Yohanes 10:28 - ALLAH ANE WENW KET MEKE WAROGO WOKNINAKHIKHE WENE

²⁸ Noporlik nekhe korlek, it iniluk motok dogoagaluk inilugurinakhe dogogin iti nen, it inebe watlatluk nuk asugun dek o. It an niki baga werek korlek, it ap aperek nen tilogo woginabusak erlok dek o.

Yohanes 10:28 ပူးပေါင်းရင်းမြစ်များ

Markus 13:22

It akhuni aperek inekalat ekhe dogolik, Kristus etnogo nebe anat o, igik, nen, it aperek nen, Allah ane yokhisegerek meke anat o, igik, i wisugun o. Witluk nen, Akhuni Allah nen wenageinakhikhe meke emenogo nukhetdisausak a? Dek a, iluk nukhetdisauwogoluk, inane eberogonat apoagaluk hagasusak dek meke elalin meke hagarik wisugun o.

Lukas 23:46

Itithogon kagoukhogon hagatlageikhemo, at Yesus ane kokhogon Allah yogokhe dogolik, “Nopase o! An nagurlagun kigikhogon hat hikimo waganinok nen, iluk yokhikhi o,” iluk yogokhikhesik nen, arat debekhogon watlageikhe.

Yohanes 10:29

Ap aperek erlok dek mekeat he, an nopase nen nadomba woknikhikhe meke iti anek he, ebe obatne werek o. It an nopase nen woknikhikhe meke iti, at iki baga werekma, it ap aperek nen tilogo woginabusak erlok dek o.

Yohanes 11:25

at Yesus nen, men yogokhikhe, “Akhuni iniluk motok dogoagaluk, an nenat inilugurinakherek o. At tha nen etaiken an noba hakotdilukmo nen watlasigin halok, at ebe watlasigin mekeat he, yabokane iluk atluk iluk motok dogogin o.

Yohanes 14:19

Niniki herlekha'bugat dogoluk nen, akhuni agat oba meke inileken neagun motok dek mekeat he, hit anek he, an nilugat dogogin, nen hit yabokane hinilugat dogogun iti nen, hinileken neagun o.

Yohanes 18:9

Itithogon yogeisasikhe iti, aban hagatlageidek werek korlek alebat, at Yesus nen allah yogokhe dogolik, “Nopase Allah. Akhuni hat nen woknikhigin meke emenogo ageikhe nalageidek o,” iluk yogokhikhe meke etnogo ane ebeat asuagaluk itithogon yogeisasikhe iti.

Yohanes 3:36

Halok he, tha nen etaiken Allah a'but oba hakotdiliogo halok, iniluk dogogun meke iti ite agasik werek o. Meke re, tha nen, at a'but iti ane holhidek kolelogo here'isiliogo halok, iniluk motok dogogun meke iti ite asigin dek o. At he, Allah akla aga at oba motok 'biluk dogogin o.

Yohanes 4:14

i an nen wogeisaumo nasi halok he, it inakla nen i elesi hakene hunak-hunak dukhisi motok dogogin iti nen, iniluk motok dogolik, it yabokane i abu aga dogogun motok dek o,” iluk yogokhikhe.

Yohanes 5:24

“It akhuni tha nen, an nane waganhe dogolik, inetaiken an la'ani ageikhe meke etnogo oba hakotdugun halok, akhuni watlatluk lageikharek erlo thogotdisalok iniluk motok dogogun meke erlo baga arat wageikhasik werek o. Iniluk motok dogogun meke iteerek ageikhasik werek iti nen, yabokane wene inoba 'bigin dek o, iluk eberogonat yokhisigi.

Yohanes 6:27

Hipiri hirli atluk dek asusak meke hasik yabu hagakhup o. At he, hipiri motok dogogin meke neke dogolik, iniluk motok dogosak meke iti, an nenat wokhisekhe dogoagaluk, nopase nen nayoko 'biluk la'ani ageikhemo, abat itaklasi agagi iti hasik yabu hagakhe dogono o,” iluk yogeisasikhe.

Yohanes 6:37

Meke re, an pogot oba nen usa'agagi iti, an nekaerek nakla nen kagalogo hagasigiluk usa'agagi 'buk. At la'ani ageikhe meke akla apekherek meke itiat mothogon hagasigiluk usa'agagi iti nen he, akhuni an nopase nen woknekherek meke inebe tomok noba wagunem, an nen, Hit an noba wisusak dek, iluk wenageisagein motok dek o.

Yohanes 6:47

Ap tha nen etaiken an noba hakotdekhe halok he, iniluk motok welageikharek meke iteerek agasik werek o, iluk, eberogonat yokhisigi o,” iluk yogeisasikhesik nen,

Yohanes 6:68

Itithogon yogeisekhe lageikhemo, at Simon Petrus etnogo nen, men yogokhikhe, “Eiye. Noe. Ninebe niniluk motok dogosak hasik meke wene re, hat nen yoknisekhe lagan ha yoma re. Hat here'agaluk ap tha baga lausak apegen. Dek o.

La'isasikhe 7:59

'Biluk nen, ebe helekit oba wakhe korlek, at Stefanus etnogo Yesus etaga palhe dogolik, “Yesus noe. Nagoreke hat nen woknabi me o,” iluk isikhe.

Roma 5:17

Ap opakiat nen Allah ane thagalogo weak hagakhikhesik, watlageikhesikmo, watlariogei erlo at oba nen obatne ageikhesik nen, wialageikhe iti o. Itithogon mekeat, Allah obabut hano nen, Yesus Kristus werlegat woknisasikhemo, at ebe opakiat nen, hano hagakhikhe iti anek, kok motok. Itithogon hagakhe dogolik, wene ninoba meke werlegat korogo wokhalok Allah ninom ninapuke hunogo 'binanhikhemo, at ninom hunik niniluk dogolik ninobatnerogo hano dogogun.

Roma 5:2

Nit ninetaiken Yesus oba hakotdisugu iti bagaat, at nen Allah obabut hano nen hanotninakherek iti apma 'binanhikhemo iti baga hakotdiluk welago. Dogolik, Allah hogorakho motok welageikharek iti hak, nit itithogonat hogotninabigin o, iluk ninakla arleken akhekhe lago.

Roma 5:21

Weak hagakharethek watlageikharek iti baga, weak hagakharek meke obatne ageikhe iti hak, ninoe Etagapogot nen wene ninoba meke korogo wokhalok, Allah ninom hunogo 'binanhikhe iti baga, Allah obabut hano nen akmutninakherek meke iti obatne ageikhemo, niniluk motok dogogun iti.

Roma 5:9

At Kristus amep ulabogo watlageikhe iti baga, wene ninoba meke korogo wokhalok Allah ninom yabokane ninapuke 'binanhikhesik nogo nen, yabokane Allah akla aga ninoba 'bisinem tilninabigin dek nogo? Tilninabiginat o.

Roma 6:23

Weak hagakharek iti oko re, watlageikharek iti. Nen, ninoe Etagapogot Yesus Kristus ninom hunik werekma, Allah obabut hano nen oko degat niniluk motok dogoagaluk hagatninakherek iti.

Roma 8:1

Yogotak nit Kristus Yesus ninom hunik welago meke Allah nen wene ninoba 'biluk weagatninabigin dek o.

Roma 8:29

Haganeat, at Allah nen nit ninebe ilu dogolik, at a'but hakene asuagaluk wenakninakhikhe. At Yesus ebe makusa meke, agarumi doalegat at inom dogoagaluk wenakninakhikhe iti.

Filipi 1:6

At Allah nen hit hano hagathinabigiluk, alebageik iki hakhinakhikhesik hano hagathinakhe motok dogoluk nen, hurli at Yesus Kristus wisigin itinemat, o arat halharek hak, hano hagathinabi isigin iti eberogonat iluk, netaiken hapukhogon welagei.

2 Tesalonika 2:13

Nagarlak lak nerugi. Hinebe ninoe Etagapogot nen akmu werek o. Erlo baga Allah nen hinebe tilhinabigiluk wenakhinakhikhemo, hit nen ebe wene iti eberogonat iluk waganhik, nen, hinebe Allah Agoreke nen Allah ekaerek hasik 'bakhalok karelogo 'bisigik, hagakhe dogogun iti baga tilhinabigin iti nen, nit Allah heagei wasusak tak-tagat, hit hinobasik heagei wakho motok welago o.

1 Timotius 1:16

Meke re, it akhuni aperek yabokane inetaiken Yesus oba hakotdisinem iniluk motok dogoagaluk, hagarinabigin meke inakla nen apekhe dogolik, “Paulus weak hagakho korlegat he, Kristus Yesus akla puk ageidek obakhanini hapugutdiluk motok welageikhesik nen, akmuratluk ebe waganhikhe iti, at nen akhuni weak hagakharek meke itithogon woginakherekma higi,” iluk, Allah obabut ekagat hutduagaluk, an tak itithogon woknakhikhe iti o.

2 Timotius 1:12

Itithogon la'ani ageikhemo nekhe lagei iti nen, it akhuni nen yi aik ti aik hagatnakho korlegat, netaiken ebe nilu meke oba hakokthek welagei, iluk nekarli ageidek, nakla pugat welagei. At nen he, “An meke yi haknarik dogono. Haknarik werekma, hurli an nebeat wisigin o,” iluk, noba 'biluk nayoko 'bisikhe meke iti, ekaerek obatne baga erlok haknarik dogogin o, iluk nakla nen hutdekhe lagei.

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

1 Petrus 1:5

Hinetaiken at Allah oba hakotdiluk welagap iti nen, at obatne baga hakhisik dogoluk nen, yabokane hinebe hanothinabigin meke ilugun hurli baga winametdigin iti.

1 Yohanes 1:2

Nen, at iluk motok welagarek meke iti, ebe opase ipisak iluk motok welageikhesik nen, opase nen nit ninileken hoagaluk thelekmatdisikhemo ninileken hasugusik nenat abok yokhisekhe lago o.

1 Yohanes 2:19

It akhuni iti inebe re, nit meke palek mekeat he, it inebe eberogonat nit werekmake meke dek o. It inebe eberogonat nit werekmake meke dogolepma re, inebe nit ninom motogat dogolo. Meke re, it iti inebe tha'bokhogonat nit meke dek, ninat meke ekagat hagatlasuagaluk dukhisukha iti o.

1 Yohanes 2:25

Nen, at ekaerek nen, “Wokhisagein,” iluk abok yoknisasikhe etnogo, ninebe naburlal-haburlal hagatninabigiluk isikhe o.

1 Yohanes 5:11

At Allah nen a'but hasik wene pakhogon yoknisekhe dogolik, “Inebe iniluk motok welageikharek iti, erlo re, an na'buratma, an nen Yesus ebe wokhisekhe dogolik, naburlal-haburlal ebeat meke wokhisasigi iti,” iluk yoknisasikhe.

Yudas 1:1

An Yudas, Yakobus agot, Yesus Kristus atuaneke etnogo nen, hit wene yi holal waganogo hinoba la'i agei iti. Nagarlak lak nerugi. Allah nenat hinayoko 'bisikhesik hinebe akmu dogolik, Yesus Kristus hasik thethisik werek iti.

Yudas 1:21

Itithogon ekhe dogolik, hinakla nen, “Ninoe Etagapogot Yesus Kristus ninebe akmu nen, nit yabokane naburlal-haburlal hagatninabigin,” iluk, therogo dogolik, at Allah nen ninebe akmu iti, hit nen at hinom hunigat dogono o.

Yudas 1:24

Hit ninopase Allah obatne werek erlok hakhisik dogosak meke oba lagunem, hinisok a'bit dikhogon warigidek hanorogo hakhisik dogoluk nen, at ebe hogorariogeima etoma, wene hinoba 'bigidegat, hinakla arleken akhekhe korlek menogo erlok 'binagei ligin meke iti, heagei wakhe dogouok o.