Yohanes 10:27 - ALLAH ANE WENW KET MEKE WAROGO WOKNINAKHIKHE WENE

²⁷ Hit hinakla itithogon apegethep mekeat he, it aperek an nadomba meke halok, nane inasuk holharethek, it nen an nebe it inilu nogo nen, noporlik wageikharek o.

Yohanes 10:27 ပူးပေါင်းရင်းမြစ်များ

Matius 16:24

Itithogon yogokhikhesik, at agarumi ane waganhe lagoukha meke emenogo ageikhe men yogeisasikhe, “At tha nen an noporlik nekhe dogeigiluk halok he, obabut ekaerek hasik etaiken hunik dogolik hagakherek meke iti, Na'it, iluk thogotdiluk, o baga meldisalok inakharek meke iti ago mekeat wolok noporlik nekhe dogeigiluk wisuak o.

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Matius 25:12

at nen, Hit iti thani. Hinebe an nokodek o, iluk, eberogonat yokhisigi,” iluk yogeisasikhe.

Matius 7:23

an nen pakhogonat yigithogon yogeisagein o, Hit hinebe an nokodek o. Weak motok hagarik nekhe lagap meke iti nalilu ya dogogup o. Kikil warani, iluk yogeisagein o,” iluk yogeisasikhe.

Markus 10:21

at Yesus ileken oba halok akmu atluk nen, men yogokhikhe, “Hat he, wene opakiat anek ageikhe hagakhidek welagan o. Hat yoma nen lalok hameke yi meke ti meke etoma tha'bokhogonat it aperek inoba oko pali lan o. Oko paliluk oko wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok an noporlik nekhe dogonok nen wetno,” iluk yogokhikhemo,

Markus 8:34

Wenagakhikhesik, akhuni doalegat emenogo inom, agarumi ane waganhe lagoukha meke emenogo inom, waisasikhemo wagoukhama men yogeisasikhe, “At tha nen an noporlik nekhe dogeigiluk halok he, obabut ekaerek etaiken hunik hasik hagakherek meke iti, Na'it, iluk here'isalok, o baga meldisalok inakharek meke iti ago mekeat wolok an noporlik nekhe dogeigiluk wisuak o.

Lukas 13:27

at nen, Hit o koma nen wagap. Hinebe an nokodek o. Hit weak hagakhe lagap meke noba uki agup o. Hit ya nenat piokthegat lani o, iluk yogkhisagein werek o.

Lukas 9:23

Itithogon yogeisasikhesik, wene ageikhe it akhuni tha'bokhogonat men yogeisasikhe, “Tha nen an noporlik nekhe dogeigiluk halok, ekaerek hasik etaiken hunik dogolik hagakherek meke, Na'it, iluk here'isalok nen, o baga meldiluk inakharek meke iti, inago mekeat hibiku-yogoku wolok, an noporlik nekhe dogeigiluk wisuak o.

Yohanes 10:14

Domba therisik welagarek meke nobabut hano re, nebe anat o. Nopase nen an ilu, nen, an nen at nilu, welagorek iti hak, an nen nako domba nilu, nen, it nen an inilu, welagorek o. Itithogon dogolik, an nako domba inirlirli waganogo watlasigiluk welagei.

Yohanes 10:16

Nen, an nako domba ebe lanma yoma anek werek 'buk. O werlekmake aperek weregat o. Nadomba etoma meke nane inasuk holuagaluk wogosik wisigilugat welagei o. 'Bisasumo, it an nako domba yoko palek opakimoke nekhe dogogun. Itithogon nekhe korlek, an narligat nen therisik dogogin o.

Yohanes 10:8

An wageidek aban werek korlek, it akhuni aperek alebageik wagoukha iti, it inebe tha'bokhogonat domba inilarlurlu waganhik, himakhik, hagakharek meke wagoukhasikmo nogo nen he, it domba nen, it inane inasuk holhidek welagoukha.

Yohanes 12:26

Nen, at tha nen an natuaneke dogolik, akla nen, An Yesus hasik hagakhe dogogin, iluk apekhe halok he, an dogoginmo etoma nipisagat motok dogouogoluk noporlik waga dogosak o. Nen, at tha nen an nobasik hagakhe dogogin meke iti, nopase nen at ebe alon haligin o, iluk nane eberogonat yokhisigi o,” iluk yogeisasikhe.

Yohanes 21:22

at Yesus nen, “An nakla nen, ap ithi, ebe ilugat werekma, an yabokane wisigin nakla apigi halok he, hat nen hagasusak meke 'buk. An noba dopok o. Itithogon mekeat, hat anek, an noporlik nekhe dogono o,” iluk wene itithogon yogokhikhe meke iti,

Yohanes 5:25

Nen, akhuni warek meke nen, an Allah a'but nane inasuk holugun oba aban werek mekeat he, arat asi agasik werek o. It nane inasuk holugun meke halok, iniluk atluk iniluk motok dogogun o, iluk, eberogonat yokhisigi o.

Yohanes 8:12

Yabokane, at Yesus nen it akhuni emenogo wene ageikhe men yogeisasikhe, “Akhuni agat oba meke liarinakherek iti, anat o. Tha nen an noporlik nekhe dogogin halok he, an nebe lia dogolik inilugurinakherek meke etnogoat woknabigin iti nen, at iti o mummo nekhe dogogin dek o,” iluk ekhe lageikhemo,

Yohanes 8:43

Itithogon wagagisik wene yokhisekhe lagei meke hit hutdigidek welagap iti nenaluk. Itithogon welagap iti, an nane holek dogosak hina'it iti nen, hutdigidek welagap o.

La'isasikhe 3:23

Tha nen wene at nen yokhisagein meke iti, asuk holhidek meke halok he, at Allah nen, at a'buri inakla nen hulogo ula'isalok weagatdigin o, iluk yogeisasikhe.

1 Korintus 8:3

Itithogon mekeat he, at ageikhe nen, Allah ebe etaiken hunik halok he, Allah nen ap iti ebe ilu o.

Galatia 4:9

Meke re, an nen, “At Allah hinebe ilu welagarek,” iluk uem, “Hit yogotak nen Allah ebe hinilu agap,” iluk igi iti. Halok he, hit hinekaerek nen mokat obabut weak obatne dek meke, ikimo dek meke, iti oba yabokane suguluk hinapuke apma ukuogoluk hagakhe lagap iti, nenaluk.

2 Timotius 2:19

Meke re, Allah nen o herlaga negen 'bisikhe meke obatneak motogat dogogin iti baga holal men iluk waganek werek iti o, “Ninoe Etagapogot ekaerek a'buri wenageinakhikhe meke iti inebe ilu o,” iluk isikhe. Nen, wene ageikhe, “It aperek nen, An nebe ninoe Etagapogot a'burat o, iluk, iliogei meke, Weak hagasusak nina'it o, iluk here'isalok mirlokhogon lo laga dogoak o,” iluk, isikhemo holal waganek werek iti o.

Ibrani 3:7

Iti nen he, Allah Agoreke nen men yoknisekherek, “O yogotak ya baga Allah ane hinasuk holhep halok he,

A'bikaka 14:4

It akhuni iti inebe, karelek dogouogoluk, humi inom noge igidek dogolik, inape baga nen inekalat ageikhe egarek degat, nen, akhuni aperek nen, “It iti weak ageikhe hagakhama,” iluk wene inoba 'busak degat meke werekma, yi akhuni ti akhuni inakla nen kigilogo inoko palinakhikhemo, hipiri yukuk meke alebageik itakharek iti hak, it inebe Allah inom, Domba Eak inom, 'bisalok, Domba Eak etnogo holak komake laga halok oporlik lageikharek meke hisigi o.

A'bikaka 3:20

Lakhani! An nebe holagapema metek dogolik, thu ane puputhekhe lagei o. Itithogon puputhasinem, tha nen nane asuk holiluk nen, thu hualneagein halok, an at oba 'bikha ukiluk nen, nipisak hipiri nasi nagarlak-hagarlagat dogogun o.