meke iti, hinilu asigin o.

Yohanes 17:11

Yogotak an nen, agat oba yoma erapik dogogin dek o. Hat 'bikheasigin mekeat he, it anek, agat oba yoma dogogun o. Hat weak hagakhidek karelek motok welagatek meke, nopase. Nit nipisak ninebe opakiat welagorek etnogo hak, it itithogonat inebe opakiat dogoak nen, hat hetaga kok meke an thalnakhigin iti baga, it hagasik dogono o, nopase.

Yohanes 3:2

Nen, ap iti o hibako iniki ageikhe baga Yesus oba wageikhesik nen, men yogokhikhe, “Noe. Ap ageikhe Allah ipisak hunik dek halok he, hat nen elalin meke hagarik nekhe lagan iti hak, hagasusak motok erlok dek. Iti nen, hat nen wene yakulnisoagaluk Allah nen la'agei agama wagan iluk ninilu aga,” iluk yogokhikhe.

Yohanes 5:36

an nebe hutdanuagaluk, at nen nabok pilinogo yokhisekhe lageikhe mekeat he, erlok dek negen. At he, an nopase nen, Nayabu ato 'bigidek tha'bokhogon hagatno, iluk nayoko 'bisikhemo hagakhe lagei iti baga anek he, akhuni nen, At ebe opase nen la'i ageikhemo, iluk nabok isinem inasuk holiluk nebe hutdanu hagat, hutdanusak o.

La'isasikhe 2:22

Meke re, hit akhuni Israel meke nagarlak lak nerugi. An nane igin yi holini. Yesus ai Nazaret meke etnogo Allah nen ayoko 'bisikhemo, ninom dogolik, wene hutduagaluk hagasusak dek meke Allah nen iki obatnerogon elalinat hagakhe lageikhe iti nen, ebe Yesus nenat hagakhe lageikhe. Halok he, Yesus Allah nen la'i ageikhemo, iluk thelekmaat hagatlageikhe iti hinilu.

1 Yohanes 3:24

Nit Allah nen wene ninasuk wakhikhe wene iti hologo mothogon hagakhe lago halok he, at Agoreke woknisasikhemo ninakla werek, iti baga, nit at ninom hunik, nen at nit ninom hunik welago, iluk hutdekhe lago.